Deuteronomio 3:4 - CHUYA QELLQA La Biblia en Quechua de Ayacucho 2012

⁴ Mana huk llaqtallatapas puchuykuspam llapallanta vencerurqanchik, chay vencesqanchik llaqtakunaqa soqta chunka llaqtakunam karqa, chaykunaqa Argob lawpi otaq rey Ogpa munaychakusqan Basán nacionpi llaqtakunam karqa.

Quechua Ayacucho Bible 1987

⁴ Chaynataqmi llapallan llaqtankunatapas vencerqanchik, manamá huk llaqtallatapas puchurqanchikchu, chay vencesqanchik llapallan llaqtakunaqa karqa soqta chunka llaqtakunam, chay llaqtakunaqa karqa Argob lawpim otaq Rey Ogpa gobiernasqan Basan nacionpi llaqtakunam.

Chuya Qellqa 1992

⁴ Mana huk llaqtallatapas puchuykuspam llapallanta vencerurqanchik, chay vencesqanchik llaqtakunaqa soqta chunka llaqtakunam karqa, chaykunaqa Argob lawpi otaq rey Ogpa munaychakusqan Basán nacionpi llaqtakunam karqa.

Deuteronomio 3:4 Iomraidhean Croise

1~Reyes 4:13

Geberpa churinmi kamachikurqa Ramotpi chaynataq Galaad lawpi tarikuq wakin llaqtakunapipas, chay llaqtakunaqa karqa Manasespa churin Jairpa llaqtankunam. Kamachikurqataqmi Basán allpapi tarikuq Argob lawkunapipas. Chaypim tarikurqa soqta chunka murallasqa llaqtakuna, chay llaqtakunapa punkunkunam broncemanta cerrojoyuqkama karqa.

Números 21:35

Chaynapim rey Ogta, churinkunata chaynataq llapallan runankunatapas wañurachirqaku. Manam pitapas puchurqakuchu, hinaspam allpankutapas hapikuykurqaku.

Deuteronomio 3:13

Galaad allpamanta puchuqtawan rey Ogpa munaychakusqan Basán allpatañataqmi Manasespa wakin ayllunman qorqani. Qorqanitaqmi Refaim runakunapa allpanmi nisqanku Argob lawpi allpakunatapas.

Deuteronomio 3:14

Manasés ayllumanta kaq Jairmi Argob lawpi allpakunata hapikuykurqa, Gesur runakunapa chaynataq Maaca runakunapa linderonkama. Chay Basán lawpi allpatam kikinpa sutinwan “Havot-jair” nispa suticharqa, chaynam kunankamapas sutin.

Deuteronomio 3:3

Chaynatam Basán nacionpa reynin Ogta chaynataq llapallan tropankunatapas Señorninchik Tayta Dios vencechiwarqanchik, hinaptinmi paykunata mana hukllatapas puchuspa wañuchirqanchik.

Deuteronomio 3:5

Chay llaqtakunaqa qaqay-qaqay murallayuqmi karqa, punkunkunapas qerukunawan trancasqam karqa. Vencerurqanchiktaqmi chakrakunapi mana murallayuq achkallaña llaqtakunatapas.

Deuteronomio 4:47

Hinaspam rey Sehonpa allpanta chaynataq Basán lawpi rey Ogpa allpantapas hapikuykurqaku. Chay iskay reykunam amorreokunapa reyninku karqaku, Jordán mayupa chimpan intipa qespimunan lawpim paykunaqa yacharqaku.

Josué 12:4

Basanpa reynin Refaimpa miraynin Og. Payqa Astarot llaqtapi hinaspa Edrei llaqtapim yacharqa.