Deuteronomio 4:6 - CHUYA QELLQA La Biblia en Quechua de Ayacucho 2012

⁶ Kasukuspa ruwaptikichikqa wakin nacionpi runakunam reqsisunkichik qamkunaqa allin yachayniyuq hinaspa allin yuyayniyuq runakuna kasqaykichikta. Paykunapas kay kamachikuykunata yachaspankum ninqaku: “¡Cheqaptapunipas allin yachayniyuq hinaspa allin yuyayniyuq hatun nacionmi kay nacionqa!” nispanku.

Quechua Ayacucho Bible 1987

⁶ Chaynata kasukuspa ruraptikichikqa wakin nacionpi runakunam reqsisunkichik qamkunaqa yachaysapa chaynataq yuyaysapa runakuna kasqaykichikpaq. Paykunapas kay decretokunata yachaspankum ninqaku: “¡Cheqaptapunipas yachaysapa, entendimientoyoq hatun nacionmi kay nacionqa!” nispa.

Chuya Qellqa 1992

⁶ Kasukuspa ruwaptikichikqa wakin nacionpi runakunam reqsisunkichik qamkunaqa allin yachayniyuq hinaspa allin yuyayniyuq runakuna kasqaykichikta. Paykunapas kay kamachikuykunata yachaspankum ninqaku: “¡Cheqaptapunipas allin yachayniyuq hinaspa allin yuyayniyuq hatun nacionmi kay nacionqa!” nispanku.

Deuteronomio 4:6 Iomraidhean Croise

1~Reyes 4:34

Salomonpa yachachikuyninta uyarinankupaqmi tukuy hinastinpi llaqtakunamanta kaq reykuna chaynataq runakunapas hamuqku.

Jobwan Sutichasqa Libro 28:28

Hinaspam runata nirqa: “Yachayqa Diosta manchakuymi, yachayqa mana allinmanta rakikuymi”, nispa.

Proverbios 1:4

Mana yachayniyuqkunata yachayniyuqtaña ruwananpaq, jovenkunatapas allin tanteakuqta, allin yachayniyuqtaña ruwananpaq.

Proverbios 1:5

Yachayniyuq runapas chayta uyarispanmi yachayninta huntachin, yachayniyuq runapas aswanraqmi yachayta chaskinqa,

Proverbios 1:7

Yachaypa qallariyninqa Tayta Diosta kasukuymi; mana yachayniyuq runaqa yachaytawan yachachikuytam wischupakun.

Proverbios 14:34

Allin kaqkunata ruwayqa nacionkunatam hatunchan, hucham ichaqa llaqtakunata penqayman churan.

Proverbios 14:8

Yachayniyuq runataqa yachaymi imaynam kawsananta yachachin, mana tanteoyuq runatam ichaqa mana yachayniyuq kaynin pantachin.

Isaías 42:21

Allin ruwaq kasqanraykum Tayta Diosqa yachachikuyninta hatunchaspa reqsisqata ruwarqa.

Jeremías 8:9

Yachaysapakunam penqayman churasqa kanqaku, toqllapa hapisqan animal hinam mancharikunqaku, Tayta Diospa Chuya siminta qepancharuptinkuqa, ¿maypitaq kachkan yachaysapa kayninkuqa?

Ezequiel 5:5

Ñoqa Tayta Diosmi kaynata nini: Kaymi Jerusalén llaqta. Jerusalentaqa llaqtakunapa hinaspa nacionkunapa chawpinpim churarqani.

Daniel 1:20

Imapas yachay kaqkunamantawan entiendena kaqkunamanta rey tapuspanmi paykunata chunka kuti aswan yachayniyuqtaraq tarirqa, nacionninpi layqakunamantapas hinaspa qawaqkunamantapas.

Daniel 4:9

Yachayniyuqkunapa kamachiqnin Beltsasar, yachanim ñoqaqa chuya dioskunapa espiritun qampi kasqanta, yachanitaqmi pakasqa kaqkunatapas lliwta musyasqaykita, chaynaqa mosqorusqayta uyariykuspa imam ninanta willaykuway.

Oseas 8:12

Sumaq kamachikuyniykunatam paykunaman qellqarqani, paykunam ichaqa qepancharurqaku.

Malaquías 3:12

Hinaptinmi llapallan nacion-kuna sutichasunkichik kusisqa llaqtawan, munayllapaqña kasqaykichikrayku. Tukuy Atiyniyuq Tayta Diosmi chaynata nin.

Deuteronomio 29:9

Chaynaqa, kay pactopa nisqantayá ruwayman churaychik, chaynapi tukuy ima ruwasqaykichikpas allin kananpaq.

Deuteronomio 32:46

Chaymantam Israelpa mirayninkunata kaynata nirqa: Tukuy kay nisqaykunata yuyaymanaspa sonqoykichikpi hatalliychik. Chu-rikichikkunata kamachiychik kay yacha-chikuykunata kasukuspa ruwayman churanankupaq.

Deuteronomio 32:47

Kay yachachikuykunaqa manam llutan yachachikuykunachu, aswanqa kawsachiqnikichikmi. Kay yacha-chikuykunaraykum Jordán mayuta chimpaspa Tayta Diospa qosusqaykichik allpapi unay watakunata kawsakunkichik, nispa.

2~Timoteo 3:15

Qamqa warma kasqaykimantaraqmi Chuya Qellqapi yachachikuykunata yacharqanki, chaykunaqa yachaytam qosunki Cristo Jesuspi iñispa salvakunaykipaq.

Santiago 3:13

Qamkuna ukupi yachayniyuq hinaspa allin entiendeq runa kaspaqa allin kawsakuyninwan hinaspa llampu sonqo kayninwanyá yachayniyuq kasqanta reqsichikuchun.