Daniel 9:26 - CHUYA QELLQA La Biblia en Quechua de Ayacucho 2012

²⁶ Chay soqta chunka iskayniyuq semanakuna pasaruptinmi, kamachikuq Mesías wañuchisqa kanqa. Jerusalén llaqtatapas huk reymi tropankunawan hamuruspa tuñirachinqa, chaynataqmi santuariotapas tuñirachinqa. Lloqlla hinam puchukay chayaramunqa, puchukay chayamunankamam guerrakunapas hinaspa purmachiykunapas kanqa.

Quechua Ayacucho Bible 1987

²⁶ Chay soqta chunka iskayniyoq semanakunam pasarunqa. Hinaptinmi chay Akllasqa Kamachikuq wañuchisqa kanqa. Mana imayoq kasqanraykum payqa wañuchisqa kanqa. Jerusalen llaqtatapas hamuq kamachikuqpa tropankunam tuñirachinqa. Chaypi kaq santuariotapas paykunamá tuñirachinqa. Lloqllapa apamusqan hinam puchukayqa chayaykamuchkanña. Chayna puchukanankamam kanqa guerraskunallaña hinaspa Diospa tanteasqan purmachiykunallaña.

Chuya Qellqa 1992

²⁶ Chay soqta chunka iskayniyuq semanakuna pasaruptinmi, Kamachikuq Mesiasqa wañuchisqa kanqa. Jerusalén llaqtatapas huk reymi tropankunawan hamuruspa tuñirachinqa, chaynataqmi santuariotapas tuñirachinqa. Lloqlla hinam puchukay chayaramunqa, Puchukay chayamunankamam guerrakunapas hinaspa purmachiykunapas kanqa.

Daniel 9:26 Iomraidhean Croise

2~Samuel 21:5

Paykunañataqmi nirqaku: Israel nacionpi chullallapas mana puchunaykuta munaspam Saulqa chinkarachiwaykupi rirqa.

Isaías 28:2

Tayta Diosmi hatallichkan huk kallpasapa sinchi atiyniyuq runata. Chay runaqa, runtu para hina dañakuqmi, llumpay wayra-para hinaraqmi, loco para hinaraqmi, manchakuypaq repunti lloqlla hinaraqmi. Kallpawanmi pampaman wikapanqa,

Isaías 28:22

Hinaptinqa amañayá burlakuychikñachu, yanqañataq watasusqaykichik astawan seqorusunkichikman; kay pachata tuñichinanpaq Tukuy Atiyniyuq Tayta Diospa tanteasqantam uyarirqani.

Isaías 53:8

Yanqamanta tumpaspam sentenciarqaku, manam pipas nanachikurqachu, paymantaqa manam pipas llakikurqachu. Kay pachamantam chinkarachirqaku, llaqtaypa huchanmantam wañurachirqaku.

Isaías 8:7

Tayta Dios kamachimunqa llimparichkaq Eufrates mayuta, chay mayuqa Asiria nacionpa reyninpa atiyninmi, paymi llimparichkaq mayu hinaraq mastarikuspan haypasqanta patan-patan tuytunqa,

Jeremías 46:7

¿Pitaq wakqa Nilo mayu hinaraq qespimuchkan? ¿Pitaq wakqa llimparichkaq mayu hinaraq kuyumuchkan?

Jeremías 51:42

Lamar qocham Babiloniata pamparun, olankunam lloqsiramuspa pamparun.

Daniel 11:10

Ichaqa norte lawpi reypa churinkunam piñakuspanku nana-nanaq tropakunata hatarichinqaku. Lloqlla hinaraq mastarikuspankum sur lawpi reypa murallasqa llaqtanman chayaruspanku huktawan atacanqaku.

Daniel 11:17

Hinaspam sur law nacionpipas munaychakuyta munanqa, chaypaqmi sur lawpi reywan huk contratota ruwanqa; chay contrato allin lloqsinanpaqmi warmi churinwan casarachinqa, chaynataqa ruwanqa sur lawpi reypa munaychakuyninta tuñirachinanpaqmi, chaywanpas chay tanteasqankunaqa manam cumplikunqachu.

Daniel 11:22

Payqa kallpasapallaña lloqlla hinam contranpi hatarimuqkunatapas pasaypaqta chinkarachinqa, paykunatawan kuskatam contrato ruwaq kamachikuqtapas wañurachinqa.

Daniel 11:36

Norte nacionniyuq reymi tukuy imam munasqanta ruwanqa, hatun tukuspanmi kaynata ninqa: “Ñoqaqa llapallan dioskunapapas hawanpim kachkani”, nispa. Payqa Diospa contranpipas millakuypaq mana allinkunatam rimanqa. Payqa tukuy imapim allinllaña lloqsinqa Diospa piñakuynin payta hayparunankama. Diosqa imam tanteasqantaqa ruwanqapunim.

Daniel 9:27

Chay reymi achka runakunawan contratota huk semanapaq ruwanqa; ichaqa chawpi semanallapiraqmi Diospaq animalkuna wañuchinankutapas, Diosman kawsay ofrendakuna qonankutapas harkakurunqa. Templopa altarninpipas millakuypaq kaqkunatam ruwanqa, chaykunapa qepantam chay millakuypaq runata Diospuni puchukarachinqa.

Oseas 1:9

Hinaptinmi Oseasta Tayta Dios nirqa: Lo-ami nispa chay wawata sutichay, qamkunaqa manam llaqtayñachu kan-kichik, ñoqapas manataqmi Diosni-kichikñachu kani, nispa.

Amós 8:8

¿Manachum chayrayku allpapas kuyurinqa? ¿Manachum chaypi yachaq llapa runakuna waqanqaku? Mayu hinaraqmi llimparinqa, llimparispanmi Egiptopi mayu hinaraq yawyarinqa.

Amós 9:5

Tukuy Atiyniyuq Tayta Dios llapchaykuptinmi kay pacha chullurin, chaypi yachaqkunam lliw waqanku; chulluspanmi mayu hinaraq timpurin, Egiptopi mayu hinaraqmi yawyarinpas.

Nahúm 1:8

Contranpi hatariqkunatam ichaqa lloqlla hinaraq chinkarachin, enemigonkunataqa tutayaypipas qatikachanmi.

Mateo 22:2

Diospa munaychakuyninqa churinta casarachiq reymanmi rikchakun.

Mateo 22:7

Chayta uyariruspanmi reyqa llum-payta piñakururqa, hinaspam solda-donkunata kamachirqa chay wañu-chiqkunata wañuchimunankupaq chay-nataq llaqtankutapas kañamunanku-paq.

Mateo 23:38

Chayraykum wasikichikpas chunninqa.

Mateo 24:2

Chaymi Jesús nirqa: ¿Qawachkankichikchu tukuy kaykunata? Cheqaptapunim nikichik, manam chulla rumillapas perqasqaqa qepanqachu, lliwmi tuñichisqa kanqa, nispa.

Marcos 13:2

Chaymi Jesusñataq nirqa: ¿Qawachkankichu kay suma-sumaq templota? Manam chulla rumillapas perqasqaqa puchunqachu, lliwmi tuñichisqa kanqa, nispa.

Marcos 13:7

Guerrakunamanta otaq guerrakuna kananmanta rimayta uyarispaykichikqa amam manchakunkichikchu, chaykunaqa pasakunanpunim, ichaqa manaraqmi kay tiempopa tukupayninraqchu.

Marcos 9:12

Hinaptinmi Jesusñataq nirqa: Arí, Eliasmi puntamunqa hinaspam tukuy imata allichanqa. ¿Manachu Diospa Qellqanpi nin: “Runapa Churinqa ñakarichisqa kaspam despreciasqa kanqa”, nispan?

Lucas 21:24

Wakinmi espadawan wañuchisqa kanqaku, wakinñataqmi huklaw nacionkunaman preso apasqa kanqaku. Jerusalén llaqtapas Diosta mana reqsiqkunapa sarupasqanmi kanqa, chaynaqa kanqa Diosta mana reqsiqkunapa munaychakunan tiempo tukunankamam.

Lucas 21:6

Hamunqam punchaw, kay qawasqaykichikmantaqa manam chulla rumillapas perqasqaqa qepanqachu, lliwmi tuñichisqa kanqa, nispa.

Lucas 24:26

¿Ma-nachum Cristoqa hanaq pachaman kutinanpaqqa tukuy chaykunata ñakarinan karqa? nispan.

Lucas 24:46

Hinaspanmi paykunata Jesús nirqa: Qellqasqam kachkan Cristoqa ñaka-rispa wañunanmanta hinaspa kimsa punchawman kawsarimunanmanta,

Juan 14:30

Qamkunawanqa manañam unay-ñachu rimasaq, ñam hamuchkanña kay pachapi kamachikuq. Payqa manam imaniraqllatapas ñoqamantaqa munaychakunchu.

2~Corintios 5:21

Cristoqa manam huchallikurqachu, ichaqa ñoqanchikraykum huchanchikkunata Dios qepiykachirqa, chaynapi Cristowan huklla kaspanchik Diospa munasqanman hinaña kawsananchikpaq.

Gálatas 3:13

Leypa ñakawasqanchikmantam Cristo librawarqanchik. Paymi ñoqanchikrayku ñakasqa karqa. Chuya Qellqapim kaynata nin: “Qerupi warkusqa wañuq runaqa ñakasqayá kachun”, nispa.

1~Pedro 2:21

Chaypaqmi Diosqa qayasurqankichik, Cristopas qamkunaraykum ñakarirqa, chaynapi paypa ejemplonta qatinaykichikpaq.

1~Pedro 2:24

Kikin Cristom chakatasqa kaspan cuerponpi tukuy huchanchikkunata aparqa, chaynapi huchapaq wañusqaña kaspa allintaña kawsananchikpaq. Cristopa heridasqa kasqanwanmi sanoyayta haypankichik.

1~Pedro 3:18

Chaynataqmi Cristopas huk kutillata huchanchikkunamanta ñakarirqa. Payqa mana huchayuqmi karqa, ichaqa mana allin runakunata Diosman pusa-wananchikpaqmi ñakarirqa. Aychapi wañukuchkaspapas espiritupa yana-pakuyninwanmi kawsarimurqa.