Daniel 8:3 - CHUYA QELLQA La Biblia en Quechua de Ayacucho 2012

³ Qawarispaymi mayupa patanpi huk carnerota rikururqani, chay carneroqa iskay waqrayuqmi kasqa. Chay waqrankuna hatunkama kachkaptinpas huknin waqram hukninmantaqa aswan hatun kasqa. Chay hatun waqraqa huknin waqranpa qepantañam wiñaramurqa.

Quechua Ayacucho Bible 1987

³ Qawarispaymi mayupa patanpi rikururqani huk carnerota, chay carneroqa kasqa iskay waqrayoqmi. Chay waqrankunaqa hatunkama kachkaptinpas huknin waqranmi kasqa hukninmantaqa aswan hatunraq. Chay hatun waqraqa wiñaramurqa huknin waqranpa qepantañam.

Chuya Qellqa 1992

³ Qawarispaymi mayupa patanpi huk carnerota rikururqani, chay carneroqa iskay waqrayuqmi kasqa. Chay waqrankuna hatunkama kachkaptinpas huknin waqram hukninmantaqa aswan hatun kasqa. Chay hatun waqraqa huknin waqranpa qepantañam wiñaramurqa.

Daniel 8:3 Iomraidhean Croise

1~Crónicas 21:16

Davidñataqmi qawarispan Tayta Diospa angelninta rikururqa kay pachapa altonpi kaspan espadanta hapiykuspan Jerusalén llaqtaman haywarayachkaqta. Chaymi Davidwan llapa ancianokuna, qachqa pachawan pachakuruspanku qonqoranpa pampaman kumuykurqaku.

Esdras 1:2

Persia nacionpa reynin Cirom kaynata nin: Hanaq pachapi Tayta Diosmi kay pachapi nacionkunata qowarqa, hinaspam Judá nacionpi kaq Jerusalén llaqtapi templota hatarichipunaypaq kamachiwarqa.

Esdras 4:5

Reypa wakin consejaqninkunamanpas pagarurqakutaqmi chaynapi llamkanankuta harkakunankupaq. Chaykunam pasakurqa Persia nacionpa reynin Ciropa munaychakuyninmanta Persia nacionpa reynin Dariopa munaychakusqan tiempokama.

Ester 1:3

Kimsa wataña munaychakuchkas-panmi, kamachikuypi yanapaqninkunapaq hatun convidota ruwachispan, Persia nacionpa, Media nacionpa tropakunapa kamachiqninkunata chaynataq provinciakunapi kamachikuqkunatapas qayachirqa.

Isaías 13:17

Medo nacionmantam runakunata contrankupi kachamusaq, paykunaqa manam qollqeraykuchu purinku, nitaqmi qoritapas munapayankuchu.

Isaías 21:2

Llumpay manchakuypaqmi Diospa qawachiwasqanqa: Iskay uyakunam traicionachkanku, wichichiqkunam tuñichichkanku. ¡Elam llaqta hatariy! ¡Media runakuna, Babilonia llaqtata chinkachinaykichikpaq muyuriychik! Ñakariytam puchukachisaq.

Isaías 44:28

Ñoqam rey Cirota nini: Qanmi michipuwaqniy kanki, munasqayta ruwaqmi kanki, nispay. Jerusalén llaqtatam nini: Musoqmanta hatarichisqam kanki, nispay. Templotapas kaynatam nini: Musoqmanta cimientasqam kanki, nispay.

Jeremías 51:11

Tayta Diosmi Babiloniata chinkachinqa, templonta tuñichisqanmantam vengakunqa. Flechaykichikta alistakuychik, escudoykichikta hapiychik. Babilonia nacionta tuñichinankupaqmi Media nacionpa reyninkunata Tayta Dios kallpanchamuchkan.

Daniel 10:5

Hinachkaspam rikururqani linomanta pachayuq runata, paypaqqa weqaw watanpas qorimantam kasqa.

Daniel 2:39

Qampa qepaykitam huk rey hatarimunqa, ichaqa kamachikuyninmi qampamanta menoslla kanqa, chaypa qepantañataqmi bronceman rikchakuq kimsa kaq munaychakuq hatarimunqa, hinaspam tukuy kay pachapi munaychakunqa.

Daniel 5:31

Hinaptinmi Media lawmanta kaq rey Darioña munaychakururqa. Darioqa soqta chunka iskayniyuq watanpim kachkarqa.

Daniel 6:28

Danielqa ancha reqsisqam karqa rey Dariopa munaychakuyninpipas chaynataq Persia nacionniyuq rey Ciropa munay-chakuyninpipas.

Daniel 7:5

Iskay kaq animalmi rikchakusqa ukumariman, ichaqa huklaw waqtanmi hukninmanta masta hoqarikusqa. Siminpim kanirayasqa kimsa costilla tullukunata. Paytam nimurqa: “Hatarispayki aychata atinaykikama mikuy”, nispa.

Daniel 8:2

Chay revelacionniypim reypa yachanan Susa llaqtapi kachkasqani, chay llaqtaqa Elam lawpim kachkan; chaypim Ulai mayupa patanpi kachkasqani.

Daniel 8:20

Chay iskay waqrayuq carnero rikusqaykiqa Media nacionpa hinaspa Persia nacionpa reyninkunam.

Zacarías 1:18

Huktawan qawarispaymi visionpi rikururqani tawa waqrakunata.

Zacarías 2:1

Huktawan qawarispaymi visionpi rikururqani, tupuna cordelta aptarayachkaq runata.

Zacarías 5:1

Huktawan qawarispaymi visionpi rikurqani pawachkaq wankusqa qellqata.

Zacarías 5:5

Chaymantam rimapayawaqniy ángel asuykamuwaspan niwarqa: Wak rikurimuqta sumaqta qaway, nispa.

Zacarías 5:9

Huktawan qawarispaymi visionpi rikurqani iskay warmikuna rikurimuqta. Chay warmikunam kasqaku wachwapa rapran raprayuqkama, hinaptinmi wayrañataq apasqa. Paykunam chay tupuna canastata altollanta aparqaku.

Zacarías 6:1

Huktawan qawarispaymi visionpi rikururqani, broncemanta iskay orqokunapa chawpinmanta guerrapaq tawa carretakuna lloqsimuchkaqta.

Números 24:2

Israelpa mirayninkunata ayllupuralla samasqankuta rikururqa, hinaptinmi Diospa Espiritun Balaamman huntaykurqa.

Josué 5:13

Jericó llaqtapa hichpanpi Josué kachkaspanmi qonqaymanta huk runata espada makiyuq sayachkaqta ñawpaqninpi rikururqa. Chaymi asuykuspan tapurqa: ¿Ñoqayku partechu kanki icha enemigoykumantachu? nispa.

Apocalipsis 13:11

Chaymantam huk animalta kay pachamanta qespimuchkaqta rikurqani. Chaypam kasqa Corderopa hina iskay waqrankuna, rimayninñataqmi kasqa Dragonpa rimaynin hina.

Apocalipsis 5:6

Hinaptinmi Diospa trononpa chawpinpi hinaspa tawa kawsaqkunapa chawpinpi chaynataq ancianokunapa chawpinpi rikurqani huk Cordero sayachkaqta, payqa maqapasqa hinam kasqa. Chay Corderoqa kasqa qanchis waqrayuqmi hinaspa qanchis ñawiyuqmi. Chay ñawinkunaqa tukuy kay pachaman kachasqa Diospa qanchis espiritunkunam.