Daniel 9:23 - CHUYA QELLQA La Biblia en Quechua de Ayacucho 2012

²³ Mañakuyta qallaykuptillaykiraqmi Diosqa uyariykusurqankiña. Qamqa paypa ancha kuyasqanmi kanki, chayraykum uyarisusqaykita qanman willaykuq hamurqani. Chaynaqa, visionpi qawasqaykita entiendenaykipaqyá allinta uyariway:

Quechua Ayacucho Bible 1987

²³ Ruegakuyta qallaykuptillaykiraqmi Diosqa uyariykusurqankiña. Ñoqaqa hamurqani chay uyarisusqaykita qanman willanaypaqmi. Payqariki llumpaytam kuyasunki. Chaynaqa allinta yuyaymanaspayá chay imam qawasqaykimanta entiendenaykipaq uyariway:

Chuya Qellqa 1992

²³ Mañakuyta qallaykuptillaykiraqmi Diosqa uyariykusurqankiña. Qamqa paypa ancha kuyasqanmi kanki, chayraykum uyarisusqaykita qanman willaykuq hamurqani. Chaynaqa, visionpi qawasqaykita entiendenaykipaqyá allinta uyariway:

Daniel 9:23 Iomraidhean Croise

2~Reyes 19:20

Hinaptinmi Amozpa churin Isaiasqa rey Ezequiasman kaynata nichimurqa: Israelpa yupaychasqan Tayta Diosmi kaynata nin: Asiria nacionpa reynin Senaqueribmanta mañakuwasqaykitaqa uyariykuykim.

Proverbios 15:8

Tayta Diosqa millakunmi mana allin runakunapa ofrendantaqa, allin ruwaq runakunapa mañakuynintam ichaqa kusikuywan chaskiykun.

Cantares 7:10

Ñoqaqa kuyay yanaypam kani, kuyawasqanraykum maskawan.

Ezequiel 14:14

Sichum chay nacionpa chawpinpi tarikunmanku Noeywan, Daniel chaynataq Job, hinaspaqa allin ruwaq kasqankuraykum kay kimsallanku salvakunmanku. Ñoqa Tayta Diosmi chaynata nini.

Ezequiel 24:16

Runapa churin, ancha kuyasqayki warmikitam qonqayllamanta qechurusqayki, paymantaqa amam llakikunkichu nitaq waqankichu, amataqmi weqekipas sutunqachu.

Ezequiel 26:12

Tukuy imaykikunatam apakunqa, negocio ruwasqaykikunatam suwasunki, qaqay-qaqay perqaykikunatam tuñichinqa, suma-sumaq palacioykikunatam taqmanqa, rumikikunatawan pilarnikikunatapas lamar qochamanmi wischuykunqa.

Daniel 10:1

Persia nacionpi rey Ciro kimsa wataña munaychakuchkaptinmi, Beltsasarwan sutichasqa Daniel huk cheqap revelacionta chaskirqa, ichaqa sasa entiendeymi karqa. Danielmi ichaqa chay revelacionpa imam ninantapas allinta entiendeykurqa.

Daniel 10:19

hinaspanmi niwarqa: Diospa kuyasqan Daniel, ama manchakuychu nitaq hukmanyaychu, astawan kallpanchakuy, nispa. Chaynata niwachkaptinmi kallpanchakuruspay payta nirqani: Taytalláy, rimapayawayña ñam kallpanchaykuwankiña, nispa.

Daniel 6:3

Danielqa wakin kamachikuqkunamantapas chaynataq llapallan gobernadorkunamantapas ancha reqsisqam rikurirurqa, admirakuypaq espirituyuq kasqanrayku. Chaymi reyqa tantearurqa, lliw munaychakuyninpi kamachikunanpaq Danieltaña churaruyta.

Mateo 24:15

Profeta Danielmi qellqarqa “Chuya” sutiyuq lugarpi millakuypaq kaqkunamanta (pipas kayta leeqqa entiendechun). “Chuya” sutiyuq lugarpi chaykunata rikuspaykichikqa,

Lucas 1:28

Chay angelmi Mariapa wasinman yaykuykuspan nirqa: Diospa bendecisqan María, rimaykullaykim, Señormi qanwan kachkan, nispan.