Daniel 9:13 - CHUYA QELLQA La Biblia en Quechua de Ayacucho 2012

¹³ Moisespa qellqasqan yachachi-kuykunaman hinam kay tukuy ñakariy-kunaqa chayaruwanku. Dios Taytallayku, chaywanpas ñoqaykuqa manam qampa yanapakuynikitaqa maskarqanikuchu, mana allin ruwasqaykumantapas manataqmi wanakurqanikuchu, cheqap kaqnikikunataqa manam uyariqpas tukurqanikuchu.

Quechua Ayacucho Bible 1987

¹³ Moisespa qellqasqan yachachikuykunaman hinam kay tukuy desgraciaqa chayaramuwanku chaywanpas, yupaychasqayku Dios Taytalláy, ñoqaykuqa manam maskarqanikuchu qampa yanapakuynikitaqa, manataqmi wanakurqanikuchu mana allin rurasqaykumantaqa, cheqap kaqnikikunataqa manam uyariqpas tukurqanikuchu.

Chuya Qellqa 1992

¹³ Moisespa qellqasqan yachachikuykunaman hinam kay tukuy ñakariykunaqa chayaruwanku. Dios Taytallayku, chaywanpas ñoqaykuqa manam qampa yanapakuynikitaqa maskarqanikuchu, mana allin ruwasqaykumantapas manataqmi wanakurqanikuchu, cheqap kaqnikikunataqa manam uyariqpas tukurqanikuchu.

Daniel 9:13 Iomraidhean Croise

2~Reyes 22:16

Tayta Diosmi kaynata nin: Kay llaqtapi yachaq runakunamanmi Judá nacionpi reypa leesqan libropi tarikuq tukuy mana allinkunata chayachimusaq.

Jobwan Sutichasqa Libro 36:13

Iskay uya runakunaqa piñakuyninkutam sonqonkupi waqaychanku, castigasqa kachkaspankupas Diospa yanapakuynintaqa manam mañakunkuchu.

Isaías 31:1

¡Ay, imaynaraq kanqaku Egipto nacionman rispa yanapakuy maskaqkuna! Egiptopa caballonkunapi, kallpasapa silladankunapi, achkallaña carretankunapi hapipakuqkuna; ichaqa manam Israelpa Chuya Diosninpiqa hapipakunkuchu, nitaqmi Tayta Diostaqa maskankuchu.

Isaías 42:9

Ñawpaqmantaraq rimasqaykunam cumplikurunña, kunanñataqmi musoq kaqkunataña willasqaykichik; manaraq rikurimuchkaptinmi willasqaykichikña.

Isaías 43:22

Chaywanpas Jacobpa miraynin Israel llaqta, manam ñoqatachu qayakuwarqanki, aswanqa ñoqatam amiruwanki.

Isaías 64:6

Ñoqaykuqa llapallaykum millakuypaqña kachkaniku, allinkuna ruwasqaykupas millakuypaq qacha latapa hinam kachkan. Qawiruspa wichisqa llaqekuna hinam kachkaniku, mana allinkuna ruwasqaykupa apasqanmi kachkaniku.

Isaías 64:7

Manam pipas qayakamusuqnikiqa kanñachu, hapipakamusuqnikipas manam kanñachu. Qanmi ñoqaykumanta karunchakurunki, mana allin ruwasqaykupa munaychakusqantam saqeruwankiku.

Isaías 9:13

Chaywanpas paykunaqa manam castigaqninku Diosmanqa kutirikurqakuchu, Tukuy Atiyniyuq Tayta Diostapas manam maskarqakuchu.

Jeremías 2:30

Yanqapaqmi miraynikichikkunatapas castigarqani, paykunaqa manam corregikuyta munarqakuchu. Imaynam león wañuchin runakunata, chaynam profetaykunata espadawan wañuchirqankichik.

Jeremías 30:14

Waynaykikunapas qonqarusunkiñam, manañam yuyasunkiñachu, enemigoyki hinam ñakarichirqayki, huchaykikuna llumpay kasqanraykum llumpayta ñakarichirqayki.

Jeremías 31:18

Efrainpa mirayninkunapa llakikuymanta kayna qaparisqantam uyarirqani: “Manaraq mansasqa toro hinam karqani, ichaqa qanmi mansaruwarqanki, qanman kutirichikuway, qamqa Tukuy Atiyniyuq Diosniymi kanki.

Jeremías 44:23

Tukuy rikchaq idolokunaman inciensota kañaspa Tayta Diospa contranpi huchallikuspa, yachachikuyninkunatapas, kamachikuyninkunatapas mana kasukusqaykichikraykum tukuy kay sasachakuykuna chayaramurusunkichik, chaynam kunankamapas kachkankichik, nispa.

Jeremías 44:27

Ichaqa chayllam kachkani sasa-chakuyta qamkunaman kacharimunay-paq, manañam yanapasqaykichikchu. Judamanta hamuspa Egiptopi yachaq-kunam pasaypaq tukunaykichikkama guerrawan hinaspa yarqaywan wañunkichik.

Jeremías 5:3

Dios Taytalláy, qamqa cheqap ruwaqtam maskanki. Castigoykipas manam paykunataqa nanarqachu, ñakarichiptikipas manam corregikuyta munarqakuchu; rumi hinaña rikuriruspankum mana wanakuyta munarqakuchu.

Lamentaciones 5:21

Dios Taytalláy, qanman kutirikunaykupaq kutirichiwayku, ñawpaq tiempopi hina musoqyachiwayku.

Ezequiel 16:43

Qanmi sipas kaspa imaynam kasqaykita qonqarurqanki, hinaspam tukuy chay mana allinkunata ruwaspa piñachiwarqanki; chayraykum imaynam kawsasqaykimanta castigasqayki. Ñoqa Tayta Diosmi chaynata nini.

Daniel 9:11

Israelpa mirayninkunaqa imam yachachiwasqaykikutapas llapallaykum mana kasukurqanikuchu, qampa nisqaykitaqa manam uyariytapas munarqanikuchu; contraykipi huchallikuruspaykum juraspa ñakaynikikunawan ñakasqa kachkaniku, imaynam serviqniki Moisespa qellqasqanman hina.

Oseas 7:10

Israelpa hatun tukuyninmi kikinpa contranpi rikurirun, ichaqa manam Tayta Diosman kutirikunkuchu nitaqmi maskankuchu.

Oseas 7:14

Paykunaqa manam sonqomantachu mañakuwanku, aswanmi puñunankupi sirikuykuspa qaparkachanku. Trigotawan vinota chaskinankuraykum cuerponkuta kuchukunku, hinaspam contraypi hatarinku.

Oseas 7:7

Paykunaqa rupachkaq horno hinam kamachiqninkunatapas mikurunku; llapallan reyninkum wichirunku, ichaqa manam mayqanninpas yanapakuyniyta mañakuwankuchu.

Lucas 24:45

Chaynata niruspanmi yuyayninkuta kichaykurqa Qellqapa nisqanta entiendenankupaq.

Juan 10:35

Manam negachwanchu Qellqapa nisqantaqa. Diosqa suticharqa dioskunawanqa willakusqankuna chaskiqkunatam.

Juan 6:45

Pro-fetakunapa qellqasqan libropim nichkan: “Diosmi yachachin llapallanta”, nispa. Chaynaqa, pipas Taytayta uyarispa paymanta yachaqkunaqa ñoqamanmi hamunqaku.

Juan 8:32

hinaspam cheqap kaqta reqsinkichik, chay cheqapmi libreta ruwasunkichik, nispa.

Efesios 4:21

sichum cheqaptapuni paymanta yachachikuyta uyarirqankichik hinaspa Jesuspi cheqap kasqanman hina chaskispaqa.

Deuteronomio 29:4

Chaywanpas Tayta Diosqa kunan-kamam yachayta manaraq qosurqankichikchu, chaynapi qawachkaspapas hinaspa uyarichkaspapas mana entiendenaykichikpaq.

Santiago 1:5

Mayqannikichikpapas yachaynikichik pisilla kaptinqa, Diostayá mañakuychik, payqa lliw mañakuqninkunamanqa mana piñakuspam chaninninpi qoykunqa.