Deuteronomio 2:7 - CHUYA QELLQA La Biblia en Quechua de Ayacucho 2012

⁷ Señornikichik Tayta Diosmi tukuy ima ruwasqanchikpi bendeciwarqanchik, tawa chunka watañam ñoqanchikwan kasqanqa, chaymi kay manchakuypaq chunniqpi puriptinchikpas mana imapas pisiwarqanchikchu.

Quechua Ayacucho Bible 1987

⁷ Yupaychasqanchik Tayta Diosmi bendeciwarqanchik tukuy ima rurasqanchikpi, tawa chunka watapunim ñoqanchikwan karqa chaymi kay manchakuypaq chunniqpi puriptinchikpas mana imapas pisiwarqanchikchu.

Chuya Qellqa 1992

⁷ Señornikichik Tayta Diosmi tukuy ima ruwasqanchikpi bendeciwarqanchik, tawa chunka watañam ñoqanchikwan kasqanqa, chaymi kay manchakuypaq chunniqpi puriptinchikpas mana imapas pisiwarqanchikchu.

Deuteronomio 2:7 Iomraidhean Croise

Génesis 12:2

Miraynikikunamantam hatun nacionta hatarichisaq, bendecisqaykim, ancha reqsisqatam ruwasqayki, qamraykum llapa runakunatapas bendecisaq.

Génesis 24:35

Patronniytam Tayta Dios sinchita bendecispan ovejakunawan, vacakunawan, camellokunawan, asnokunawan, qoriwan, qollqewan, criadokunawan criadakunawanpas apuyaykachin.

Génesis 26:12

Isaacmi chay allpapi tarpurqa, hinaspam tarpusqanmanta chay wata cosecharurqa hukllamanta pachak kuti masta, Tayta Dios bendecisqanrayku.

Génesis 30:27

Chaymi Labán nirqa: Ama hina kaspaykiyá amaraq ripukuychu, qawakuykunim qamrayku Tayta Dios bendeciwasqanta.

Génesis 39:3

Potifarmi qawarqa Joseywan Tayta Dios kasqanta chaynataq tukuy ruwasqanpipas yanapasqanta.

Génesis 39:5

Chay punchawmantam Joseyrayku Potifarpa wasinta Tayta Dios bendecirqa. Chaymi Tayta Dios tukuy kapuqninpi, wasinpi chaynataq chakranpipas bendeciykurqa.

Nehemías 9:21

Tawa chunka watam chunniqpi mikuchirqanki, manam imamantapas pisichirqankichu, pachankupas manam mawkayarqachu, chakinkupas manam punkirqachu.

Jobwan Sutichasqa Libro 23:10

Payqa imayna kawsasqaytapas yachanmi, pruebaykuwaptinqa chuyay-chuyay qori hinam lloqsisaq.

Éxodo 16:35

Chaynatam Israelpa mirayninkuna chay maná sutiyuq mikuyta tawa chunka watantin mikurqaku, mikurqakuqa runakunapa yachanan allpaman chayanankukamam, otaq Canaán allpaman yaykunankukamam.

Jeremías 2:2

Jerusalenpi runakunaman rispayki, allinta uyarinankupaq qaparispa kaynata nimuy, Tayta Diosmi kaynata nin: Sipas kaspa kuyawasqaykitam yuyarini, casararuptiy kuyawasqaykitam yuyarini, mana imapa kanan chunniqninta qatiwasqaykitam yuyarini.

Oseas 13:5

Ñoqam chunniqpi reqsirqayki, ñoqataqmi chaki allpapipas waqaycharqayki.

Números 1:1

Israelpa mirayninkuna Egipto nacionmanta lloqsiramuspa yaqa iskay watamanña richkaptinkum, chay watapa iskay kaq killanpa qallariynin punchawpi, Sinaí chunniqpi, Diosman asuykuna carpapi Moisesta Tayta Dios kaynata nirqa:

Números 14:33

Churikichikkunam kay chunniqpi ovejakunata michistin tawa chunka wata muyunqaku. Paykunam qepanchawasqaykichikmanta ñakarinqaku, kay chunniqpi llapallaykichik wañunaykichikkama.

Números 14:34

Tawa chunka punchawmi chay allpata qawamurqankichik, chayna tawa chunka watataqmi ñakarichisqaykichikpas. Huk punchawmantam huk wata castigo kanqa. Chaynapim contraypi hatarisqaykichikqa yanqapaq kasqanta yachankichik.

Números 22:12

Hinaptinmi Balaamta Tayta Dios nirqa: Paykunawanqa ama riychu, amataq chay runakunatapas ñakamuychu. Paykunaqa ñoqapa bendecisqay runaykunam, nispa.

Números 32:13

Chayraykum Tayta Dios anchata piñakurqa Israel runakunapa contranpi hinaspam tawa chunka wata chunniqpi purichirqa, paypa qayllanpi mana allin ruwaq miraykuna wañuspa tukunankukama.

Lucas 22:35

Chaymantam llapankuta Jesús tapurqa: Mana qollqeyuqta, mana wayqayuqta hinaspa mana usutayuqta kachaptiyqa, ¿imapas pisisurqankichikchu? nispa. Chaymi paykunañataq nirqaku: Manam, nispanku.

Juan 10:27

Ovejaykunaqa simiytam uyarin, ñoqapas paykunataqa reqsinim, chaymi paykunaqa qatiwanku.

Deuteronomio 1:19

Señorninchik Tayta Diospa kamachiwasqanchikman hinam Horebmanta lloqsimuspa amorreokunapa orqonman rirqanchik, hinaspam rikumusqaykichikpi hinapas chay manchakuypaq chunniqninta hamuspa Cades-barnea lawman chayamurqanchik.

Deuteronomio 1:46

Chaynapim Cades lawpi unay yacharqankichik.

Deuteronomio 2:14

Cades-barnea lawmanta hamuspa Zered mayuta chimpamunanchikkamam kimsa chunka pusaqniyuq wataña pasarurqa. Chay watakunakamaqa guerrapaq akllasqa miraykunapas lliwñam wañururqaku, imaynam Tayta Diospa jurasqanman hina.

Deuteronomio 2:6

Mikunaykichikpaq imatapas munaspaqa paykunamantam rantinkichik, yaku tomasqaykichikmantapas pagankichikmi”, nispa.

Deuteronomio 29:4

Chaywanpas Tayta Diosqa kunan-kamam yachayta manaraq qosurqankichikchu, chaynapi qawachkaspapas hinaspa uyarichkaspapas mana entiendenaykichikpaq.

Deuteronomio 29:5

Ñoqam chunniqninta tawa chunka watapuni pusamurqaykichik, pachaykichikpas chaynataq usutaykichikpas manam tukurqachu.

Josué 5:6

Israelpa mirayninkunaqa, tawa chunka watam chunniqpi purirqaku guerraman lloqsiq qarikuna tukunankama. Mana kasukusqankuraykum Tayta Dios jurarqa ñawpaq taytankuman prometesqan tukuy imapa kanan chaynataq tukuy imapa qespinan allpata mana qawachinanpaq.