Deuteronomio 13:3 - CHUYA QELLQA La Biblia en Quechua de Ayacucho 2012

³ hinaptinqa amam kasunkichikchu. Chaywanqa Señornikichik Tayta Diosmi pruebasuchkankichik, cheqapchus icha manachus tukuy sonqoykichikwan, tukuy vidaykichikwan payta kuyasqaykichikta yachananpaq.

Quechua Ayacucho Bible 1987

³ hinaptinqa amam payta kasunkichikchu. Chaywanqa yupaychasqanchik Tayta Diosmi pruebayta munasunkichik cheqapchus tukuy sonqoykichikwan, tukuy vidaykichikwan pay kuyasqaykichikta yachananpaq.

Chuya Qellqa 1992

³ hinaptinqa amam kasunkichikchu. Chaywanqa Señornikichik Tayta Diosmi pruebasuchkankichik, cheqapchus icha manachus tukuy sonqoykichikwan, tukuy vidaykichikwan payta kuyasqaykichikta yachananpaq.

Deuteronomio 13:3 Iomraidhean Croise

1~Reyes 13:19

Chaymi chay yuyaq profetapa wasinman kutispan mikururqa hinaspa yakutapas tomarurqa.

Éxodo 20:20

Chaymi Moisés nirqa: Ama manchakuychikchu. Diosqa pruebasunaykichikpaqmi hamurqa, chaynapi payta respetaspaykichik mana huchallikunaykichikpaq, nispa.

Isaías 8:20

¡Manam chaynataqa ruwanaychikchu! Aswanqa Diospa yachachikuynintayá tapukuychik, Diospa kamachikuynintayá tapukuychik. Chaykunaman hina mana rimaspankuqa tutayayllapiraqmi kachkanku.

Mateo 24:24

Chay punchawkunapiqa cristo tukuqku-nawan profeta tukuqkunam hatarimunqaku, hinaspam admirakuypaq milagrokunatawan señalkunata ruwan-qaku, chaykunawanmi Diospa akllasqan kaqkunatañapas pantachinqaku.

Hechos 17:11

Chay Berea llaqtapi kaq judiokunaqa Tesalonicapi kaqkunamantapas allin yuyayniyuq runakunam karqaku. Paykunam kusikuyllawanña Diospa palabranta uyarispanku Chuya Qellqata sapa punchaw allinta qatiparqaku, cheqap kasqanta otaq mana cheqap kasqanta yachanankupaq.

1~Corintios 11:19

Arí, qamkunapiqa kananmi rakinakuykunaqa, chaynapi pikunam cheqap iñiqkuna kasqankuta yachanapaq.

2~Corintios 8:8

Kayta nispayqa manam kamachiq hinachu nimuykichik, aswanqa munaymanmi wakinkunapa tukuy sonqonwan ruwasqanku yachanaykichikta, chaynapi qamkunapa kuyakuynikichikqa cheqap kasqanta wakinkunaman qawachinaykichikpaq.

Efesios 4:14

manam kasunqa warmakuna hinañachu, warmakunaqa hukta-hukta creeruspankum wayrawan apachikuchkaq hina runakunapa yachachisqanwan apachikunku, paykunataqa sakri runakunam sumaqllataña rimaspa pantachin.

Deuteronomio 6:5

Señorniki Tayta Diostam tukuy sonqoykiwan, tukuy vidaykiwan hinaspa tukuy kallpaykiwan kuyanki.

Deuteronomio 8:16

Chunniqpim “maná” sutiyuq mikuyta mikuchisurqankichik, ñawpaq taytanchikkunapapas mana reqsisqan mikuyta. Chaykunatam uchuychasunaykichikpaq hinaspa pruebasunaykichikpaq ruwarqa, chaynapi chay pruebakuna tukusqa kaptin allinnikichikpaqña kananpaq.

Deuteronomio 8:2

Tukuy chunniq ñankunapi tawa chunka wata purisqaykichiktam yuyarinkichik. Señornikichik Tayta Diosmi uchuychasunaykichikpaq chaynata pusamusurqankichik, chaynapi pruebasuspaykichik imam sonqoykichikpi kasqanta yachananpaq chaynataq kamachikuyninkunatapas kasukusqaykichikta otaq mana kasukunaykichiktapas yachananpaq.

2~Tesalonicenses 2:11

Diosmi paykunaman kachamun engañakuq atiyta, llulla kaqkunapi creenankupaq,

1~Juan 2:19

Paykunaqa ñoqanchikmantam lloqsirunku, ichaqa manam ñoqanchik partechu karqaku, sichum ñoqanchik parte kaspankuqa ñoqanchikwanchá sayanmanku karqa. Paykunaqa lloqsirunku mana lliwchu iñiqmasinchik kasqanta yachanapaqmi.

1~Juan 4:1

Kuyasqallaykuna, amayá Diospa espiritunpa huntasqanmi kani niqkunapiqa creeychikchu, aswanqa allintayá qatipaykuychik Diospa otaq Satanaspa kasqanta yachanaykichikpaq. Achkallañam kay pachapi pantachikuq profetakuna rikuriramunku.

1~Juan 4:4

Churillaykuna, qamkunaqa Diospam kankichik, llullakuqkunataqa ñam vencerunkichikña; qamkunawan kaq Diosninchik kay pachapi munaychakuq supaymantaqa aswan atiyniyuq kasqanrayku.

Apocalipsis 13:14

Kay señalkunata punta kaq manchakuypaq animalpa qayllanpi ruwananpaqmi atiy qosqa karqa kay pachapi llapa runakunata engañananpaq. Hinaspam kamachikurqa manchakuypaq animalpa imagenninta ruwanankupaq, chay manchakuypaq animalqa espadawan tuksisqa kachkaspanpas manam wañurqachu.

Jueces 2:22

Chay nacionkunawanmi Israelpa mirayninkunata Tayta Dios pruebarqa, chaynapi kasukusqankuta otaq mana kasukusqankutapas yachananpaq, ñawpaq taytankuqa paypa munasqanman hinam kawsarqaku.

1~Samuel 26:19

Reynilláy, kay serviqni-kipa mañakuyninta uyariykullaway. Sichum Tayta Dios ñoqapa contraypi hatarichisuspaykiqa ofrendayta chaskiykuwachun. Sichum runallamanta kaptinqa Tayta Diosyá ñakawachun. Diospa allpanmantam qarqoruwanku, chaynata ruwaspam idolokunata servinaypaqña tanqawachkanku.