Deuteronomio 1:7 - CHUYA QELLQA La Biblia en Quechua de Ayacucho 2012

⁷ Chaynaqa, muyurispa riychik amorreokunapa yachanan orqokunaman, Arabá lawkunaman, orqokunaman, qechwakunaman, Neguev lawman, lamar qocha lawman, cananeokunapa yachanan lawman, Líbano lawman hinaspa Eufrates hatun mayuman chayanaykichikkama.

Quechua Ayacucho Bible 1987

⁷ Muyurispaykichikyá riychik Amor casta runakunapa *f**yachanan orqokunaman, Araba lawman, orqokuna lawman, chay orqokunapa waqtan lawman, Neguev lawman hinaspa lamar Qocha lawman. Chay lawkunapiqa yachan Canaan casta runakunam, riychiktaqyá Libano lawmanpas, Eufrates hatun mayuman chayanaykichikkama.

Chuya Qellqa 1992

⁷ Chaynaqa, muyurispa riychik amorreokunapa yachanan orqokunaman, Arabá lawkunaman, orqokunaman, qechwakunaman, Neguev lawman, lamar qocha lawman, cananeokunapa yachanan lawman, Líbano lawman hinaspa Eufrates hatun mayuman chayanaykichikkama.

Deuteronomio 1:7 Iomraidhean Croise

Génesis 12:9

Abrammi chay sitiomanta lloqsispan kaypi chaypi samastin Neguev lawman chayarurqa.

2~Samuel 8:3

Rey Davidqa vencerurqataqmi Rehobpa churin Soba nacionpa reynin Hadad-ezertapas, paytaqa vencerurqa Eufrates mayu lawpi allpankunata kutichikunanpaq richkaptinmi.

1~Crónicas 18:3

Rey Davidqa vencerurqataqmi Soba nacionpa reynin Hadad-ezertapas. Soba nacionqa kachkan Hamat lawpim. Paytaqa vencerurqa Eufrates lawpi munaychakuyninta takyachinanpaq richkaptinmi.

1~Crónicas 27:29

Sarón llaqtayuq Sitraimi Sarón pampapi mikuq uywakunata nanachikurqa. Adlaipa churin Safatñataqmi qechwakunapi mikuq uywakunata nanachikurqa.

1~Crónicas 5:9

Intipa qespimunan lawmanñataqmi chayarqa Eufrates mayumanta qallariq chunniqkama, uywankuna Galaad allpapi llumpayta mirarusqanrayku.

Éxodo 23:31

Qanman qosqay nacionpa linderonmi kanqa Puka lamar qochamanta qallarispa filisteokunapa lamar qochankama chaynataq chunniqmanta qallarispa Eufrates mayukama. Chay nacionpi runakunatam makikiman churani qayllaykimanta wischunaykichikpaq.

Amós 2:9

Israel llaqta, ñoqam qamkunata Egiptomanta hurqomurqaykichik, hinaspaymi mana imapa kanan chunniqninta tawa chunka wata pusamurqaykichik. Ñawpaqnikichikpim Amor casta runakunatapas, encina sacha hina allin poqosqa kachkaptinkupas, cedro hina sayayniyuqña kachkaptinkupas, sapinmanta chinkarachispay munaychakunaykichikpaq allpantapas qorqaykichik.

Números 10:12

Chaymi Israelpa mirayninkuna Sinaí chunniqmanta lloqsirqaku. Chay puyuñataqmi Parán chunniqpi sayarurqa.

Deuteronomio 1:19

Señorninchik Tayta Diospa kamachiwasqanchikman hinam Horebmanta lloqsimuspa amorreokunapa orqonman rirqanchik, hinaspam rikumusqaykichikpi hinapas chay manchakuypaq chunniqninta hamuspa Cades-barnea lawman chayamurqanchik.

Deuteronomio 11:11

Chay allpaqa orqo kaspapas qechwa kaspapas parapa chayanan allpam.

Deuteronomio 11:24

Maymi sarusqaykichik allpam qamkunapa kanqa, chunniqmanta qallarispa Líbano orqokama chaynataq Eufrates mayumanta qallarispa intipa seqaykunan lawpi lamar qochakama.

Josué 1:4

Allpaykichikmi kanqa sur lawpi chunniqmanta qallarispa norte lawman Líbano lawpi orqonkunakama, intipa qespimunan lawpi hatun Eufrates mayumanta qallarispa intipa seqaykunan lawpi Mediterráneo lamar qochakama. Qoykichiktaqmi Het castakunapa allpantapas.

Josué 10:40

Josueymi puchukarachirqa orqokuna lawpi, Neguev lawkunapi, qechwa lawkunapi chaynataq waqtakunapi llaqtakunatapas. Runankutapas reyninkutapas mana puchuykuspam lliwta wañuchirqa. Chaynataqa ruwarqa Israelpa yupaychasqan Tayta Diospa kamachisqanman hinam.

Josué 24:15

Sichum Tayta Dios serviyta mana munaspaykichikqa, kunanpuni akllakuychik pim servinaykichikta: ¿Eufrates mayupa waklaw chimpanpi kachkaspankuraq taytaykichikkunapa yupaychasqan idolokunatachu icha kay yachasqaykichik allpapi kaq amorreokunapa yupaychasqanku idolokunatachu servinkichik? Ñoqam ichaqa aylluykunawan kuska Tayta Diosllata servisaqku, nispa.

Josué 9:1

Jordán mayupa kaylaw chimpan orqokunapi, pampakunapi chaynallataq hatun lamar qochapa patanmanta qallaykuspa Líbano law orqokunapi yachaq reykunam tukuy chaykunata uyarirurqaku. Paykunam heteokuna, amorreokuna, cananeokuna, ferezeokuna, heveokuna hinaspa jebuseokuna karqaku.

Apocalipsis 9:14

Chay qaparimuqmi soqta kaq trompetayuq angelta nimurqa: Kachariy Eufrates mayupa patanpi watasqa tawa angelkunata, nispa.