Deuteronomio 7:2 - CHUYA QELLQA La Biblia en Quechua de Ayacucho 2012

² Maypacham Señornikichik Tayta Dios chay nacionkunata qoykusuptikichikmi paykunata venceruspa pasaypaqta chinkachinkichik, amam paykunawanqa ima contratotapas ruwankichikchu nitaqmi llakipayankichikpaschu.

Quechua Ayacucho Bible 1987

² Yupaychasqanchik Tayta Dios chay nacionkunata qoykusuptikichik paykunata venceruspaqa pasaypaqtam chinkarachinkichik, amam paykunawanqa ima contratotapas rurankichikchu nitaqmi llakipayankichikchu.

Chuya Qellqa 1992

² Maypacham Señornikichik Tayta Dios chay nacionkunata qoykusuptikichikmi paykunata venceruspa pasaypaqta chinkachinkichik, amam paykunawanqa ima contratotapas ruwankichikchu nitaqmi llakipayankichikpaschu.

Deuteronomio 7:2 Iomraidhean Croise

Génesis 14:20

Tukuy Atiyniyuq Dios yupaychasqa kachun, paymi enemigoykikunata vencechisurqanki, nispa. Chaymi Abramqa lliw kutichimusqanmanta diezmonkunata qoykurqa.

2~Samuel 21:2

Gabaón llaqtayuqkunaqa manam Israel castamantachu karqaku, paykunaqa Amor castamanta puchuqkunam karqaku. Israel runakunam paykunaman jurarqaku mana wañuchinankupaq. Saulmi ichaqa Israelpa mirayninkunamanta chaynataq Judapa mirayninkunamanta sientisqanrayku, Gabaón runakunata chinkarachiypi rirqa. Chaymi Gabaón llaqtayuqkunata David qayachimuspan paykunawan rimaspan

1~Reyes 20:34

Chaymi rey Ben-adad nirqa: Taytaykimanta taytaypa qechusqan llaqtakunatam kutichipusqayki. Samaria llaqtapi taytaypa ruwasqanta hinayá qampas Damasco llaqtapi negociota ruwanaykipaq plazakunata ruwakamuy, nispa. Hinaptinmi rey Acab nirqa: Contratota ruwaptinchikmi kacharisqaykiqa, nispa. Chaymi contratota ruwaruptinku kachaykurqa.

Esdras 10:3

Chaynaqa, kunanyá Diosninchikman prometekusun kay warmikunatawan wawankunata qarqonapaq. Qampa chaynataq Diosninchikpa kamachikuyninta kasukuq runakunapa niwasqankuman hinam ruwasaqku. Diospa kamachikuynintam kasukusaqku.

Éxodo 22:20

Diosllamanmi sacrificiotaqa ofrecenkichik, idolokunaman ofreceqqa wañunqapunim.

Números 21:2

Hinaptinmi Israelpa mirayninkunañataq Tayta Diosman prometekuspanku nirqaku: Kay runakunata vencerachiwaptikikuqa llapallan llaqtankutam purmarachisaqku, nispanku.

Números 31:17

Chaynaqa, kunanpuni llapallan qari wawakunatawan haykam qari reqsiq warmikunata wañuchiychik.

Números 33:52

chaypi yachaq runakunata qarqonkichik, rumimanta hinaspa metalkunata chulluchispa ruwasqa llapallan idolokunatapas ñutunkichikmi. Moqokunapi capillankutapas lliwtam purmachinkichik.

Deuteronomio 13:9

Chay runataqa wañuchinkipunim, puntataqa qanmi wañuchiyta qallarinki, chaymantañam wakin runakunapas chaynata ruwanqaku.

Deuteronomio 19:13

Chayna runataqa ama llakipayaspam wañuchinkichik, chaynapim Israel nacionpi inocente runa mana wañuchisqachu kanqa. Chaynata ruwaptikichikqa ima ruwasqaykichikpas allinmi lloqsisunkichik.

Deuteronomio 2:33

Ichaqa Señorninchik Tayta Diosmi qoykuwarqanchik, chaymi payta, churinkunata hinaspa tropankunatapas vencerurqanchik.

Deuteronomio 2:34

Llapallan llaqtankunata venceruspanchikmi tuñichirqanchik, hinaspam qarikunatapas, warmikunatapas chaynataq wawakunatapas mana puchuykuspa wañuchirqanchik.

Deuteronomio 23:14

Señornikichik Tayta Diosmi campamentoykichikpi purichkan, waqaychasuspaykichik enemigoykichikta vencechisunaykichikpaq, chayraykum campamentoykichikqa chuyanchasqa kanan, mana chayqa Diosmi qamkuna ukupi ima qachatapas rikuspan qamkunamanta asurikunman.

Deuteronomio 25:12

mana llakipayaspam chay warmipa makinta qorurunkichik.

Deuteronomio 3:3

Chaynatam Basán nacionpa reynin Ogta chaynataq llapallan tropankunatapas Señorninchik Tayta Dios vencechiwarqanchik, hinaptinmi paykunata mana hukllatapas puchuspa wañuchirqanchik.

Deuteronomio 31:5

Chay nacionkunata Tayta Dios vencerachisuptikichikqa, kamachisqayman hinam paykunawan ruwankichik.

Deuteronomio 33:27

Wiñaypaq kawsaq Diosmi pakakunaykiqa, wiñaypaq atiyninwanmi marqasunki. Ñawpaqnikichikmantam enemigoykichikta wischunqa, chinkachinaykichikpaqmi kamachikunqa.

Deuteronomio 7:16

Qamkunam ichaqa Señornikichik Tayta Diospa qosusqaykichik allpapi llaqtakunata chinkachinkichik, amam llakipayankichikchu, nitaqmi diosninkunatapas yupaychankichikchu, yanqañataqmi urmachisuqnikichik kanman.

Deuteronomio 9:3

Kaytayá yachaychik: Señornikichik Tayta Diosmi ñawpaqnikichikta rinqa. Payqa ratachkaq nina hina rispanmi chay nacionniyuq runakunata wañuchispan qayllaykichikpi penqayman churanqa. Qamkunañataqmi Tayta Diospa nisqanpi hina qarqoruspa chaylla chinkachinkichik.

Josué 10:28

Josueyqa Maceda llaqtamanpas hina chay punchawllapim yaykuruspan lliw runankunata wañuparachirqa. Reynintapas Jericó llaqtapa reyninta hinam ruwarurqa.

Josué 10:30

Chay llaqtatapas reynintintam Israelpa mirayninkunaman Tayta Dios qoykurqa. Chaymi espadawan lliwta wañurachirqaku. Reynintapas Jericó llaqtapa reyninta hinam ruwarurqaku.

Josué 10:32

Laquis llaqtatapas Tayta Diosmi paykunaman qoykurqa. Chaymi paqarinnintin punchaw lliwta wañurachirqaku, Libna llaqtapa runankunata hina.

Josué 10:40

Josueymi puchukarachirqa orqokuna lawpi, Neguev lawkunapi, qechwa lawkunapi chaynataq waqtakunapi llaqtakunatapas. Runankutapas reyninkutapas mana puchuykuspam lliwta wañuchirqa. Chaynataqa ruwarqa Israelpa yupaychasqan Tayta Diospa kamachisqanman hinam.

Josué 10:42

Josueymi chay llaqtakunata patanmanta qallaykuspa lliwta chinkarachirqa. Chaynataqa ruwarqa Israelpa yupaychasqa Tayta Dios yanapasqanraykum.

Josué 11:8

Tayta Diosmi Israelpa mirayninkunaman qoykurqa, chaymi Sidón sutiyuq hatun llaqtakama, Misrefot-maim lawkama chaynataq intipa qespimunan lawpi Mizpa qechwakama wañuchistin qatirqaku. Lliwtam wañurachirqaku manam chullapas puchurqachu.

Josué 2:14

Hinaptinmi chay runakuna nirqaku: Mana willakuptikiqa ñoqaykum rantikichikpi wañusaqku. Kay allpata Tayta Dios qoykuwaptinkuqa, qamtapas aylluy-kikunatapas cheqaptapunim kuyapayarisqaykiku, nispa.

Josué 21:44

Tayta Diosmi paykunaman hawkayayta qoykurqa, imaynam ñawpaq taytankuman prometesqanman hina, Tayta Dios paykunata yanapasqanraykum enemigonkunapas mana ima ruwaytapas atirqakuchu.

Josué 8:24

Israelpa tropankunaqa, campopipas chunniqpipas Hai llaqtapa tropankunata wañuchiyta tukuruspankum, llaqtaman kaqlla kutirispa, chaypi qepaqkunatapas espadawan wañurachirqaku.

Josué 9:24

Chaymi Josueyta nirqaku: Yupaychasqayki Tayta Dios tukuy kay allpata qamkunaman qosunaykichikpaq hinaspa kay allpapi llapallan yachaqkunata wañuchinanpaq serviqnin Moisesman kamachisqanta yacharusqaykuraykum, wañuchiwanaykikumanta manchakuspa chaynataqa ruwarqaniku.

Josué 9:7

Israelpa mirayninkunam ichaqa chay heveokunata nirqaku: Ichapas qamkunaqa hichpallaykupi yachaqkunapas kachkankichik, ¿imaynataq qamkunawan contratota ruwaymanku? nispanku.

Jueces 1:24

Chay wateqaqkunam, huk runata llaqtamanta lloqsimuchkaqta rikuruspanku nirqaku: Sichum imaynam llaqtaman yaykuna kasqanta willaykuwaptikikuqa llakipayaspam mana imanasqaykikuchu, nispanku.

Jueces 1:4

Ceneokunapa chaynataq ferezeokunapa allpanman Judá ayllukuna yaykuruptinkum, Tayta Dios paykunaman cananeokunapa chaynataq ferezeokunapa allpanta qoykurqa, chaynapim chunka waranqa runakunata Bezec lawpi vencerurqaku.

Jueces 2:2

ichaqa qamkunam kay allpapi yachaqkunawan ama ima contratotapas ruwankichikchu, aswanqa altarninkutapas tuñichinkichikmi”, nispay. Chaynata nichkaptiypas manam kasukurqankichikchu. ¿Imanasqataq kaynataqa ruwarunkichik?