Deuteronomio 6:3 - CHUYA QELLQA La Biblia en Quechua de Ayacucho 2012

³ Chaynaqa, Israelpa mirayninkuna, kasukuspayá ruwayman churaychik, chaynapi tukuy imapa qespinan chaynataq tukuy imapa kanan allpapi achkallataña miranaykichikpaq. Chay allpataqa ñawpaq taytaykichikkunapa yupaychasqan Tayta Diosmi prometewarqanchik.

Quechua Ayacucho Bible 1987

³ Chaynaqa Israelpa mirayninkuna, kasukuspayá cumpliychik hinaptinqa alli-allin kaspaykichikmi achkallaña mirayniyoq kankichik tukuy imapapas kasqan allpapi. Chay allpataqa abuelonchikkunapa yupaychasqan Tayta Diosmi prometewarqanchik.

Chuya Qellqa 1992

³ Chaynaqa, Israelpa mirayninkuna, kasukuspayá ruwayman churaychik, chaynapi tukuy imapa qespinan chaynataq tukuy imapa kanan allpapi achkallataña miranaykichikpaq. Chay allpataqa ñawpaq taytaykichikkunapa yupaychasqan Tayta Diosmi prometewarqanchik.

Deuteronomio 6:3 Iomraidhean Croise

Génesis 12:2

Miraynikikunamantam hatun nacionta hatarichisaq, bendecisqaykim, ancha reqsisqatam ruwasqayki, qamraykum llapa runakunatapas bendecisaq.

Génesis 13:16

Miraynikikunatam ñutu allpata hinaña mirachisaq, manam pipas yupayta atinqachu.

Génesis 15:5

Abramta Tayta Dios hawaman pusaruspan nirqa: Qaway cielopi chaskakunata, ¿yupayta atiwaqchu? Wakna mana yupay atinam miraynikikunapas kanqa, nispa.

Génesis 22:17

Anchata bendecispaymi chaskakunata chaynataq lamar qochapa patanpi aqota hinaña mirachisqayki. Miraynikikunam enemigoykikunapi munaychakunqa.

Génesis 26:4

Miraynikikunatam cielopi chaskakunata hinaña mirachisaq, kay allpakunatam miraynikikunaman qosaq. Kay pachapi llapallan nacionkunam miraynikirayku bendecisqa kanqaku.

Génesis 28:14

Chaymi miraynikikuna kanqa ñutu allpa hina mana yupay atina. Paykunam cheqenqa tukuy hinastinman, qamrayku hinaspa miraynikiraykum kay pachapi llapallan ayllukuna bendecisqa kanqa.

Éxodo 1:7

Ichaqa Israelpa mirayninkunam llumpa-llumpayta mirarurqaku, kallpasapallañam karqakupas, chaymi Egipto nacionman huntaykurqaku.

Éxodo 3:17

Ñoqam Egipto nacionpi ñakarisqaykichikmanta hurqosqaykichik, cananeo, heteo, amorreo, ferezeo, heveo hinaspa jebuseo ayllukunapa allpanman. Chayqa lliw kawsaykunapa qespinan chaynataq tukuy imapapas kanan allpam”, nispa.

Éxodo 3:6

Diosqa nirqataqmi: Ñoqam kani ñawpaq taytaykichik Abrahampa, Isaacpa hinaspa Jacobpa Diosnin, nispa. Chaymi Diosta qawaykuyta manchakuspan uyanta Moisés tapakuykurqa.

Éxodo 3:8

Chaymi uraykamuni Egipto runakunamanta libranaypaq. Egipto nacionmanta hurqospam lliw kawsaykunapa qespinan hinaspa tukuy imapa kanan hatun sumaq allpaman paykunata pusasaq. Chay allpapim cananeokuna, heteokuna, amorreokuna, ferezeokuna, heveokuna hinaspa jebuseokuna yachachkanku.

Eclesiastés 8:12

Kanmi runakuna pachak kutikamaña mana allinta ruwachkaspapas unayta kawsaqkuna, yachanitaqmi Diosta manchakuqkunapas allin kawsakusqankuta.

Isaías 3:10

Allin ruwaqkunatayá niychik: Allinmi kasunki, allinkuna ruwasqaykimantam mikunki, nispa.

Jeremías 42:6

Allinniykupaq otaq mana allinniykupaq kaptinpas qamnintakama yupaychasqanchik Tayta Diospa niwasqankutam kasukusaqku, chaynapi allin kanaykupaq, nispanku.

Jeremías 7:23

Paykunataqa kaynatam nirqani: Nisqaykunata kasu-kuptikichikqa ñoqam Diosnikichik ka-saq qamkunañataqmi llaqtay kanki-chik, nisqaykunaman hinayá kawsaychik, chaynapi ima ruwasqaykichikpas allin kananpaq.

Hechos 7:17

Abrahamman juraspa Diospa prometesqan tiempo hichpamusqanman hinam, Egipto nacionpi Israel runakuna llumpa-llumpayta mirarurqaku.

Deuteronomio 11:9

hinaspa chay allpapi unay watakuna kawsanaykichikpaq. Chay allpatam ñawpaq taytay-kichikkunaman hinaspa paykunapa mirayninkunaman qonanpaq Tayta Dios prometekurqa, chay allpaqa tukuy imapa qespinan hinaspa tukuy imapa kanan allpam.

Deuteronomio 26:15

Yachasqayki hanaq pachamanta qawarimuspaykiyá, Israelpa mirayninkunatawan qowasqaykiku tukuy imapa kasqan chaynataq tukuy imapa qespinan allpata bendeciykuy, ñawpaq taytaykuman prometesqaykiman hina”, nispa.

Deuteronomio 26:9

hinaspam kayman pusamuwaspanchik tukuy imapapas kanan chaynataq tukuy imapapas qespinan allpata qoykuwanchik.

Deuteronomio 27:3

Chay rumikunapim kay willasqay yachachikuykunata qellqankichik, chaynataqa ruwankichik Señornikichik Tayta Diospa qosunaykichik tukuy imapapas kanan chaynataq tukuy imapapas qespinan allpaman yaykuruspaykichikmi. Chaynatam ñawpaq taytanchikkunaman Tayta Dios prometekurqa.

Deuteronomio 31:20

Ñawpaq taytaykichikkunaman juraspa prometesqay tukuy imapa kanan chaynataq tukuy imapa qespinan allpaman paykunata pusaruptiymi saksanankukama mikuspa wirayanqaku, ichaqa karunchakuruspam idolokunataña yupaychanqaku. Qepancharuwaspankum pactoytapas mana kasukunqakuchu.

Deuteronomio 4:40

Kunan punchawpi kamachisqay yachachikuykunatawan kamachikuykunatayá kasukuychik, hinaspaqa qamkunapas chaynataq miraynikichikpas allintam kawsakunkichik, Señornikichik Tayta Diospa wiñaypaq qosunaykichik allpapim unay watakuna yachankichik, nispa.

Deuteronomio 4:6

Kasukuspa ruwaptikichikqa wakin nacionpi runakunam reqsisunkichik qamkunaqa allin yachayniyuq hinaspa allin yuyayniyuq runakuna kasqaykichikta. Paykunapas kay kamachikuykunata yachaspankum ninqaku: “¡Cheqaptapunipas allin yachayniyuq hinaspa allin yuyayniyuq hatun nacionmi kay nacionqa!” nispanku.

Deuteronomio 8:8

Chay allpaqa trigopa, cebadapa, uvas-pa, higospa, granadapa, olivospa hinas-pa mielpa kanan allpam.