Deuteronomio 10:9 - CHUYA QELLQA La Biblia en Quechua de Ayacucho 2012

⁹ Chay-raykum Leví ayllupaqa wakin ayllukunapa hinaqa tupaqninku allpaqa mana karqachu. Kikin Tayta Diosmi paykunapa herencianqa, Señornikichik Tayta Diospa nisqanpi hina.

Quechua Ayacucho Bible 1987

⁹ Chayraykum Leviy casta runakunapaqa wakin ayllukunapa hinaqa mana kanchu herencia chakrankupas. Paykunapa herencianqa kikin Tayta Diosmi yupaychasqanku Tayta Diospa nisqanpi hina.

Chuya Qellqa 1992

⁹ Chayraykum Leví ayllupaqa wakin ayllukunapa hinaqa tupaqninku allpaqa mana karqachu. Kikin Tayta Diosmi paykunapa herencianqa, Señornikichik Tayta Diospa nisqanpi hina.

Deuteronomio 10:9 Iomraidhean Croise

Ezequiel 44:28

Sacerdotekunapa herencianqa ñoqallam kasaq, Israel nacionpiqa amam ima herenciatapas chaskinqakuchu, ñoqallam kani paykunapa herencianqa.

Números 26:62

Leví ayllumanta kaqkunata huk killayuqmanta hanayman yuparuptinkum iskay chunka kimsayuq waranqa qarikuna karqaku. Leví ayllukunaqa manam wakin Israel ayllukunawan kuskaqa yupasqachu karqaku. Chaynaqa, karqaku Israel wakin ayllukunawan herencia allpata mana chaskisqankuraykum.

Hechos 8:21

Kay chaskinaykipaqa manam partekipas nitaq suertekipas kanchu, sonqoykipas Diospa qayllanpiqa millakuypaqmi kachkan.

Deuteronomio 12:12

Hinaspam Señornikichik Tayta Diospa qayllanpi churikichikkunawan, serviqnikichikkunawan, llaq-taykichikpi yachaq levitakunapiwan fiestata ruwankichik, levitakunaqa manam qamkuna hinachu chakrakunata chaskinqaku.

Deuteronomio 14:27

Llaqtaykichikpi yachaq levitakuna-taqa amam qonqarunkichikchu. Payku-naqa manam allpata qamkuna hinaqa chaskinqakuchu.

Deuteronomio 14:29

Chaynapim llaqtaykichikpi yachaq mana allpayuq levitakuna saksanankukama mikunqaku, mikunqakutaqmi qamkunawan yachaq huklaw llaqtayuqkunapas, mana tayta-mamayuqkunapas chaynataq viudakunapas. Hinaptinqa Señornikichik Tayta Diosmi tukuy ruwasqaykichikpi bendecisunkichik.

Josué 14:3

Rubén ayllumanwan Gad aylluman hinaspa Manasespa wakin ayllumanqa Jordán mayupa waklaw chimpanpi allpatam Moisés qorqa. Leví ayllumanmi ichaqa mana qorqachu.