Daniel 9:24 - CHUYA QELLQA La Biblia en Quechua de Ayacucho 2012

²⁴ Qanchis chunka semanam tanteasqa kachkan nacionnikipaqpas chaynataq chuya llaqtaykipaqpas, mana kasukuyninkuwan huchallikuyninkupas tukunanpaq, huchapas puchukachisqa kananpaq, mana allin ruwayta pampachananpaq; allin ruwayta wiñaypaq takyachinanpaq, visionpas profeciapas cumplikunanpaq, Chuyay-chuyay lugarpas Diosllapaqña sapaqchasqa kananpaq.

Quechua Ayacucho Bible 1987

²⁴ Qanchis chunka semanam llaqtamasikikunapaq tanteasqa kachkan. Diospaq sapaqchasqa Jerusalen llaqtaykipaqpas hina chaynallam kachkan. Chayraqmi mana kasukuq kayninkupas tukunqa. Chayraqmi huchallikuyninkupas taninqa. Chayraqmi mana allin rurasqankupas pampachasqa kanqa. Wiñaypaqñam ruranqaku paykunaqa allin kaqkunatapas. Chayraqmi cumplikunqa revelacionnikipi imam qawasqaykipas. Chayraqmi cumplikunqa Diosmanta willakuqkunapa imam willakusqankupas. Diosllapaqña sapaqchasqam kanqa Chuyay-chuyay kaqpas.

Chuya Qellqa 1992

²⁴ Qanchis chunka semanam tanteasqa kachkan nacionnikipaqpas chaynataq chuya llaqtaykipaqpas, mana kasukuyninkuwan huchallikuyninkupas tukunanpaq, huchapas puchukachisqa kananpaq, mana allin ruwayta pampachananpaq; allin ruwayta wiñaypaq takyachinanpaq, visionpas profeciapas cumplikunanpaq, Chuyay-chuyay lugarpas Diosllapaqña sapaqchasqa kananpaq.

Daniel 9:24 Iomraidhean Croise

2~Crónicas 29:24

Chay chivatokunatam llapa sacerdotekuna wañuchispanku yawarninta hucha pampachana ofrendata hina altarman challarqaku, chaynapi llapa Israel runakunapa huchan pampachasqa kananpaq, chaynatam rey kamachikurqa, lliw Israelpa huchanmanta lliw kañana sacrificiota ofrecenankupaq.

Isaías 42:4

Payqa manam pisipanqachu, nitaqmi hukmanyanqachu, nacionkunapi allin arreglota ruwanankama. Lamar qochapa patanpi nacionkunapas yachachikuynintam suyanqaku.

Isaías 51:6

Cielokunata qawariychik, kay pachatapas qawariychik; cielokunapas qosni hinallam chinkarunqa, kay pachapas mawka pacha hinallam tukurunqa, runankunapas lliwmi puchukarunqa. Salvacionniymi ichaqa wiña-wiñaypaq takyanqa, allinkuna ruwasqayqa mana tukuqmi kanqa.

Isaías 51:8

Paykunaqa puyusqa pacha hinam tukurunqaku, urupa mikusqan millwa hinam tukurunqaku. Salvacionniywan allinkuna ruwasqaymi ichaqa wiñaypaq takyanqa.

Isaías 56:1

Tayta Diosmi kaynata nin: Mana pimanpas sayapakuspa lliwpaq allinkunallata ruwaychik, munasqayman hina kawsaychik, libranay punchawmi hichpamuchkanña, allin ruwaq kasqayta qawachinay punchawmi chayamuchkanña.

Isaías 61:1

Tayta Diospa Espiritunmi ñoqapi kachkan, Tayta Diosmi sapaqchawaspan kamachiwarqa wakchakunaman allin noticiata willakamunaypaq, llakisqakunata consuelamunaypaq, presochasqakunata kacharimunaypaq, carcelpi kaqkunata libramunaypaq,

Lamentaciones 4:22

Sión llaqta, castigasqa kaynikiqa tukurunñam, Tayta Diosqa manañam presota apachisunkiñachu. Edom nacionpi kaqkuna, Tayta Diosmi huchaykichikmanta castigasunkichik, huchaykichiktam lliwman qawachinqa.

Ezequiel 28:12

Runapa churin, qamyá ñoqa Tayta Diospa nisqayman hina kay aya takita Tiro llaqtapa reyninman kaynata niy: Qamqa suma-sumaqmi karqanki, llumpay yachaypa huntasqanmi karqanki, ancha kuyayllapaqmi karqanki.

Ezequiel 4:5

Kimsa pachak isqon chunka punchawmi ichoq lawman waqtaparayanki, kimsa pachak isqon chunka watam Israelpa mirayninkunapas contraypi huchallikurqaku.

Ezequiel 4:6

Chayna punchawkunata cumpliruspaykiñataqmi alleq lawmanña waqtapanki, chaynata ruwaspam Judá nacionpa huchankunata tawa chunka punchaw apanki. Huk watapi hucha ruwasqantam huk punchaw apanki.

Levítico 25:8

Qanchis kutikamam qanchis watakunata yupanki, chaymi tawa chunka isqonniyuq watakuna kanqa.

Levítico 8:15

Moisesñataqmi wañurachispan, chay animalpa yawarninta chaskiykurqa, hinaspam dedonta challpuykuspan altarpa waqrachankunaman llusirqa. Chaynatam Diospaq chay altarta sapaqcharqa. Yawar puchuqtañataqmi altarpa sikinman talliykurqa, chaynatam altarta Diospaq sapaqcharqa, chay altarpi llapa runakunapa huchan pampachasqa kananpaq.

Zacarías 4:14

Payñataqmi niwarqa: Kay iskay olivoskunaqa kay pachapi munaychakuq Tayta Diospa qayllanpi servikunankupaq sapaqchasqakunam, nispan.

Números 14:34

Tawa chunka punchawmi chay allpata qawamurqankichik, chayna tawa chunka watataqmi ñakarichisqaykichikpas. Huk punchawmantam huk wata castigo kanqa. Chaynapim contraypi hatarisqaykichikqa yanqapaq kasqanta yachankichik.

Mateo 1:21

Qari wawatam wachakunqa, paytam Jesuswan sutichanki, paymi llaqtanta huchankunamanta salvanqa, nispa.

Mateo 11:13

Profetakunawan kamachikuyku-nam Juan hamunankama willakur-qaku.

Mateo 4:5

Chaymantam diablo aparurqa Jeru-salén chuya llaqtaman, hinaspam templopa hawanpi sayaykachispan

Marcos 1:24

¡Nazaret llaqtayuq Jesús! ¿Imata-taq ñoqaykuwan munanki? ¿Chinkachi-qniykuchu hamurunki? Ñoqaqa reqsikim, qamqa Diospa Churinmi kanki, nispa.

Lucas 1:35

Chaymi angelñataq nirqa: Chuya Espiritum qanman hamunqa, hinaptinmi hanaq pachapi Diospa atiynin llantuy hina pampaykusunki. Chayraykum naceq chuya wawaqa Diospa Churinwan sutichasqa kanqa.

Lucas 21:22

Chay punchawkunaqa Qellqapa nisqankuna cumplikunanpaqmi Diospa castiganan punchawkuna kanqa.

Juan 1:41

Paymi puntata wawqen Simonta tariykurqa, hinaspanmi nirqa: Mesiastam tariramuniku, nispa. (Mesias-qa Cristo ninanmi)

Juan 3:34

Diospa kachamusqanqa Diospa palabrantam willakun, Diosmi paymanqa Espiritunta chaninpi mana pisisqata qon.

Hechos 3:14

Jesusqa Chuya hinaspa justo kachkaptinmi Pilato libraykunanta harkakuspa runa wañuchiq runataraq kacharinanpaq mañakurqankichik.

Hechos 3:22

Moisesmi ñawpaq taytanchikkunata nirqa: “Señorninchik Diosmi ayllunchikkunamanta huk profetata ñoqata hina hatarichinqa. Chaynaqa, paypa nisusqaykichiktam lliwta kasukunkichik.

Hechos 4:26

Kay pachapi reykunam huklla hoqarikurunku, kamachikuqkunam Señorpa chaynataq sapaqchakusqan Cristopa contranpi rimanakurunku”, nispa.

Romanos 5:10

Diospa enemigon kachkaptinchikpas, Churin Jesuspa wañusqanwanmi kikinwan allinyanaykachiwanchik. Chayna-qa, Dioswan allinyanakusqaña kaspan-chikqa, aswanraqmi vidanrayku salvasqa kasunchik.

1~Corintios 1:30

Qamkunatam ichaqa Diospuni Cristo Jesuswan hukllawasurqankichik, paytam churarqa yachayninchik, pampachaqninchik, chuyanchaqninchik hinaspa salvaqninchik kananpaq.

Filipenses 3:9

chaynapi paywan hukllaña kanaypaq, manam ley cumplisqayraykuchu mana huchayuqpaqqa chaskisqa kasaq, aswanqa Cristoman iñikuptiymi mana huchayuqpaqña Dios chaskiwan.

Colosenses 1:20

Diosmi allinyanakuyta munarqa kay pachapi kaqkunawan chaynataq hanaq pachapi kaqkunawanpas, chaytaqa ruwarqa Cristopa cruzpi yawar chaqchusqanwan hawkayayman yaykuspanmi.

Colosenses 2:14

Diosmi leyman hina huchanchikrayku castigasqa kananchikmanta lliwta pagaykun, hinaspam Cristopa cruzpi wañusqanwan libraykuwanchik.

Hebreos 10:14

Chaynatam Cristoqa huk kutillata wañusqanwan wiñaypaq haykam Diospaq sapaqchasqa kaqkunata chuyancharun.

Hebreos 2:17

Chayraykum wawqenkunaman tukuy imapi rikchakurqa chaynapi llakipayakuq hinaspa hapipakunapaq kasqanrayku Diospa qayllanpi sacerdotekunapa kamachiqnin kananpaq hinaspa runakunapa huchanrayku wañuspan, paykunapaq Diospa pampachakuyninta haypananpaq.

Hebreos 7:26

Payqa ñoqanchikpa allinninchikpaq Sumo sacerdotem, payqa chuyam, mana chikan huchayuqmi, mana qachayuqmi, huchasapakunamanta sapaqchasqam hinaspa cielokunapa hawanman churasqam kachkan.

Hebreos 9:26

Chayna kanan kaptinqa kay pacha unanchasqa kasqanmantachiki Cristoqa achka kutita ñakarinman karqa. Kunanqa tiempokuna cumplikuruptinmi rikuriramuspa Cristoqa kikillanmanta huk kutillata wañurqa huchakunata chinkachinanpaq.

2~Pedro 1:1

Jesucristota serviq apóstol ñoqa Simón Pedrom, haykam ñoqayku hina kuyayllapaq iñiyta chaskiqkunaman kay cartata apachimuykichik. Diosninchikpas hinaspa salvaqninchik Jesucristopas allin kaqkuna ruwaqmi.

1~Juan 3:8

Pipas hucha ruwaqqa diablopam, diabloqa qallariyninmantapuni huchallikuqmi. Diospa Churinqa rikurimurqa diablopa ruwasqankunata tuñichinanpaqmi.

Apocalipsis 14:6

Rikurqanitaqmi huk angeltapas cielopa chawpinta pawachkaqta, paymi wiñaypaq kaq allin noticiata apachkasqa kay pachapi llapallan runakunaman, nacionkunaman, ayllukunaman, tukuy rikchaq rimayniyuqkunaman hinaspa llaqtakunaman.

Apocalipsis 3:7

Filadelfia llaqtapi iglesiapa angelninman kaynata qellqay: Chuya kaqmi, Cheqap kaqmi, Davidpa llaven hatalliqmi chaynataq kichaptiyqa manam pipas wichqanmanchu, wichqaptiyqa manam pipas kichanmanchu niqmi, kaynata nin: