Daniel 8:4 - CHUYA QELLQA La Biblia en Quechua de Ayacucho 2012

⁴ Qawachkaptiymi chay carneroqa intipa seqaykunan lawman, norte lawman hinaspa sur lawman takarqa; manam ima animalpas chay carneropa ñawpaqninpiqa sayayta atirqachu, manataqmi pipas paypa atiyninmantaqa librakuyta atirqachu. Munasqanman hina imatapas ruwaspanmi aswan-aswan hatunyarqa.

Quechua Ayacucho Bible 1987

⁴ Qawachkaptiymi chay carneroqa takarqa intipa seqaykunan lawman, norte lawman hinaspa surlawman, manam ima animalpas chay carneropa ñawpaqninpiqa sayayta atirqachu, manataqmi pipas paypa munaychakuyninmantaqa librakuyta atirqachu. Munasqanman hina imatapas ruraspanmi aswan-aswan hatunyarqa.

Chuya Qellqa 1992

⁴ Qawachkaptiymi chay carneroqa intipa seqaykunan lawman, norte lawman hinaspa sur lawman takarqa; manam ima animalpas chay carneropa ñawpaqninpiqa sayayta atirqachu, manataqmi pipas paypa atiyninmantaqa librakuyta atirqachu. Munasqanman hina imatapas ruwaspanmi aswan-aswan hatunyarqa.

Daniel 8:4 Iomraidhean Croise

1~Reyes 22:11

Quenaanapa churin Sedequiasmi fierromanta waqrata ruwakururqa, hinaspam qaparirqa: Tayta Diosmi kaynata nin: ¡Kay waqrakunawanmi chinkachinaykikama Siria runakunata waqranki! nispa.

Jobwan Sutichasqa Libro 10:7

Qamqa yachankim mana huchayuq kasqaytaqa, makikimantaqa manam lluptiyta atiymanchu.

Ezequiel 34:21

Qamkunam eqoyasqa ovejakunatapas hombroykichikwan tanqaykarinkichik hinaspam waqrapaspaykichik kayman chayman cheqerachinkichik.

Daniel 11:16

Norte lawmanta hamuq reymi vencerachikuq enemigonkunawan munasqanta ruwanqa, manam pipas paypa contranpi sayariyta atinqachu. Chay sumaq allpapi munaychakuspam tukuy imata purmachinqa.

Daniel 11:36

Norte nacionniyuq reymi tukuy imam munasqanta ruwanqa, hatun tukuspanmi kaynata ninqa: “Ñoqaqa llapallan dioskunapapas hawanpim kachkani”, nispa. Payqa Diospa contranpipas millakuypaq mana allinkunatam rimanqa. Payqa tukuy imapim allinllaña lloqsinqa Diospa piñakuynin payta hayparunankama. Diosqa imam tanteasqantaqa ruwanqapunim.

Daniel 5:19

Chaynata hatuncharuptinmi lliw nacionkunapi runakunapas, huk rikchaq rimayniyuqkunapas, katkatataspa payta manchakurqaku, chaynapim runakunataqa munasqanman hina wañurachiqpas otaq kawsachiqpas, hatuncharuqpas otaq usuchiqpas.

Daniel 5:30

Chay tutallam Caldeapa reynin Belsasarta wañurachirqaku.

Daniel 7:5

Iskay kaq animalmi rikchakusqa ukumariman, ichaqa huklaw waqtanmi hukninmanta masta hoqarikusqa. Siminpim kanirayasqa kimsa costilla tullukunata. Paytam nimurqa: “Hatarispayki aychata atinaykikama mikuy”, nispa.

Daniel 8:7

Waqrapaspanmi chay carneropa iskaynin waqranta pakirurqa, hinaspanmi chay carnerota pampaman choqaruspan saruparurqa. Manam pipas chay chivatomanta carnerota libraykunanpaq karqachu; chaynapim chay carneroqa chivatopa ñawpaqninpi manaña sayayta atirqachu.

Miqueas 5:8

Jacobpa mirayninkunamanta puchuqkunam, nacionkunapa llaqtakunapa chawpinpi, purun animalkunapa chawpinpi león hinaraq kanqaku, ovejakunapa chawpinpi uña león hinaraqmi kanqaku, payqa hapiruspanmi tisaparun, paymantaqa manam imapas lluptinmanchu.

Deuteronomio 33:17

Joseyqa vacapa punta wawan hina kuyayllapaqmi, payqa búfalo hina kallpasapallañam, waqrankunawanmi llapa nacionkunata kay pachapa patankama waqraparunqa. Chaynam Efrainpa wara-waranqa mirayninkunaqa, chaynam Manasespa waranqantin mirayninkunaqa.