Deuteronomio 17:3 - CHUYA QELLQA La Biblia en Quechua de Ayacucho 2012

³ chaynataq idolokunata yupaychaspa ñawpaqninpi qonqorachkaqta; intita, killata, chaskakunata yupaychachkaqta, chaykuna ruwaytaqa manam Tayta Diosqa kamachikurqachu.

Quechua Ayacucho Bible 1987

³ chaynataq tariruwaqchik taytacha-mamachakunataña qatispa adorachkaqta otaq chaykunapa ñawpaqninpi qonqorakuchkaqta chaynataq intita, killata, lucerokunatapas adorachkaqta, chaykuna adoranataqa Tayta Diosqa manam kamachikurqachu.

Chuya Qellqa 1992

³ chaynataq idolokunata yupaychaspa ñawpaqninpi qonqorachkaqta; intita, killata, chaskakunata yupaychachkaqta, chaykuna ruwaytaqa manam Tayta Diosqa kamachikurqachu.

Deuteronomio 17:3 Iomraidhean Croise

Génesis 2:1

Chaynatam cielopas kay pachapas hinaspa chaypi tukuy ima kaqkunapas unanchay tukusqa karqa.

2~Reyes 21:3

Taytan Ezequiaspa tuñichisqan capillakunatapas musoqmanta hatarichispanmi, Baal idolopaqña altarkunata ruwarqa. Israelpa reynin Acab hinam Asera idolotapas ruwarqa. Cielokunapi chaskakunatapas yupaycharqam.

Éxodo 22:20

Diosllamanmi sacrificiotaqa ofrecenkichik, idolokunaman ofreceqqa wañunqapunim.

Jeremías 19:5

Qamkunam Baal idolokunapaq altarkunata ruwarqankichik, chay altarkunapim churikichikkunata kañaspa Baalman ofrecerqankichik. Chaykuna ruwaytaqa manam kamachirqaykichikchu, nitaqmi piensarqanichu.

Jeremías 32:35

Ben-hinom wayqopipas Baal idolopaqmi altarkunata ruwapurqaku, chaypim churinkuta qaritapas warmitapas Moloc sutiyuq idoloman kañapurqaku. Chaynata ruwaspankum Judá nacionpi runakunata huchallichirqaku. Chay millakuypaq ruwasqankutaqa manam kamachirqanichu nitaqmi piensayllapas piensarqanichu, nispa.

Jeremías 7:31

Ben-hinom qechwapim Tofet sutiyuq altarta hatarichinku wawa-churinkuta kañanankupaq. Chaykuna ruwanankupaqqa manam kamachirqanichu nitaqmi piensarqanipaschu.

Jeremías 8:2

Chay tullukunam intiman, kullaman, chaynataq chaskakunamanpas machqepasqa kanqa; chaykunatam paykuna kuyarqaku, servirqaku, qatirqaku, tapukurqaku hinaspa hatuncharqaku. Chay tullukunataqa manam pipas huñunqachu nitaq pampanqachu, wanu hinañam allpa hawanpi qepanqa.

Ezequiel 8:16

Chaymantam Tayta Diospa templonpa uku law pationman aparuwarqa, chaymi pachakuna waqaychanamanta altarman rinapi, yaqa iskay chunka pichqayuq qarikuna kachkasqaku. Paykunam templota qepanchakuruspanku intipa qespimunan lawman pampakama pakchakuykuspanku intita yupaychachkasqaku.

Deuteronomio 11:16

Chaynaqa, waqaychakuspa ama engañachikuychikchu. Amam Tayta Diosmanta rakikunkichikchu idolokunataña yupaychaspa chaykunapa qayllanpi qonqoranaykichikpaqqa.

Deuteronomio 17:4

Sichum chaykunata yacharuspaykichikqa allintam qatipaykunkichik. Israel nacionpi chay millakuypaq ruwasqanku cheqap kaptinqa,

Deuteronomio 4:19

Yanqañataq cielopi intita, killata, chaskakunata hinaspa cielopi tukuy ima kaqkunata qawaspaykichik yupaychawaqchik. Tukuy chaykunataqa Señornikichik Tayta Diosmi kay pachapi llapa runakunapaq churarqa.

Josué 23:16

Sichum Señornikichik Tayta Diospa kamachisusqaykichik pactonta mana kasukuspa idolokunataña qonqorakuspa yupaychanaykichikpaq pasakuptikichikqa, Tayta Diosmi contraykichikpi piñakuspan kay qosusqaykichik sumaq allpamanta chaylla chinkarachisunkichik, nispa.