Daniel 9:7 - CHUYA QELLQA La Biblia en Quechua de Ayacucho 2012

⁷ Señorllayku, qamllam kanki tukuy imapas allin ruwaqqa, Judapa mirayninkunam, Jerusalén llaqtapi yachaqkunam, tukuy hinastinpi yachaq Israel ayllukunam penqaypi kachkaniku. Qampa contraykipi hatarispa qepanchasqaykuraykum tukuy hinastinman cheqerachiwarqankiku.

Quechua Ayacucho Bible 1987

⁷ Señorllayku, qamllam kanki tukuy imapas allin ruraqqa, llapallan Judapa castankunam ichaqa kunan hina penqayllapi kachkaniku. Jerusalen llaqtapi *f**yachaqkunapas, tukuy hinastinpi *f**yachaq Israel castakunapas penqayllapim kachkaniku. Qanmiki ñoqaykutaqa tukuy hinastinman cheqerachiwarqankiku qampa contraykipi hatariruspa traicionarusqaykurayku.

Chuya Qellqa 1992

⁷ Señorllayku, qamllam kanki tukuy imapas allin ruwaqqa, Judapa mirayninkunam, Jerusalén llaqtapi yachaqkunam, tukuy hinastinpi yachaq Israel ayllukunam penqaypi kachkaniku. Qampa contraykipi hatarispa qepanchasqaykuraykum tukuy hinastinman cheqerachiwarqankiku.

Daniel 9:7 Iomraidhean Croise

Esdras 9:13

Mana allinkuna ruwasqaykurayku llumpa-llumpay huchaykurayku hatun sasachakuykuna hamuwachkaptinkupas, qamqa Diosnillayku, manam huchaykuman hinachu castigawarqankiku aswanqa wakiqllaykutapas libraykuwankikuraqmi.

Esdras 9:15

Israelpa yupaychasqan Diosnillayku, qamqa tukuy imapim yanapaykuwarqankiku, kunan qawasqaykupi hinapas, munakuynikiman hinam kay asllatapas kawsachiwachkankikuraq. Cheqaptapas qayllaykipiqa huchasapam kallaniku, chayraykum qampa ñawpaqnikimanqa mana asuykamunaykupaq hinachu kallaniku, nispa.

Nehemías 9:33

Chaywanpas Diosnillayku, tukuy imapas pasawasqankumantaqa mana huchayuqmi kanki, qamqa imatapas allintam ruwarqanki, ñoqaykum ichaqa mana allinkunata ruwarqaniku.

Isaías 11:11

Chay tiempokunapim, puchuq runankunata reclamananpaq Tayta Dios huktawan makinta hoqarinqa, hinaspam Asiriamanta, Egiptomanta, Patrosmanta, Cusmanta, Sinarmanta, Hamatmanta, Elam lawmanta, lamar qochapa patanpi kaq nacionkunamanta huñumunqa.

Isaías 45:16

Idolokuna ruwaqkunaqa llapallankum hatun penqaypi tarikunqaku, uchuychaspa penqayman churasqam kanqaku.

Jeremías 12:1

Dios Taytalláy, qamqa allin ruwaqmi kanki, manam qanwanqa churanakuymanchu; chaywanpas kaykunam tapukuyniy kachkan: ¿Imanasqataq mana allin ruwaq runakunaqa allinta kawsakunku? ¿Imanasqataq iskay uya runakunaqa hawkalla kawsakunku?

Jeremías 23:6

Paypa munaychakusqan punchawkunapim Judá nación salvasqa kanqa, Israel nacionpas hawkam kawsakunqa. Kaynataraqmi sutichanqakupas: “Tayta Diosmi salvaqninchikqa” nispanku.

Jeremías 24:9

Paykunataqa sasachakuymanmi churasaq kay pachapi nacionkunapas mancharikunankama. Maylaw llaqtamanpas qarqosqaypim, burlakusqa, asipayasqa, ñakasqa chaynataq penqayman churasqa kanqaku.

Jeremías 3:25

Ñoqaykupas ñawpaq taytaykupas, qampa contraykipim huchallikuruniku; warma kasqaykumanta kunan punchawkamam qamtaqa mana kasurqaykikuchu. Chayraykum penqakuymanta pasaypaqta uchuychakunayku.

Jeremías 32:32

Israel runakunawan Judá runa-kunaqa, reyninkuwan, kamachiqninkunawan, sacerdotenkunawan hinaspa profetankunawan kuskam piñachiwanankupaq tukuy mana allinkunata ruwarqaku.

Jeremías 33:16

Paypa punchawninkunapim Judá nación salvasqa kanqa, Jerusalén llaqtapas hawkam kawsakunqa. Chayraykum sutichanqaku: Tayta Diosmi vencechiwaqninchikqa, nispanku.

Jeremías 4:17

Chakra cuidaqkuna hinaraqmi Judá nacionta muyurunqaku, chaynataqa ruwanqaku contraypi hoqarikurusqankuraykum; ñoqa Tayta Diosmi chaynata nini.

Jeremías 7:19

Chaykunata ruwaspaqa manam ñoqatachu piñachiwachkanku, aswanqa kikinku penqaypi kanankupaqmi. Ñoqa Tayta Diosmi chaynata nini.

Ezequiel 16:63

Mana allin ruwasqaykikunamanta pampachaykuptiymi chaykunata yuyarispa penqakuymanta simikitapas manaña kicharinkichu. Ñoqa Tayta Dios chaynata nini.

Ezequiel 36:31

Chaynapim qamkunaqa mana allin kawsasqaykichiktawan mana allin ruwasqaykichikta yuyarinkichik, hinaspam mana allinkunata ruwaspa huchallikusqaykichikmanta penqakunkichik.

Ezequiel 5:10

Chayraykum chawpikipiqa tayta-mamakunapas wawa-churinkuta mikunqaku, wawa-churinkunapas tayta-mamankutam mikunqaku. Ñoqam qamta juzgasqayki, hinaspam haykam puchuqkunatañataq tukuy hinastinman cheqerachisaq, nispa.

Ezequiel 6:12

Karupi kaqkunam peste onqoywan wañunqaku, hina llaqtankupi kaqkunam guerrawan wañunqaku, paykunamanta puchuqkunañataqmi yarqaymanta wañunqaku. Chaynatam piñakuyniyta paykunaman chayachisaq.

Daniel 9:14

Chayraykum Dios Taytallayku tukuy kay mana allinta ñoqaykuman kachaykamunki. Dios Taytallayku, qamqa tukuy imapas allin ruwaqmi kanki, ñoqaykum ichaqa niwasqaykikuta uyariytapas mana munarqanikuchu.

Daniel 9:18

Diosnilláy, kumuykamuspayá uyariykullaway, ñawillaykitapas kichariykuspayá ñakariyniykutawan sutiki hatunchanayku llaqtapa purmasqa kasqanta qawariykuy. Ñoqaykuqa manam mañakuchkaykiku allin ruwasqaykupi hapipakuspachu, aswanqa ancha llakipayakuq kasqaykipi hapipakuspam.

Daniel 9:8

Dios Taytallayku, ñoqaykuqa penqakuypaqmi kachkaniku; reyniykupas, kamachiqniykupas, ñawpaq taytaykupas, contraykipim huchallikuruniku.

Amós 9:9

Ñoqam kamachisaq Israelpa mirayninkuna llapa nacionkunapa suysusqan kanankupaq; imaynam trigota harneropi suysuptinku mana chullallapas allpaman wichinchu, chayna suysusqa kanankupaq.

Romanos 6:21

¿Huchapa munaychakusqanpi kawsaspaqa ima allintataq hurqokurqankichik? Aswanqa wañuyman apakuq kaqkunallatam. Chaykunamantam kunanqa penqakunkichik.

Deuteronomio 32:4

Payqa pakakunanchik qaqam, ruwasqankunapas mana pantayniyuqmi, ruwayninkunapas allinpunim. Payqa cheqap Diosmi, paypiqa manam ima mana allinpas kanchu, payqa derechonpim imatapas ruwan.

Deuteronomio 4:27

Huklaw nacionkunaman Tayta Dios cheqerachisuptikichikmi chay nacionkunapi asllaña puchunkichik.