Deuteronomio 5:4 - CHUYA QELLQA La Biblia en Quechua de Ayacucho 2012

⁴ Tayta Diosqa kikinpunim orqopi rupachkaq nina ukumanta rimapayawarqanchik.

Quechua Ayacucho Bible 1987

⁴ Tayta Diosqariki chay orqopim rupachkaq nina ukumanta kikinpuni rimapayawarqanchik.

Chuya Qellqa 1992

⁴ Tayta Diosqa kikinpunim orqopi rupachkaq nina ukumanta rimapayawarqanchik.

Deuteronomio 5:4 Iomraidhean Croise

Éxodo 19:9

Chaymi Moisesta Tayta Dios nirqa: Ñoqam qanwan rimanaypaq yanay-yanay puyupi hamusaq, chaynapi runakuna uyarispanku tukuy tiempo qampi hapipakunankupaq, nispa. Moisesñataqmi runakunapa nisqanta Tayta Diosman willarqa.

Éxodo 20:1

Diosmi tukuy kaykunata rimarispan nirqa:

Éxodo 33:11

Tayta Diosqa lado-ladollam Moiseswan rimaq, imaynam pipas runamasinwan rimachkaq hina. Chaymantam Moisesqa campamentoman kutiq. Yanapaqnin Nunpa churin joven Josueymi ichaqa carpamanta mana asuriqchu.

Números 12:8

Paywanqa uya-uyapuram imam kaqta rimasaq, manam rikchanachiykunawanchu, chaynaqa ñoqa Tayta Diosta rikuwachkaptinqa, ¿imanasqamá manaqa manchakurqankichikchu serviqniy Moisespa contranpi rimaytaqa? nispa.

Números 14:14

kay allpapi yachaqkunaman willaykunqaku. Paykunapas yachankum runaykikunawan kasqaykitaqa chaynataq uya-uyapura paykunawan rimasqaykitapas. Yachankutaqmi paykunapa hawan-pi puyuyki sayasqantapas chaynataq punchawpi sayaq puyupi hinaspa tutan-ñataq sayaq ninapi ñawpaqninkuta risqaykitapas.

Deuteronomio 34:10

Israelpa mirayninkunapiqa manañam haykapipas Diospa profetan Moisés hinaqa karqachu. Paywanqa Tayta Diospas uyapuram rimarqa.

Deuteronomio 4:12

Chay ninapa ukunmantam Tayta Dios rimapayasurqankichik. Qamkunaqa rimasqallantam uyarirqankichik, ichaqa manam ima rikchaytapas rikurqankichikchu.

Deuteronomio 4:15

Horeb orqopi rupachkaq nina ukumanta Tayta Diospa rimapayamususqaykichik punchawpiqa manam ima rikchaytapas rikurqankichikchu. Chaynaqa, huchaman urmanaykichikmanta waqaychakuychik, yanqañataq qariman otaq warmiman rikchakuq idolokunata ruwaspa huchallikuwaqchik.

Deuteronomio 4:33

¿Ima llaqtataq qamkuna hina, Tayta Diospa ratachkaq ninapa chawpinmanta rimapayamusqanta uyarichkaspa mana wañururqachu?

Deuteronomio 4:36

Hanaq pachamantam yachachisunaykichikpaq rimapayamusurqankichik, kay pachapiñataqmi rupachkaq ninata qawachisurqankichik, hinaptinmi chay ninapa ukunmanta rimamusqanta uyarirqankichik.

Deuteronomio 5:22

Kay kamachikuykunatam lenwachkaq nina ukumanta chaynataq tutayaq puyu ukunmanta Tayta Dios hatunmanta rimarirqa, orqopa ñawpaqnin pampapi huñunasqa kachkaptikichik. Chaymantam iskay tabla rumikunapi qellqaspan ñoqaman qowarqa.