Daniel 9:9 - CHUYA QELLQA La Biblia en Quechua de Ayacucho 2012

⁹ Ñoqaykuqa manam kasurqaykikuchu, Señor Diosnillayku llakipayaykuwaspaykikum huchaykutapas pampachaykunki.

Quechua Ayacucho Bible 1987

⁹ Ichaqa Señor Diosnillayku, qamqariki llakipayariykuwaspaykikum huchaykutapas pampachaykunki, ñoqaykuqariki chaykunawanmi mana kasurqaykikuchu.

Chuya Qellqa 1992

⁹ Ñoqaykuqa manam kasurqaykikuchu, Señor Diosnillayku llakipayaykuwaspaykikum huchaykutapas pampachaykunki.

Daniel 9:9 Iomraidhean Croise

2~Samuel 24:14

Chaymi David nirqa: Hatun sasachakuypim rikuriruni. Runakunapa makinman wichiykuyman-taqa Tayta Diospa makinman wichiykuymi aswan allinqa, Diospa kuyapayakuyninqa hatu-hatunmi, nispa.

1~Reyes 8:30

Kay serviqnikipa chaynataq Israelpa mirayninkunapa mañakusqaykutayá uyariykullawayku. Kay wasikimanta mañakamuptiykumá hanaq pacha wasikimanta uyariykamullawankiku hinaspa pampachaykullawankiku.

Nehemías 9:31

Chaywanpas llumpay llakipayakuq kasqaykiraykum mana chinkarachirqankichu nitaq saqerurqankichu. Qamqa llampu sonqo hinaspa kuyapayakuq Diosmi kanki.

Isaías 55:7

Mana allinkuna ruwaq runayá mana allin kawsayninta saqechun, millakuypaq yuyaymanaqyá chayna kayninta saqechun. Dios taytamanyá kutirikuchun, payqa llakipayariykunqam, Diosninchikmanyá kutirikuchun payqa kuyapayakuq kayninman hinam pampachaykunqa.

Isaías 63:7

Tayta Diospa kuyakuyninmantam willakusaq, ñoqanchikrayku tukuy ima ruwasqankunata yuyarispam, Israelta tukuy imapi bendecisqanta yuyarispam, llakipayakuyninman hina ruwasqanmanta yuyarispam, llumpay kuyapayakuyninta yuyarispam takisaq.

Jeremías 14:7

Dios Taytallayku, huchaykum acusawachkanku, sutikiraykuyá yanapaykullawayku. Mana kasukusqaykuqa nana-nanaqmi, contraykipim huchallikuruniku.

Ezequiel 20:13

Ichaqa paykunam chay chunniqpi mana kasuwarqakuchu; kamachikuyniytapas manam kaqpaqpas hapirqakuchu, decretoykuna qosqaytapas wischupakurqakum, chaykunatam qorqani ruwayman churaspa kawsanankupaq. Aswanraqmi samana punchawniykunatapas pasaypaqta sarutyarurqaku. Chayraykum paykunaman piñakuyniyta kachaykuspay chunniqpi chinkarachiyta tantearqani.

Daniel 9:5

Ñoqaykuqa qampa contraykipi huchallikuruspam llumpa-llumpayta mana allinkunata ruwaruniku, kamachikuynikikunatawan yachachikuynikikunatapas mana kasukuspam qepanchakuruniku.

Daniel 9:6

Servisuqniki profetaykikunatapas manam uyarirqanikuchu, paykunaqa qanmantam willakurqaku reyniykumanpas, kamachiwaqniykumanpas, ñawpaq taytaykumanpas chaynataq nacionniykupi runakunamanpas.

Daniel 9:7

Señorllayku, qamllam kanki tukuy imapas allin ruwaqqa, Judapa mirayninkunam, Jerusalén llaqtapi yachaqkunam, tukuy hinastinpi yachaq Israel ayllukunam penqaypi kachkaniku. Qampa contraykipi hatarispa qepanchasqaykuraykum tukuy hinastinman cheqerachiwarqankiku.

Daniel 9:8

Dios Taytallayku, ñoqaykuqa penqakuypaqmi kachkaniku; reyniykupas, kamachiqniykupas, ñawpaq taytaykupas, contraykipim huchallikuruniku.

Jonás 4:2

Chayraykum Tayta Diosta mañakuspan nirqa: Dios Taytalláy, kayna kanantaqa llaqtaypi kachkaspallayraqmi nirqaniña. Chayraykum manaraq kaykuna pasakuchkaptin Tarsis lawman ayqekuchkarqani. Ñoqaqa yachanim llakipayakuq hinaspa kuyapayakuq Dios kasqaykita. Qamqa mana chaylla piñakuruq kaspaykim hatun kuyapayakuynikipi ima castigo ruwanaykitapas manaña ruwankichu.