Daniel 8:8 - CHUYA QELLQA La Biblia en Quechua de Ayacucho 2012

⁸ Chay chivatom aswan atiyniyuq rikurirurqa, chayna atiyniyuqllaña kachkaptinmi hatun waqran pakikururqa, hinaptinmi chay waqrapa rantinpi tawa waqrakunaña wiñaramurqa, chay tawa waqrakunaqa tawa lawmanmi qawarqa.

Quechua Ayacucho Bible 1987

⁸ Chay chivatom aswan-aswan munaychakuqña rikurirurqa ichaqa chayna atiyniyoqllaña kachkaptinmi chay hatun waqran pakikururqa hinaptinmi chay waqrapa rantinpi wiñaramurqa tawa waqrakunaña, chay tawantin waqrakunaqa tawa lawmanmi qawarqa.

Chuya Qellqa 1992

⁸ Chay chivatom aswan atiyniyuq rikurirurqa, chayna atiyniyuqllaña kachkaptinmi hatun waqran pakikururqa, hinaptinmi chay waqrapa rantinpi tawa waqrakunaña wiñaramurqa, chay tawa waqrakunaqa tawa lawmanmi qawarqa.

Daniel 8:8 Iomraidhean Croise

2~Crónicas 26:16

Ichaqa ancha atiyniyuq rikuriruspanmi Uziasqa llumpay hatun tukuqllaña rikurirurqa chaynapim wichirurqa. Hatun tukuyninman hinam Tayta Diospa contranpi hatarispan, huk punchaw templonman yaykuspan inciensota altarpi kañarqa, chay ruwayqa sacerdotekunallapa ruwanan kachkaptin.

Ester 9:4

Mardoqueoqa ancha munayniyuqmi reypa palacionpi karqa, chaymi ancha reqsisqa kayninpas lliw provinciakunaman chayarqa, chaynapim payqa aswan-aswan munay-niyuqña rikurirqa.

Jeremías 49:36

Elam nacionpa contranpim, kay pachapa tawan lawninmanta wayrata chayarachimusaq; hinaptinmi tukuy hinastinman cheqenqaku, llapallan nacionkunamanmi lluptinqaku, manam chulla nacionpas mana chayasqankuqa kanqachu.

Jeremías 5:27

Imaynam jaulakunata urpikunawan huntachinku, chaynam wasinkutapas suwakusqankuwan huntachinku, chaykunawan apuyaruspankum qari tukuqllaña rikurirunku.

Ezequiel 16:7

Purunpi sachata hinam wiñachirqayki, hatunyaruspaykim kuyayllapaq warmiña rikurirurqanki. Ñuñuykikunawan chukchaykipas wiñarurqam, ichaqa pasaypaq qalallam karqanki.

Ezequiel 28:9

¿Hinaraqchu wañuchiqnikikunapa makinpi kaspa Diospaq hapikunki? Wañuchiqnikipa makinpiqa wañuq runallam kanki manam dioschu.

Daniel 11:4

Ichaqa chay munaychakuyninmi allinta richkaspan tawaman rakinasqa kanqa. Chay reypa munaychakuyninqa manam mirayninkunamanpas qosqachu kanqa, manataqmi ñawpaq tiemponpi hina ancha atiyniyuqchu kanqa. Chaynaqa, kanqa tawaman rakinasqa kaspa sapaq runakunapa munaychakusqanña kasqanraykum.

Daniel 4:31

Chay rimasqanta manaraqpas tukuykuchkaptinmi hanaq pachamanta kaynata rimapayamurqa: “Rey Nabuco-donosor, contraykipim huk decreto kachkan. Munaychakuynikim qanmanta qechusqaña;

Daniel 5:20

Aswanqa hatun tukuruspa sonqonpi hoqarikuruptinmi rey kayninmantapas wischururqa, qechururqataqmi reqsisqa kaynintapas.

Daniel 7:2

kaynata qellqarqa: Ñoqam mosqoyniypi qawachkasqani tukuy hinastinmanta vientokuna puku-muspan hatun lamar qochapa yakunkunata kayman chayman kuyuchiqta.

Daniel 7:6

Kimsa kaq animalmi leopardoman rikchakusqa, chay animalqa kasqa wasanpi tawa raprayuqmi hinaspa tawa umayuqmi. Chaymi munaychakunanpaq payman atiy qosqa karqa.

Daniel 8:22

Rikurqankitaqmi imaynam chay punta kaq waqran pakiruptin chaypa rantinpi tawa waqrakunaña wiñaramusqantapas. Chay waqraqa huk munaychakuymi, chaymantam tawa kamachikuqkuna lloqsimunqaku, paykunaqa manam punta kaq munaychakuq hina ancha atiyniyuqchu kanqaku.

Daniel 8:5

Chay rikusqaypi yuyaymanachkaptiymi intipa seqaykunan lawmanta, pampatapas manaña saruykuspan altollantaña huk chivato pawamuchkasqa. Chay chivatoqa kasqa iskaynin ñawinkunapa chawpinpi huk hatun waqrayuqmi.

Daniel 8:7

Waqrapaspanmi chay carneropa iskaynin waqranta pakirurqa, hinaspanmi chay carnerota pampaman choqaruspan saruparurqa. Manam pipas chay chivatomanta carnerota libraykunanpaq karqachu; chaynapim chay carneroqa chivatopa ñawpaqninpi manaña sayayta atirqachu.

Mateo 24:31

Trompetapa waqayninwanmi angelninkunata kamachinqa, akllakusqankunata tukuy hinastinmanta huñumunankupaq.

Marcos 13:27

Paymi angelninkunata kamachinqa llapallan akllasqankunata kay pachapa patanmanta-patankama may karupiña kaptinkupas huñumunankupaq.

Deuteronomio 31:20

Ñawpaq taytaykichikkunaman juraspa prometesqay tukuy imapa kanan chaynataq tukuy imapa qespinan allpaman paykunata pusaruptiymi saksanankukama mikuspa wirayanqaku, ichaqa karunchakuruspam idolokunataña yupaychanqaku. Qepancharuwaspankum pactoytapas mana kasukunqakuchu.

Apocalipsis 7:1

Chaymantam rikurqani tawa angelkunata kay pachapa tawan lawpi sayachkaqta, paykunam wayrata harkamusqaku kay pachamanpas, lamar qochamanpas chaynataq ima sachamanpas mana wayramunanpaq.