Deuteronomio 26:2 - CHUYA QELLQA La Biblia en Quechua de Ayacucho 2012

² chay allpapi tarpusqaykichikpa punta rurunkunatam Señornikichik Tayta Diospa santuarionman canastapi apankichik.

Quechua Ayacucho Bible 1987

² chay allpapi qespisqanmantam cosechasqaykichik punta rurunkunata canastapi apankichik yupaychasqanchik Tayta Diospa akllasqan llaqtaman.

Chuya Qellqa 1992

² chay allpapi tarpusqaykichikpa punta rurunkunatam Señornikichik Tayta Diospa santuarionman canastapi apankichik.

Deuteronomio 26:2 Iomraidhean Croise

2~Reyes 4:42

Chaymantam Baal-salisa llaqtamanta huk runa profeta Eliseoman iskay chunka cebadamanta primicia tantakunata apamurqa, chayraq cosechasqa espigayuq trigotapas. Chaymi criadonta Eliseo nirqa: Runakunaman mikunankupaq qoykuy, nispa.

2~Crónicas 31:5

Chay kamachikuy lloqsiramuptinmi Israelpa mirayninkuna achkanpi qorqaku trigomanta, vinomanta, aceitemanta, mielmanta hinaspa chakrankupi tukuy ima qespiqkunamanta primiciankuta. Achkanpim tukuy imamanta hurqosqanku diezmokunatapas apamurqaku.

2~Crónicas 6:6

Ichaqa Jerusalén llaqtatam akllarqani chaypi sutiy reqsisqa kananpaq, Davidtañataqmi akllarqani Israel llaqtaypi munaychakunanpaq”, nispa.

Nehemías 12:44

Chay tiempopim, qori-qollqetawan, ofrendakunata, punta kaq rurukunata hinaspa diezmokuna waqaychana almacenkunata nanachikuq runakunata akllarqaku, chaynapi kamachikuypa nisqanman hina, sacerdotekunapaq chaynataq levitakunapaq tupaqnin apamusqankuta waqaychanankupaq. Judá runakunam kusisqa karqaku sacerdo-tekunapa hinaspa levitakunapa servikusqankuwan.

Nehemías 13:31

Kamachirqanitaqmi tiempollanpi yantatawan chaynataq punta kaq rurukunata apamunankupaqpas. ¡Dios Taytalláy, amamá qonqarullawankichu, yanapaykuwanaykipaqmi yuyarillawanki!

Éxodo 20:24

Altarniytaqa allpamantam ruwanki, hinaspam animalkunata wañuchispayki chaypi lliwta kañanki, chaypitaqmi wañuchinki ovejaykikunatawan vacaykikunatapas chaynataq ñoqawan allinlla kasqaykimanta ofrendakunatapas. Ñoqam hamuspay sitiota akllasaq, sutiyta chaypi yuyarinaykichikpaq, hinaspaymi chaypi bendecisqaykichik.

Éxodo 22:29

Ama unaspam cosechaykikunapa chaynataq uvasnikikunapa punta kaq rurunta apamuwanki. Piwi churikitapas qowankipunim.

Éxodo 23:16

Cosecha qallariy fiestatapas chaynataq cosecha tukuy fiestatapas ruwankim, chaytaqa sapa watam cosecha tukuyta ruwanki.

Éxodo 23:19

Chakrapi tarpusqaykipa punta kaq allinnin ruruntam ñoqa Tayta Diospa wasiyman apamunki. Uña cabrachataqa amam mamanpa lechenpiqa yanunkichu.

Éxodo 34:26

Allpaykichikpi wiñaqmanta punta cosechasqaykichiktaqa allin kaqnintam ñoqa Tayta Diospa wasiyman apamuwankichik. Amam uña cabrachataqa mamanpa lechenpiqa yanunkichu.

Jeremías 2:3

Israel runakunaqa sapaqchakusqaymi karqankichik, cosechaypa punta kaq rurunmi karqankichik. Pipas dañasuqnikikunataqa, hatun sasachakuykunawanmi ñakarichirqani, nispa. Ñoqa Tayta Diosmi chaynata nini.

Ezequiel 20:40

Israelpa llapallan mirayninkunam sapaqchakusqay hatun orqopi, Israelpa kaq hatun orqonpi yupaychawankichik. Chaypim ofrendaykichikkunatawan primiciaykichikkunata chaynataq tukuy ima sapaqchapuwasqaykichiktapas chaskisqaykichik. Ñoqa Tayta Diosmi chaynata nini.

Ezequiel 44:30

Paykunapataqmi kanqa tarpukuynikichikpa punta kaq rurunkunapas chaynataq ofrendakunapas. Tantata ruwanaykichikpaq masa ruwasqaykichikmantapas allinnintam qonkichik. Chaynapim wasikichikta bendecisaq.

Ezequiel 48:14

Chay allpam kay nacionpi allpakunamanta allinnin kanqa. Chay allpaqa manam rantikusqachu nitaqmi cambiasqachu kanqa, ñoqa Tayta Diosllapaqña sapaqchasqa kasqanrayku.

Levítico 2:12

Levaduratawan mieltaqa ofrecewankichik punta cosechaykichikmanta ofrendata hinam. Ichaqa amam miskillaña asnariq ofrendata hinaqa altarpiqa kañankichikchu.

Levítico 2:14

Pipas tarpusqanmanta punta kaq allinnin rurunta ofrecewaspanqa, puntata poqoq kawsaytam hamkasqata hinaspa chamchasqata apamunqa. Chayqa kawsaykunamanta punta kaq allinnin ofrendam.

Romanos 11:16

Pipas tantata ruwakuspan puntata Diospaq rakipuptinqa, llapallan tantam Diospaña sapaqchasqa rikurirun. Chaynataqmi sachapa sapinpas Diospaq sapaqchasqa kaptinqa kallmankunapas paypaña rikurirun.

Romanos 16:5

Paykunapa wasinpi huñunakuq iñiqmasinchikkunatapas rimaykapuwaychik. Chaynataq Asia lawpi puntallataraq Cristoman iñikuq kuyasqay Epenetotapas.

Romanos 8:23

Ichaqa manam payllachu, ñoqanchikpas Chuya Espirituta chaskichkaspapas chaynatam ñakarichkanchik. Sonqonchikpi waqaspam suyachkanchik Diospa churichakuykuwananchik punchawta, chay punchawpim cuerponchikta libraykunqa.

1~Corintios 15:20

¡Manam chaynachu! Cristoqa kaw-sarimurqam, payqa wañuqkunamanta punta kawsarimuqmi.

1~Corintios 15:23

Ichaqa sapakamam qatinasninpi kawsarimunqa: Cristom puntata kawsarimurqa, pay hamuptinñataqmi iñiqninkunapas kawsarimunqa.

1~Corintios 16:2

Sapakamayá ganasqaykichikman hina sapa domingo ofrendaykichikta huñuychik, chaynapi chayamuptiyraq ama huñuchkanaykichikpaq.

Deuteronomio 16:10

Semanakuna sutiyuq hatun fiestata ruwaspa Señornikichik Tayta Diosta yupaychankichik. Chay fiestapim kikikichikmanta qosqaykichik ofrendaykichikta Señornikichik Tayta Diosman tukuy imapi bendecisusqaykichikmanta ofrecenkichik.

Deuteronomio 18:4

chaynataq trigopa punta rurunkuna, punta sarusqaykichik vino, punta ruwasqaykichik aceite, ovejaykichikmanta punta rutusqaykichik millwanpas.

Deuteronomio 26:1

Señornikichik Tayta Diospa qosunaykichik allpaman yaykuspa chaypiña yachaspaykichikqa,

Deuteronomio 26:3

Chaypim servikuq sacerdoteman asuykuspa ninkichik: “Señorniki Tayta Diospa qayllanpim kunan niki ñawpaq taytanchikkunaman prometesqan allpapiñam kachkani”, nispa.

Santiago 1:18

Paymi cheqap palabranta reqsiykachiwaspanchik musoqmanta nacechiwarqanchik, chaynapi lliw unanchasqankunamanta primicia hina kananchikpaq.

Josué 18:1

Israelpa mirayninkunam allpata munaychakuruspanku, Silo llaqtapi huñunakuspa Diosman asuykuna carpata sayachirqaku.

Apocalipsis 14:4

Paykunaqa manam qacha warmikunawanpas qanrachakurqakuchu. Paykunaqa Corderotam qatikunku maymanña riptinpas. Paykunaqa kawsaykunapa punta rikurimuq rurun hinam, chaynataqmi Diospaqwan Corderopaq runakuna ukumanta rantisqa karqaku.