Deuteronomio 4:5 - CHUYA QELLQA La Biblia en Quechua de Ayacucho 2012

⁵ Señorninchik Tayta Diospa kama-chikuyninkunatawan yachachikuyninku-natam yachachirqaykichik, chaynapi yachanaykichik allpaman yaykuspa kasukunaykichikpaq.

Quechua Ayacucho Bible 1987

⁵ Ñoqam yachachirqaykichik yupaychasqanchik Tayta Diospa kamachiwasqan decretokunata chaynataq reglamentokunatapas. Dueñochakunaykichik allpaman yaykuspaqa tukuy chaykunatamá cumplinkichik.

Chuya Qellqa 1992

⁵ Señorninchik Tayta Diospa kamachikuyninkunatawan yachachikuyninkunatam yachachirqaykichik, chaynapi yachanaykichik allpaman yaykuspa kasukunaykichikpaq.

Deuteronomio 4:5 Iomraidhean Croise

Éxodo 18:20

Paykunamanyá Diospa decretonkunatawan yachachikuyninkunata willay, hinaspayá imaynam kawsanankutawan imam ruwanankuta yachachiy.

Jeremías 11:6

Tayta Diosñataqmi niwarqa: Judá nacionpa llaqtankunapiwan Jerusalén llaqtapa callenkunapi kaynata nimuy: Kay pactopa nisqankunata uyarispa ruwayman churaychik.

Ezequiel 20:11

Chaypim kamachikuyniykunata qospay decretoykunata yachachirqani, pipas ruwayman churaspa kawsananpaq.

Levítico 19:19

Kamachikuyniykunatam kasukunki. Animalnikitaqa amam muyachinkichu huk rikchaq animalwanqa. Chakraykipipas amataqmi tarpunkichu iskay rikchaq muhutaqa. Tukuy rikchaq qaytuwan awasqa pachawanqa amataqmi churakunkichu.

Levítico 26:46

Kaykunam Moisesnintakama Israelpa mirayninkunaman Tayta Diospa qosqan kamachikuykuna, reglamentokuna hinaspa yachachikuykuna. Tukuy chaykunatam Sinaí orqopi Moisesman qorqa.

Levítico 27:34

Israelpa mirayninkunapaqmi kay kamachikuykunata Tayta Dios qorqa Moisesman Sinaí orqopi.

Levítico 7:38

Chaykunatam Moisesman Tayta Dios kamachirqa Sinaí orqopi, chaynapi Israelpa mirayninkuna ofrendankuta Tayta Diosman Sinaí chunniqpi ofrecenankupaq, nispa.

Mateo 28:20

Qam-kunaman tukuy ima kamachisqayta kasukunankupaq yachachimuychik. Ñoqaqa sapa punchawmi qamkunawan kasaq kay pacha puchukanankama, nispan.

Hechos 20:27

Diospa munasqantaqa mana imatapas pakaspaymi willarqaykichik.

1~Corintios 11:28

Chaynaqa, sapakamayá sonqonta tapukuchun manaraq tantata mikuchkaspa hinaspa copamantapas manaraq tomachkaspa.

1~Corintios 15:3

Tukuymanta llalliqtaqa chaskisqayman hinam yachachirqaykichik: Qellqapa nisqanman hinam Cristoqa huchanchikkunarayku wañurqa.

Deuteronomio 11:32

kunan willasqay kamachikuykunatawan yachachikuykunatam kasukunkichik.

Deuteronomio 4:1

Israelpa mirayninkuna, kay yachachisqay kamachikuykunatawan yachachikuykunatayá kasukuychik. Kasukuspaykichikqa manam wañun-kichikchu, hinaspam ñawpaq taytaykichikkunapa yupaychasqan Tayta Diospa qosunaykichik allpaman yaykunkichik.

Deuteronomio 4:2

Kay kamachikuykunamanqa amam imatapas yapankichikchu nitaqmi qechunkichikpaschu. Señornikichik Tayta Diospa kamachikuyninkunatam kasukunkichik, chaykunataqa ñoqam kamachikichik.

Deuteronomio 4:4

Señornikichik Tayta Diosman hapipakuqkunam ichaqa kawsachkankichikraq.

Deuteronomio 4:40

Kunan punchawpi kamachisqay yachachikuykunatawan kamachikuykunatayá kasukuychik, hinaspaqa qamkunapas chaynataq miraynikichikpas allintam kawsakunkichik, Señornikichik Tayta Diospa wiñaypaq qosunaykichik allpapim unay watakuna yachankichik, nispa.

Deuteronomio 5:1

Israelpa llapallan mirayninkunata huñuruspanmi Moisés nirqa: Israelpa mirayninkuna, yachachisqay kamachikuykunatawan yachachikuykunatayá uyariychik. Chaykunata sumaqta yachaspaykichikyá ruwayman churaychik.

Deuteronomio 6:1

Kaykunam chay kamachikuykuna, estatutokuna chaynataq decretokuna, qamkunaman yachachinaypaq Señornikichik Tayta Diospa kamachiwasqankuna, chaykunatam yachanaykichik allpaman yaykuspa ruwayman churankichik.

Deuteronomio 7:11

Chaynaqa, kunan kamachisqay estatutokunata, kamachikuykunata hinaspa decretokunatayá kasukuychik.

Deuteronomio 8:11

Señornikichik Tayta Diostaqa amam qonqarunkichikchu. Kay kamachisqay kamachikuyninkunata, estatutokunata hinaspa decretokunataqa amam qonqarunkichikchu.

Hebreos 3:5

Moisesqa Diospa wasinpi allin servikuq hinaspa lliwpi kasukuqmi karqa, imapas Diospa nisqankunamanta willakunanpaq.