Deuteronomio 13:2 - CHUYA QELLQA La Biblia en Quechua de Ayacucho 2012

² chay milagro otaq admirakuypaq kaqpas cumplikuruptinñataq nisunkichikman: “Haku idolokunataña yupaychamusunchik” nispa,

Quechua Ayacucho Bible 1987

² hinaptin milagro chaynataq admirakuypaq kaq cumplikuruptinñataq nisunkichikman: “Rispayá mana reqsisqanchik dioskunata adoramusunchik” nispa

Chuya Qellqa 1992

² chay milagro otaq admirakuypaq kaqpas cumplikuruptinñataq nisunkichikman: “Haku idolokunataña yupaychamusunchik” nispa,

Deuteronomio 13:2 Iomraidhean Croise

1~Reyes 13:3

Chay punchawpim Diospa profetan huk señalta qawachispan nirqa: Kaywanmi yachankichik kay nisqaykunaqa Tayta Diospa nisqan kasqanta: “Altar tuñiruptinmi hawanpi uchpapas tallikunqa”, nispa.

Éxodo 22:19

Pipas animalwan qachakuqtaqa wañuchinkichikmi.

Éxodo 7:22

Egipto nacionniyuq layqakunapas layqayninkuwan chaynata ruwaptinkum Faraonpa sonqon rumiyarurqa, chaymi Tayta Diospa nisqanpi hina Moisestawan Aaronta mana kasurqachu.

Jeremías 23:32

Yanqakunata mosqoruspa runaykunata pantachiq profetakunapa contranpim kachkani. Paykunaqa llullakunata willaspankum llaqtayta pantarachinku. Paykunataqa manam kachamurqanichu nitaqmi kamachimurqanichu, paykunaqa manam llaqtaypa allinnintachu rimarqaku. Ñoqa Tayta Diosmi chaynata nini.

Jeremías 27:9

Amayá kasuychikchu chay profetakunataqa, qatipaqkunataqa, mosqoykunapa imam ninan willakuqkunataqa, suerte qawaqkunataqa nitaq layqakunatapas. Paykunam umachasuchkankichik: Babilonia nacionpa reynintaqa manam servinkichikchu, nispanku.

Jeremías 28:9

Sichum mayqan profetapas hawkayaymanta willakunqa, hinaptin chay rimasqan cumplikuruptinqa cheqaptapunim yachanqaku chay profetaqa Tayta Diospa kachamusqan kasqanta, nispa.

Zacarías 10:2

Idolokunapa rimasqanqa llullam, qatipaqkunapa rikusqanpas pantaymi, yanqa musqoy hinallam willakuyninkupas, yanqa rimayllam sonqo tiyachita rimasqankupas. Chayraykum runakunaqa, mana michiqniyuq ovejakuna hina llutanpi purispa michiqninku mana kaptin ñakarichkanku.

Mateo 24:24

Chay punchawkunapiqa cristo tukuqku-nawan profeta tukuqkunam hatarimunqaku, hinaspam admirakuypaq milagrokunatawan señalkunata ruwan-qaku, chaykunawanmi Diospa akllasqan kaqkunatañapas pantachinqaku.

Deuteronomio 13:6

Sichum wawqekipas, qari churikipas, warmi churikipas, kuyay yanaykipas, llumpay kuyanakusqayki amistadnikipas, pakasqallapi nisunkiman idolonkunata ñawpaq taytaykikunapa mana servisqankunata yupaychanaykipaq, hinaptinqa amam kasunkichu, nitaqmi uyarinkichu. Chay idolokuna muyuriqnikipi kaq runakunapa diosnin kaptinpas otaq huklaw runakunapa diosnin kaptinpas amam kasunkichu nitaq uyarinkichu. Chay hikutasuqniki runataqa amam llakipayankichu, wañuchinankumantapas amam harkakunkichu nitaqmi pakankichikchu.

Deuteronomio 18:20

Pipas profeta tukuspa mana kamachichkaptiy sutiypi rimaqtaqa otaq idolokunapa sutinpi rimaqtaqa, wañuchinkichikpunim”, nispa.

Deuteronomio 18:22

Sichum Tayta Diospa sutinpi profetapa rimasqan mana cumplikuptinqa manam Tayta Diospa nisqanchu. Chay profetaqa kikillanmantam hatun tukuspa rimarqa. Paytaqa amam manchakunkichikchu.