Deuteronomio 12:3 - CHUYA QELLQA La Biblia en Quechua de Ayacucho 2012

³ Altarninkunatapas tuñichinkichikmi, rumimanta ruwasqa idolonkunatapas ñutunkichikmi, kañankichiktaqmi kullumanta Asera idolokunatapas. Pakipankichiktaqmi idolonkunapa imagenninkunatapas, hinaspam sutintapas chaymanta pasaypaqta chinkachinkichik.

Quechua Ayacucho Bible 1987

³ Altarninkunatapas tuñichispam pakipankichiktaq adorananku rumimanta pilarkunatapas, kañankichiktaqmi kullumanta Asera sutiyoq mamachankutapas. Chaynaqa taytacha-mamachankutapas pasaypaqtamá pakipankichik hinaspam chinkachinkichiktaq taytacha-mamachankupa sutintapas chay sitiokunamanta.

Chuya Qellqa 1992

³ Altarninkunatapas tuñichinkichikmi, rumimanta ruwasqa idolonkunatapas ñutunkichikmi, kañankichiktaqmi kullumanta Asera idolokunatapas. Pakipankichiktaqmi idolonkunapa imagenninkunatapas, hinaspam sutintapas chaymanta pasaypaqta chinkachinkichik.

Deuteronomio 12:3 Iomraidhean Croise

1~Reyes 14:15

Imaynam soqosta mayu aytinyachin, chaynatam Tayta Diospas Israel runakunata ñakarichinqa. Ñawpaq taytankuman qosqan sumaq allpamanta qarqoruspanmi Eufrates mayupa waklawninman wischurunqa. Chaynataqa ruwarunqa Asera idolota ruwaruspa Tayta Diosta piñachisqankuraykum.

1~Reyes 15:13

Abuelan Maacatapas, Asera idolota ruwachisqanraykum reina kayninmanta hurqorurqa. Rey Asam abuelanpa ruwachisqan Asera idolota ñuturuspan Cedrón wayqopi kañarurqa.

2~Reyes 11:18

Llapa runakunañataqmi Baalpa templonman yaykuruspanku altarninkunatawan llapa idolokunata pasaypaqta ñutururqaku. Baalpa sacerdoten Matantapas altarkunapa ñawpaqninpim wañurachirqaku. Joiadañataqmi Tayta Diospa templonta waqaychanankupaq guardiakunata churarqa.

2~Reyes 18:4

Moqokunapi capillakunata tuñichispanmi yupaychananku idolokunatapas pakiparurqa, Aseraman rikchakuq idolokunatapas ñutuparurqam, Moisespa ruwachisqan broncemanta maqta urutapas ñutuparurqam. Chay punchawkunapim Israelpa mirayninkunaqa inciensota kañapuspanku Nehustán nispa sutichaqku.

2~Reyes 23:14

Ñutuparurqataqmi rumimanta ruwasqa idolokunatapas, Asera idolokunatapas, chaykunata hur-qosqanku sitiokunamanpas runakunapa tullunkunawanmi huntarachirqa.

2~Crónicas 14:2

Rey Asaqa Tayta Diosninpa munasqanman hinam ruwarqa.

2~Crónicas 14:3

Huklaw nacionniyuq runakunapa diosninkupa altarninkunatapas, moqokunapi kaq capillakunatapas, rumimanta ruwasqa idolokunatapas, Asera sutiyuq idolo-tapas ñutuparurqam.

2~Crónicas 19:3

Ichaqa qanmi allinkunata ruwarqanki, Asera idolokunata kañaruspam kay nacionmanta qechururqanki, hinaspam tukuy sonqoykiwan Tayta Diospa yanapakuyninta maskarqanki, nispa.

2~Crónicas 31:1

Tukuy chaykuna tukuruptinmi, chaypi kaq Israel runakuna Judá nacionpi llaqtakunaman lloqsispanku rumimanta idolokunatawan Asera idolokunata ñutuparurqaku; Judá, Benjamín, Efraín hinaspa Manasés lawkunapi kaq altarkunatapas lliwtam tuñirachirqaku. Chaymantam Israelpa mirayninkunaqa maymi kasqankuman sapakama kutikurqaku.

2~Crónicas 34:3

Pusaq wataña munaychakuyninpim, rey Josiasqa warmallaraq kachkaspan, ñawpaq taytan Davidpa Diosninta maskayta qallaykurqa. Chunka iskayniyuq wataña munaychakuchkaspanmi, Judá nacionpi chaynataq Jerusalén llaqtapi kaq moqokunapi capillakunata, Asera idolokunata, metalta chulluchispa ruwasqa tukuy rikchaq idolokunata hinaspa rumimanta labrasqa idolokunatapas wischuyta qallaykurqa.

Éxodo 23:13

Chaynaqa, tukuy nisqaykunatayá kasukuychik. Amam mañakunkichikchu nitaqmi rimankichikpaschu sapaq dioskunapa sutintaqa.

Éxodo 23:24

Paykunapa idolonkunapa ñawpaqninpiqa amam qonqorakunkichu nitaqmi yupaychankichu. Paykunapa ruwasqanta hinaqa amam qatipakunkichu, aswanqa ñutuspaykim lliwta puchukachinki.

Éxodo 34:13

Aswanqa altarninkunatam tuñichinkichik, yupaychasqanku rumikunatapas pakipankichikmi, Asera sutiyuq idolonkutapas ñutunkichikmi.

Isaías 27:9

Chaywanpas Jacobpa mirayninkunapa huchantaqa pampachanqam, ichaqa kaykunatam ruwananku: Idolonkupa altarninkunatam isku rumita hina ñutupananku, Asera idolonkutam wikapananku, idolonkupaq incienso kañananku altarkunatam tuñichinanku.

Jeremías 17:2

Wawa churikichikkunapas altarkunatawan Asera idolokunatam yuyarinku, chaykunam tarikurqa rapisapa sachakunapa sikinpi, alto moqokunapa puntanpi,

Oseas 2:17

Baal idolokunapa sutinta siminmanta qechuruptiymi manaña rimayllapas rimanqakuñachu.

Miqueas 5:14

Asera sutiyuq idoloykichiktapas chawpikichikmantam wischurusaq, llaqtaykichikkunatapas pasaypaqtam purmarachisaq.

Zacarías 13:2

Tayta Diosmi kaynata nin: Chay punchawpim, kay nacionmanta idolokunapa sutinta chinkachiptiy manaña yuyayllapas yuyarinqakuñachu. Profetakunatawan mana allin espiritukunatapas pasaypaqtam chinkarachisaq.

Números 33:52

chaypi yachaq runakunata qarqonkichik, rumimanta hinaspa metalkunata chulluchispa ruwasqa llapallan idolokunatapas ñutunkichikmi. Moqokunapi capillankutapas lliwtam purmachinkichik.

Deuteronomio 12:4

Señorninchik Tayta Diostaqa amam chay runakuna hinachu yupaychankichik.

Deuteronomio 7:25

Llapa idolonkunatapas kañankichikmi, chay idolokunata llusichisqanku qorita qollqetapas amam munapayankichikchu, yanqam urmachisunkichikman, Señornikichik Tayta Diospa qayllanpiqa chaykunaqa millakuypaqmi.

Deuteronomio 7:5

Aswanqa paykunapa altarninkunatam tuñichinkichik, yupaychanankupaq rumimanta ruwasqanku pilarkunatapas pasaypaqtam pakipankichik. Asera idolonkutam ñutunkichik, lliw idolonkunatam kañankichik.

Apocalipsis 13:1

Chaymantam lamar qochapa patanpi sayaykuspay rikururqani lamar qochamanta qanchis umayuq hinaspa chunka waqrayuq manchakuypaq animal lloqsimuqta. Sapa waqranpim kasqa huk corona, umankunapiñataqmi kasqa Dios kamiq sutikuna.

Jueces 2:2

ichaqa qamkunam kay allpapi yachaqkunawan ama ima contratotapas ruwankichikchu, aswanqa altarninkutapas tuñichinkichikmi”, nispay. Chaynata nichkaptiypas manam kasukurqankichikchu. ¿Imanasqataq kaynataqa ruwarunkichik?