Deuteronomio 1:8 - CHUYA QELLQA La Biblia en Quechua de Ayacucho 2012

⁸ Ñoqam qoykichik chay allpata, chaynapi yaykuptikichik qamkunapaña kananpaq. Ñoqa Tayta Diosmi chay allpata ñawpaq taytaykichik Abrahamman, Isaacman, Jacobman chaynataq mirayninkunaman qonaypaq juraspay prometekurqani”, nispa.

Quechua Ayacucho Bible 1987

⁸ Chay allpataqa ñoqam qoykichik yaykuspa dueñochakunaykichikpaq. Chay allpataqa abueloykichik Abrahanman, Isaacman, Jacobman chaynataq mirayninkunaman qonaypaqmi juraspay ñoqa Tayta Dios prometekurqani.

Chuya Qellqa 1992

⁸ Ñoqam qoykichik chay allpata, chaynapi yaykuptikichik qamkunapaña kananpaq. Ñoqa Tayta Diosmi chay allpata ñawpaq taytaykichik Abrahamman, Isaacman, Jacobman chaynataq mirayninkunaman qonaypaq juraspay prometekurqani”, nispa.

Deuteronomio 1:8 Iomraidhean Croise

Génesis 12:7

Chaypim Abramman Tayta Dios rikuriykuspan nirqa: Miraynikikunamanmi kay allpata qosaq, nispa. Hinaptinmi rikuriykuqnin Tayta Diosta yupaychananpaq huk altarta chaypi ruwarqa.

Génesis 15:16

Tawa kaq miraynikikunam kay allpaman kutimunqaku, chaykamam Amor casta runakunata huchallapiña kachkaptinkupas manaraq chinkachisaqchu, nispa.

Génesis 15:18

Diosmi Abramwan chay punchaw huk pactota ruwaspan nirqa: Miraynikikunamanmi kay allpata qosaq, Egipto mayumanta Eufrates hatun mayukama.

Nehemías 9:15

Yarqaymanta kaptinkum cielomanta mikuyta qomurqanki, yakumanta kaptinkum qaqamanta yakuta hurqomurqanki, prometesqayki allpaman yaykunankupaqmi kamachirqanki.

Éxodo 23:31

Qanman qosqay nacionpa linderonmi kanqa Puka lamar qochamanta qallarispa filisteokunapa lamar qochankama chaynataq chunniqmanta qallarispa Eufrates mayukama. Chay nacionpi runakunatam makikiman churani qayllaykimanta wischunaykichikpaq.

Éxodo 33:1

Moisestam Tayta Dios nirqa: “Egiptomanta hurqomusqayki runakunawan prometesqay allpaman riychik, chay allpataqa juraspam prometerqani Abrahampa, Isaacpa hinaspa Jacobpa mirayninkunaman qonaypaq.

Jeremías 32:22

Ñawpaq taytaykuman juraspa prometesqayki allpatam, tukuy imapa qespinan chaynataq tukuy imapa kanan allpatam paykunaman qorqanki.

Ezequiel 47:14

Kay nacionpi allpakunatam ñawpaq taytaykichikkunaman qonaypaq prometekurqani, chaynaqa chay sayaytakamallam partenakunkichik. Kay nacionmi tupaqnikichik allpa kanqa.

Números 14:23

manam mayqanninkupas ñawpaq taytankuman juraspa prometesqay allpataqa rikunqakuchu. Qepanchawaqniy runakunaqa manam mayqanninpas rikunqakuchu.

Números 32:11

“Abrahamman, Isaacman hinaspa Jacobman juraspa prometesqay allpamanqa, Egipto nacionmanta lloqsimuq runakunaqa iskay chunka watayuqmanta hanaymanmi mana yaykunqakuchu, paykunaqa manam tukuy sonqonkuwanchu qatiwarqaku.

Deuteronomio 1:11

Ñawpaq taytanchikkunapa yupaychasqan Tayta Diosyá kunan kasqaykichikmantapas waranqa kutitawanraq mirachisunkichik, hinaspayá prometewasqanchikman hina bendecisunkichik.

Deuteronomio 1:35

“Kay mana allin miraykunaqa manam mayqanninkupas ñawpaq taytankuman juraspay qonay sumaq allpataqa rikunqachu.

Deuteronomio 10:11

Aswanqa paymi niwarqa: “Runakunata pusanaykipaq alistakuy, chaynapi ñawpaq taytaykichikkunaman jurasqay allpaman yaykunaykichikpaq”, nispa.

Deuteronomio 11:24

Maymi sarusqaykichik allpam qamkunapa kanqa, chunniqmanta qallarispa Líbano orqokama chaynataq Eufrates mayumanta qallarispa intipa seqaykunan lawpi lamar qochakama.

Deuteronomio 11:9

hinaspa chay allpapi unay watakuna kawsanaykichikpaq. Chay allpatam ñawpaq taytay-kichikkunaman hinaspa paykunapa mirayninkunaman qonanpaq Tayta Dios prometekurqa, chay allpaqa tukuy imapa qespinan hinaspa tukuy imapa kanan allpam.

Deuteronomio 2:29

Seir orqopi yachaq Esaupa mirayninkuna chaynataq Ar llaqtapi yachaq moabitakuna hinayá qampas pasarachiwayku, Jordán mayuta chimparuspa Señorninchik Tayta Diospa qowananku allpaman chayarunaykukama”, nispanku.

Deuteronomio 26:15

Yachasqayki hanaq pachamanta qawarimuspaykiyá, Israelpa mirayninkunatawan qowasqaykiku tukuy imapa kasqan chaynataq tukuy imapa qespinan allpata bendeciykuy, ñawpaq taytaykuman prometesqaykiman hina”, nispa.

Deuteronomio 26:3

Chaypim servikuq sacerdoteman asuykuspa ninkichik: “Señorniki Tayta Diospa qayllanpim kunan niki ñawpaq taytanchikkunaman prometesqan allpapiñam kachkani”, nispa.

Deuteronomio 28:11

Tayta Diosmi tukuy imatapas llim-parichkaqta qosunkichik: Churikichik-kunatam mirachinqa, mirachinqataqmi animalnikichikkunatawan cosechaykichikkunatapas. Chaynatam ruwanqa ñawpaq taytaykichikkunaman qosunaykichikpaq prometesqan allpapi.

Deuteronomio 29:12

Llapallaykichikmi huñu-nasqa kachkankichik Señornikichik Tayta Dioswan pactota ruwaspa kunan juranaykichikpaq.

Deuteronomio 30:20

Tayta Diosta kuyaspaqa kasukuychik, ama paymantaqa kacharikuychikchu. Paymi kawsay qosuqnikichikqa chaynataq unay watakunata kawsachisuqnikichikpas, chaynapim ñawpaq taytaykichik Abrahamman, Isaacman hinaspa Jacobman Tayta Diospa jurasqan allpapi yachankichik.

Deuteronomio 31:7

Chaymantam Josueyta qayaspan Israelpa llapallan mirayninkunapa qay-llanpi Moisés nirqa: Kallpanchakuspa qarinchakuy, qanmi kay runakunata ñawpaq taytankuman Tayta Diospa jurasqan allpaman pusanki, hinaspam paykunaman qonki.

Deuteronomio 34:4

Hinaspam Moisesta Tayta Dios nirqa: Kay allpatam Abrahamman, Isaacman hinaspa Jacobman jurarqani, chaynapi paykunapa mirayninkunaman qonaypaq. Qawaykunaykitam munarqani, ichaqa manam yaykunkichu, nispa.

Deuteronomio 4:1

Israelpa mirayninkuna, kay yachachisqay kamachikuykunatawan yachachikuykunatayá kasukuychik. Kasukuspaykichikqa manam wañun-kichikchu, hinaspam ñawpaq taytaykichikkunapa yupaychasqan Tayta Diospa qosunaykichik allpaman yaykunkichik.

Deuteronomio 6:10

Ñawpaq taytanchik Abrahamman, Isaacman hinaspa Jacobman prometesqan allpamanmi Señornikichik Tayta Dios pusasunkichik. Chay allpaqa hatun llaqtayuqkunam kachkan; chay llaqtakunataqa manam qamkunachu hatarichirqankichik.

Deuteronomio 7:12

Sichum kay uyarisqaykichik yacha-chikuykunata kasukuspa ruwayman churaptikichikqa Señorninchik Tayta Diosmi ñawpaq taytaykichikkunata llakipayaspan ruwasqan pactota cumplinqa.

Deuteronomio 7:13

Payqa kuyasuspaykichikmi bendecisunkichik hinaspam mirachisunkichik. Bendecinqataqmi wawa-churikichiktapas, allpaykichikpa ruruntapas, trigoykichiktapas, vinoykichiktapas, aceitekichiktapas, vacaykichikpa hinaspa ovejaykichikpa uñankunatapas. Chaynataqa ruwanqa ñawpaq taytaykichikman qonanpaq jurasqan allpapim.

Deuteronomio 7:8

Tayta Diosmi qamkunata kuyaspa chaynataq ñawpaq taytaykichikman jurasqanta cumplispan, Egipto nacionpi esclavo kasqaykichikmanta hurqomusurqankichik, hinaspam hatun atiyninwan rey Faraonpa munaychakuyninmanta hurqomusurqankichik.

Deuteronomio 8:1

Kay qosqay kamachikuykunatayá ruwayman churaychik, chayna-pi kawsaspaykichik achkallataña mira-naykichikpaq hinaspa ñawpaq taytay-kichikkunaman Tayta Diospa prometesqan allpaman yaykunaykichikpaq.

Deuteronomio 9:5

Manam allin ruwaq runakuna otaq allin sonqoyuq kasqaykichikraykuchu paykunapa allpanmanqa pusasunkichik. Aswanqa Señornikichik Tayta Diosmi chay runakunataqa mana allinkuna ruwasqankumanta qarqonqa, chaynata ñawpaq taytaykichik Abrahamman, Isaacman hinaspa Jacobman jurasqanta cumplinanpaq.

Hebreos 6:13

Diosqa Abrahamman prometespanqa, paymanta aswan munayniyuq mana pipas kaptinmi kikinpa sutinpi jurarqa.

Hebreos 6:14

Paymi nirqa: Anchallatañam bendecisqayki, chaynataqmi miraynikikunatapas anchallataña mirachisaq, nispa.

Josué 1:6

Qarinchakuspayá kallpanchakuy. Qanmi ñawpaq taytankuman prometesqay allpata kay runakunaman herencianku kananpaq partenki.

Jueces 2:1

Gilgal llaqtamanta Boquim lawman Tayta Diospa angelnin rispanmi Israelpa mirayninkunata nirqa: Ñoqam Egipto nacionmanta hurqo-murqaykichik, hinaspam ñawpaq tay-taykichikman prometispa qosqay allpaman pusamurqaykichik. Paykunamanmi nirqani: “Qamkunawan pacto ruwasqaytaqa manam yanqachasaqchu,