Daniel 9:18 - CHUYA QELLQA La Biblia en Quechua de Ayacucho 2012

¹⁸ Diosnilláy, kumuykamuspayá uyariykullaway, ñawillaykitapas kichariykuspayá ñakariyniykutawan sutiki hatunchanayku llaqtapa purmasqa kasqanta qawariykuy. Ñoqaykuqa manam mañakuchkaykiku allin ruwasqaykupi hapipakuspachu, aswanqa ancha llakipayakuq kasqaykipi hapipakuspam.

Quechua Ayacucho Bible 1987

¹⁸ Diosnilláy, kurkuykuspayá uyariykullaway, ñawillaykitapas kichariykuspayá qawariykullaway, arí kaynamá sutikiwan sutichasqa llaqtaqa purmachisqa kachkan. Manam ñoqaykuqa mañakuchkaykiku allin rurasqaykupi confiakuspaykuchu, ñoqaykuqariki confiakuchkaniku ancha llakipayakuq kasqaykipim.

Chuya Qellqa 1992

¹⁸ Diosnilláy, kumuykamuspayá uyariykullaway, ñawillaykitapas kichariykuspayá ñakariyniykutawan sutiki hatunchanayku llaqtapa purmasqa kasqanta qawariykuy. Ñoqaykuqa manam mañakuchkaykiku allin ruwasqaykupi hapipakuspachu, aswanqa ancha llakipayakuq kasqaykipi hapipakuspam.

Daniel 9:18 Iomraidhean Croise

1~Reyes 8:29

Tuta punchawyá kay templota qaway, kay templomantam nirqanki: “Chaypim sutiy reqsisqa kanqa”, nispa. Chaynaqa, serviqnikipa kay lugarmanta mañakusqantayá uyariykullaway.

2~Reyes 19:16

Dios Taytalláy kumuykamuspa uyariykullaway, ñawillaykiwan qawariykullaway, hinaspayá rey Senaqueribpa qam kawsaq Diosta kamisusqaykita uyariykuy.

Éxodo 3:7

Hinaptinmi Tayta Diosqa nirqa: Llaqtaypa Egipto nacionpi ñakarisqantam qawachkani, llamkachiqninkuna ñakarichiptin waqasqankutam uyarichkani, yachanitaqmi nanaypi kasqankutapas.

Isaías 37:17

Dios Taytalláy, qawariwaspa uyariykullaway, hinaspayá rey Senaqueribpa qam kawsaq Diosta kamisusqaykita uyariykuy.

Isaías 43:7

Sutiywan sutichasqakunata, hatunchasqa kanaypaq unanchasqaykunata, ñoqallapaqña kananpaq ruwasqay runaykunatam pusamusaq, nispa.

Isaías 64:12

Diosnillayku, chayna kachkaptinqa, ¿manachum imallatapas ruwanki? ¿Upallallachum kakunki? ¿Llumpa-llumpaytachu ñakarichiwankiku? nispa.

Isaías 64:6

Ñoqaykuqa llapallaykum millakuypaqña kachkaniku, allinkuna ruwasqaykupas millakuypaq qacha latapa hinam kachkan. Qawiruspa wichisqa llaqekuna hinam kachkaniku, mana allinkuna ruwasqaykupa apasqanmi kachkaniku.

Jeremías 14:7

Dios Taytallayku, huchaykum acusawachkanku, sutikiraykuyá yanapaykullawayku. Mana kasukusqaykuqa nana-nanaqmi, contraykipim huchallikuruniku.

Jeremías 14:9

¿Imanasqataq muspaypi runa hina rikurirunki? ¿Imanasqataq allin qari kachkaspa mana ima ruway atiq rikurirunki? Chaywanpas Dios Taytallayku, qamqa ñoqaykuwanmi kachkanki, lliwmi yachanku llaqtayki kasqaykutaqa, amayá saqerullawaykuchu.

Jeremías 15:16

Tukuy Atiyniyuq Dios Taytalláy rimapayawasqaykiman hinam palabraykita mikurqani. Chay palabraykikunaraykum sonqoypi anchallataña kusikurqani, ñoqaqa qampam kallani.

Jeremías 25:29

Sapaqchakusqay llaqtamanmi castigoy kachariyta qallaykusaq, ¿chaychu qamkunañataq mana castigasqa qeparuwaqchik? castigoymantaqa manam lluptinkichikchu. Kay pachapi llapallan nacionkunamanmi guerrata kacharimusaq. Ñoqa Tukuy Atiyniyuq Tayta Diosmi chaynata nini.

Jeremías 36:7

Icharaqpas Tayta Diosta mañakuspanku mana allin kawsayninkumanta wanakunmanku. Tayta Diosqa llumpayta piñakuspanmi kay runakunata amenazachkan, nispa.

Jeremías 37:20

Reynilláy, kunanmi ruegakuyki kay mañakusqayta chaskiykuwanaykipaq. Secretario Jonatanpa wasinmanqa amañayá kutichiwaychu chaypi mana wañurunaypaq, nispa.

Ezequiel 36:22

Chaynaqa, ñoqa Tayta Diospa nisqayta Israelpa mirayninkunaman kaynata willay: Israelpa mirayninkuna, kay ruwasqaytaqa manam qamkunaraykuchu ruwasaq, aswanqa chuya sutiyraykum. Qamkunaqa mayman rispapas chuya sutiytam penqayman churarqankichik.

Ezequiel 36:32

Israel runakuna, allinta yachaychik, kaykunataqa manam qamkunaraykuchu ruwasaq. Qamkunaqa mana allin ruwasqaykichikmantayá penqakuychik. Ñoqa Tayta Diosmi chaynata nini.

Daniel 9:7

Señorllayku, qamllam kanki tukuy imapas allin ruwaqqa, Judapa mirayninkunam, Jerusalén llaqtapi yachaqkunam, tukuy hinastinpi yachaq Israel ayllukunam penqaypi kachkaniku. Qampa contraykipi hatarispa qepanchasqaykuraykum tukuy hinastinman cheqerachiwarqankiku.

Números 6:27

Chaynatam Israelpa mirayninkunapa favorninpi sutiyta rimarinkichik, hinaptinmi paykunata bendecisaq.

1~Corintios 1:2

Corinto llaqtapi iglesiaman kay cartata qellqamuykichik, qamkunaqa kankichik Cristo Jesuspi Diospa akllasqankunam. Diosmi qayasurqankichik Señor Jesucristota maypipas yupaychaqkunawan kuska akllasqakuna hina kawsanaykichikpaq. Jesusmi, paykunapapas ñoqanchikpapas Señorninchikqa.