Daniel 9:6 - CHUYA QELLQA La Biblia en Quechua de Ayacucho 2012

⁶ Servisuqniki profetaykikunatapas manam uyarirqanikuchu, paykunaqa qanmantam willakurqaku reyniykumanpas, kamachiwaqniykumanpas, ñawpaq taytaykumanpas chaynataq nacionniykupi runakunamanpas.

Quechua Ayacucho Bible 1987

⁶ Manam uyarirqanikuchu servisuqniki qanmanta willakuqkunatapas, paykunaqariki qanmantam willakurqaku ñoqaykupa reyniykumanpas, kamachiwaqniykumanpas, abueloykumanpas chaynataq nacionniykupi llapallan runakunamanpas.

Chuya Qellqa 1992

⁶ Servisuqniki profetaykikunatapas manam uyarirqanikuchu, paykunaqa qanmantam willakurqaku reyniykumanpas, kamachiwaqniykumanpas, ñawpaq taytaykumanpas chaynataq nacionniykupi runakunamanpas.

Daniel 9:6 Iomraidhean Croise

2~Reyes 18:12

Chaykunaqa pasakurqa Tayta Diospa nisqanta mana kasukusqankuraykum chaynataq pacto ruwasqantapas mana cumplisqankuraykum. Tayta Diospa serviqnin Moisespa kamachisqankunatam mana kasukurqakuchu nitaqmi ruwaymanpas churarqakuchu.

2~Crónicas 33:10

Tayta Diosmi profetankunatakama Manasestawan llaqtanta rimapayarqa, paykunam ichaqa mana uyarirqakuchu.

Esdras 9:7

Taytaykupa tiemponmanta kunankamam hatun huchapi kawsachkaniku; chay huchaykuraykum ñoqaykupas, reyniykupas, sacerdoteykutapas huklaw nacionkunapa reyninkunaman qosqa karqaniku, chaynapim wañuchisqa, preso apasqa, suwasqa, hinaspa hatun penqaypi karqaniku, chaynam kunanpas kachkaniku.

Nehemías 9:30

Paykunataqa watantin-watantinmi pacienciaykurqanki, Espirituykiwan hinaspa profetaykikunawanmi qaqchachirqanki, paykunam ichaqa mana kasukurqakuchu, chayraykum kay pachapi nacionkuna munaychakunanpaq kachaykurqanki.

Nehemías 9:32

Dios Taytallayku, qamqa tukuy atiyniyuqmi kanki, manchakuypaq atiyniyuqmi kanki, pacto ruwasqaykitawan hatun kuyakuynikita cumpliqmi kanki. Llapa reyniykupas, kamachiqniykupas, sacerdoteykupas, profetaykikunapas, taytaykupas chaynataq llapa runakunapas ñakarisqankutaqa amayá asllapaqqa hapiychu. Chaykunam pasawarqaku Asiria nacionniyuq reykunapa tiemponmanta kunankama.

Nehemías 9:34

Reyniykupas, kamachiqniykupas, sacerdoteykupas tayta-mamaykupas manam kamachikuynikikunata ruwayman churarqakuchu, yachachikuynikikunatawan qaqchasqaykikunatapas manam kasukurqakuchu.

Jeremías 26:5

chaynataq qamkunaman ñataq-ñataq kachamusqay profetaykunapa nisqantapas mana kasukuptikichikqa,

Jeremías 29:19

Chaynataqa ruwasaq, profetaykunawan ñataq-ñataq willachisqaykunata mana kasukusqankuraykum, ñoqa Tayta Diosmi chaynata nini.

Jeremías 44:16

Tayta Diospa sutinpi willawasqaykiku palabrakunataqa manam kasukusaqkuchu.

Jeremías 7:13

Mana allin kawsasqaykichikmanta achka kutita rimapayachkaptiypas manam uyariwarqankichikchu, nitaqmi kasukurqankichikchu; Ñoqa Tayta Diosmi chaynata nini.

Jeremías 7:24

Ichaqa mana kasu-kuspankum mana kaqpaqpas hapirqa-kuchu, aswanraqmi sonqonkupa munas-qanta ruwaspa tukuy mana allinku-nata ruwarqaku. Ñoqaman kutirikamunanku kachkaptinpas aswanraqmi karunchakururqaku.

Daniel 9:10

Dios Taytallayku, kamachikuy-nikikunata profetaykikunawan willachi-wasqaykikutapas manam uyarirqanikuchu, yachachikuynikikunaman hina kawsanaykupaqpas manam kasukurqanikuchu.

Daniel 9:9

Ñoqaykuqa manam kasurqaykikuchu, Señor Diosnillayku llakipayaykuwaspaykikum huchaykutapas pampachaykunki.

Mateo 23:37

¡Jerusalén, Jerusalén! ¡Profetakunata wañuchispam qanman kachamusqakunata rumiwan chamqapanki! ¡Hayka kutitataq wawaykikunata huñuykuyta munarqani! imaynam chiwchinkunata wallpa rapran ukupi oqllaykuq hina, ichaqa manam munarqankichu

Hechos 13:27

Jerusalenpi yachaqkunam llapa kamachiqninkunapiwan, Jesús pim kasqanta mana yachasqankurayku wañunanpaq sentenciarurqaku, chaynapim profetakunapa nisqankuna cumplikurqa. Sapa samana punchawpi leechkaspankupas manam entienderqakuchu.