Deuteronomio 4:2 - CHUYA QELLQA La Biblia en Quechua de Ayacucho 2012

² Kay kamachikuykunamanqa amam imatapas yapankichikchu nitaqmi qechunkichikpaschu. Señornikichik Tayta Diospa kamachikuyninkunatam kasukunkichik, chaykunataqa ñoqam kamachikichik.

Quechua Ayacucho Bible 1987

² Kamachikuyniykunamanqa amam imatapas yapankichikchu nitaq menosyachinkichikchu. Qamkunaqa kasunkichikmá yupaychasqanchik Tayta Diospa kamachikuyninkunataqa, chaykunataqa ñoqam kamachikichik.

Chuya Qellqa 1992

² Kay kamachikuykunamanqa amam imatapas yapankichikchu nitaqmi qechunkichikpaschu. Señornikichik Tayta Diospa kamachikuyninkunatam kasukunkichik, chaykunataqa ñoqam kamachikichik.

Deuteronomio 4:2 Iomraidhean Croise

Proverbios 30:6

Paypa siminkunamanqa amayá imatapas yapaychu, chaynapi llullapaq hapisqa kaspa mana qaqchachikunaykipaq.

Eclesiastés 12:13

Kay uyarisqayki yachachikuykunapa tukupayninqa kaymi: Diosta manchakuspa kamachikuyninkunata kasukuy, chayllam runapa ruwayninqa.

Jeremías 26:2

kaynata nirqa: Temploypa pationpi sayaykuspayki tukuy kamachisqaykunata Judá nacionpi llaqtakunamanta yupaychawanankupaq hamuqkunaman willakamuy. Ama qonqaruspa imam kaqta willamuy.

Mateo 5:18

Cheqaptapunim nikichik, hanaq pachawan kay pacha kanankamaqa, manam leypaqa huk letrallanpas nitaq huk puntollanpas qechusqachu kanqa lliw cumplikunankama.

Mateo 5:43

Uyarirqankichiktaqmi: “Runamasi-kitaqa kuyankim, enemigoykitañataqmi cheqninki” nisqankutapas.

Gálatas 3:15

Wawqe-panillaykuna, runapa vidanwan tupanachispam yachachisqaykichik: Sichum huk runa contratota ruwaruspa firmaruptinqa manañam pipas imatapas yapanmanchu nitaq yanqachanmanchu.

Deuteronomio 1:3

Egipto nacionmanta lloqsimusqankumantam, tawa chunka watapa chunka hukniyuq killapa punta kaq punchawninpi Israelpa mirayninkunaman Moisés willarqa Tayta Diospa kamachisqanman hina.

Deuteronomio 12:32

Chaynaqa, tukuy kamachisqaykunatam mana yapaspa nitaq qechuspa kasukunkichik.

Deuteronomio 13:1

Sichum qamkuna ukupi rikurirunman profeta tukuqkuna otaq revelacionninpi qawaq tukuqkunapas hinaspa imapas milagromanta otaq admirakuypaq kaqkunamanta nisunkichikman;

Deuteronomio 33:4

Jacobpa mirayninkunapa herencian kananpaqmi, Tayta Diospa kamachikuyninkunata Moisés qowarqaku.

Deuteronomio 4:14

Ñoqatapas Tayta Diosmi kamachiwarqa qamkunaman kay kamachikuykunata hinaspa yachachikuykunata yachachinaypaq, chaynapi maymi yachanaykichik allpapi ruwayman churanaykichikpaq.

Deuteronomio 4:40

Kunan punchawpi kamachisqay yachachikuykunatawan kamachikuykunatayá kasukuychik, hinaspaqa qamkunapas chaynataq miraynikichikpas allintam kawsakunkichik, Señornikichik Tayta Diospa wiñaypaq qosunaykichik allpapim unay watakuna yachankichik, nispa.

Deuteronomio 4:5

Señorninchik Tayta Diospa kama-chikuyninkunatawan yachachikuyninku-natam yachachirqaykichik, chaynapi yachanaykichik allpaman yaykuspa kasukunaykichikpaq.

Deuteronomio 5:29

Amalaya chayna sonqoyuqlla kanmanku, kasuwaspanku llapallan kamachikuyniykunata sapa punchaw ruwayman churanankupaq, chaynapi paykunapas chaynataq mirayninkupas allin kanankupaq.

Deuteronomio 5:32

Chaynaqa, Señornikichik Tayta Diospa tukuy kamachisusqaykichikta ama pantaspa kasukuychik.

Josué 1:7

Kallpanchakuspaykiyá qarinchakuy, chaynapi serviqniy Moisespa kamachisusqayki yachachikuykunaman hina ruwanaykipaq. Amam chaymantaqa ichoqmanpas nitaq alleqmanpas rakikunkichu, chaynapi tukuy ima ruwasqaykipas allin lloqsinanpaq.

Josué 8:35

Moisespa kamachisqan kaqkunataqa lliwtam Josué leerqa. Chaykunataqa leerqa llapallan Israel castakunapa qayllanpim, qarikunapa, warmikunapa, warmakunapa hinaspa paykunawan yachaq huklaw llaqtayuqkunapa qayllanpim.