Daniel 9:25 - CHUYA QELLQA La Biblia en Quechua de Ayacucho 2012

²⁵ Kaytam yachanayki hinaspa allinta entiendenayki: Jerusalén llaqta huktawan hatarichisqa kananpaq kamachikuy lloqsimusqanmantam kamachikuq Mesías hamunankama qanchis semana pasanqa. Chaymantam soqta chunka iskayniyuq semanakuna pasanqa; chay tiempopim Jerusalén llaqtapa plazankunapas perqankunapas musoqmanta hatarichisqa kanqa. Chaykunaqa ruwasqa kanqa hatun sasachakuy tiempopim.

Quechua Ayacucho Bible 1987

²⁵ Daniel, kay willasqatayá yachay sumaqta. Daniel, kay willasqaytayá entiendey sumaqta. Kamachikuy lloqsimuptinmi Jerusalen llaqta huktawan hatarichisqa kanqa. Kamachikuy lloqsimuptinmi Jerusalen llaqta mosoqmanta perqasqa kanqa. Chay tiempomanta huk Akllasqa Kamachikuq hamunankamam pasanqa qanchis semanakuna. Pasanqataqmi soqta chunka iskayniyoq semanakuna. Chay tiempopiñam rurasqa kanqa Jerusalen llaqtapa plazankuna. Chay tiempopiñam Jerusalen llaqtapa yarqankunapas rurasqa kanqa. Aswanqa sasachakuy tiempokunapiñam chaykunaqa rurasqa kanqa.

Chuya Qellqa 1992

²⁵ Kaytam yachanayki hinaspa allinta entiendenayki: Jerusalén llaqta huktawan hatarichisqa kananpaq kamachikuy lloqsimusqanmantam Kamachikuq Mesías hamunankamam qanchis semana pasanqa. Chaymantam soqta chunka iskayniyuq semanakuna pasanqa; chay tiempopim Jerusalén llaqtapa plazankunapas perqankunapas musoqmanta hatarichisqa kanqa. Chaykunaqa ruwasqa kanqa hatun sasachakuy tiempopim.

Daniel 9:25 Iomraidhean Croise

2~Samuel 15:25

Ichaqa Sadoctam rey David nirqa: Diospa Arcanta llaqtaman kutichiy. Tayta Dios kuyapayariwaspan kutichimuwaptinqa Arcatapas chaynataq yachanan carpatapas qawaykusaqraqchá.

Esdras 4:24

Chaynapim Jerusalén llaqtapi Tayta Diospa templon hatarichiyninku sayarurqa, Persia nacionpi rey Dariopa iskay wata munaychakuyninkama.

Esdras 7:1

Chaykuna pasaruptinmi, Persia nacionpa reynin Artajerjes munaychakuchkaptin, Babiloniamanta Seraiaspa churin Esdras kutimurqa. Seraiasqa karqa Azariaspa churinmi, Azariasñataqmi Hilciaspa,

Esdras 7:8

Rey Artajerjes qanchis wataña munaychakuchkaptinmi, Ab sutiyuq pichqa kaq killapi Jerusalenman Esdras chayamurqa.

Nehemías 3:1

Sumo sacerdote Eliasibmi sacer-dotemasinkunapiwan hatarispan-ku Ovejawan sutichasqa punkuta hatarichirqaku. Vigankunatawan punkun-kunata churaspankum perqankunatapas Pachakwan sutichasqa torremanta qallaykuspa Hamea sutiyuq torrekama ruwarqaku, hinaspam Tayta Diospaq sapaqcharqaku.

Nehemías 4:2

wawqenkunapa chaynataq Samaria tropakunapa qayllanpi kaynata nirqa: ¿Imatataq kay mana kallpayuq judiokuna ruwachkanku? ¿Yapamantachu murallakunata hatarichispanku sacrificiokunata ofrecenqaku? ¿Yaqachu huk punchawllapi tukurunqaku? ¿Yaqachu waknaña allpa ukumanta llapa kañasqa rumikunata hurqospa musoqyachinqaku? nispa.

Nehemías 4:8

Hinaspam Jerusalenta atacamunankupaq llapallanku rimanakururqaku, chaynapi hukmanyachiwanankupaq.

Nehemías 6:15

Muralla ruwaytam tukururqaniku Elul killapa iskay chunka pichqayuq punchawninpi. Chay obratam pichqa chunka iskayniyuq punchawpi qespirachirqaniku.

Eclesiastés 3:3

Kanmi tiempo wañuchinapaq kantaqmi hampinapaqpas, kanmi tiempo tuñichinapaq kantaqmi hatarichinapaqpas.

Isaías 55:4

Ñoqam payta churarqani llaqtakunapaq testigo kananpaq, kamachiqninku kaspa paykunata maymi rinankuta pusananpaq.

Isaías 9:6

Wawam nacerapuwanchik, churitam Tayta Dios qoykuwanchik, munaychakunanpaqmi atiyta qoykun. Paytam sutichanqaku: Admirakuypaq, allin Consejakuq, Tukuy Atiyniyuq Dios, Wiña-Wiñaypaq Yaya, hinaspa Hawkayayta Qokuq, nispa.

Daniel 8:11

Chaskakunapa kamachiqninpa contranpi hatunchakuruspanmi, Diosman sapa punchaw ofrecesqanku ofrendatapas qechurachirqa, santuariotapas millakuypaqtam ruwarunqa.

Daniel 8:25

Sakrillaña kasqanraykum runakunata llumpayta engañanqa. Sonqonpi hatunchakuspanmi hawka kawsakuqkunatapas achkallataña wañuchinqa. Payqa kamachikuqkunapa kamachiqninpa contranpim hatarinqa, aswanqa vencesqam kanqa, ichaqa manam runakunapa atiyninwanchu.

Daniel 9:23

Mañakuyta qallaykuptillaykiraqmi Diosqa uyariykusurqankiña. Qamqa paypa ancha kuyasqanmi kanki, chayraykum uyarisusqaykita qanman willaykuq hamurqani. Chaynaqa, visionpi qawasqaykita entiendenaykipaqyá allinta uyariway:

Miqueas 5:1

Jerusalén llaqta, harkachikunaykipaq muyuriqnikipi perqakunata hatarichiy, enemigoykikunam muyurirusunki Israel nacionpa kamachiqninta ñakarichinankupaq.

Miqueas 5:2

Belén Efrata, Judá ayllukunamanta taksallan llaqta, qanmantam Israelpi munaychakuq hatarinqa, payqa paqarimurqa ñawpaqmantaraqmi, tukuy imapa qallariyninmantapacham.

Mateo 13:23

Allin allpaman wichiq muhuñataqmi rikchakun palabrata uyarispan entiendeq runaman. Chaymi huk muhullamanta rurun pachakta, soqta chunkata hinaspa kimsa chunkata, nispa.

Mateo 24:15

Profeta Danielmi qellqarqa “Chuya” sutiyuq lugarpi millakuypaq kaqkunamanta (pipas kayta leeqqa entiendechun). “Chuya” sutiyuq lugarpi chaykunata rikuspaykichikqa,

Marcos 13:14

Sichum [Profeta Danielpa qellqasqanman hina] templopi millakuypaq kaqkuna ruwasqata rikuspaykichikqa (pipas kayta leeqqa entiendechunyá), Judeapi kaqkunayá orqokunaman ayqeychik.

Juan 1:41

Paymi puntata wawqen Simonta tariykurqa, hinaspanmi nirqa: Mesiastam tariramuniku, nispa. (Mesias-qa Cristo ninanmi)

Juan 4:25

Chaymi warmiñataq nirqa: Yachanim Cristo nisqanku Mesías hamunanta, pay hamuspanmi lliwta willawanqaku, nispa.

Hechos 3:15

Chaynapim kawsay qokuq Jesusta wañuchirqankichik. Ichaqa Dios Taytam kawsarichimurqa, chaymi Jesús kawsarimusqan rikusqaykumanta testigo kaniku.

Hechos 5:31

Paytam hatunchaspan alleq lawninman Dios churarqa, chaynapi munaychakuq hinaspa salvaqninchik kananpaq chaynataq Israelpa mirayninkuna huchankumanta wanakuspa pampachasqa kanankupaq.

Hechos 8:30

Felipeñataqmi kallpaylla asuykuspan Isaiaspa qellqasqan libro leesqanta uyarirurqa, chaymi tapurqa: ¿Entiendechkankichu chay leesqaykipa imam nisqanta? nispa.

Efesios 5:16

Tiempoykichiktapas amayá usuchiychikchu, kay punchawkunaqa mana allinllañam.

Apocalipsis 1:5

chaynataq Jesucristomantapas. Payqa cheqap testigom, wañuqkunamanta punta kawsarimuqmi, reykunapa reyninmi, kuyawaspanchik huchanchikkunamanta yawarninwan mayllaqninchikmi.

Apocalipsis 19:16

Pachanpipas chaynataq piernanpipas kayna qellqasqam kasqa: “Reykunapa Reynin, Señorkunapapas Señornin” niq.