Daniel 8:27 - CHUYA QELLQA La Biblia en Quechua de Ayacucho 2012

²⁷ Ñoqa Danielmi eqoyaruspay achka pun-chawkuna onqorurqani, chaymantañam allinyaykuspay reypa kaqninkunata huktawan ruwarqani, ichaqa chay imam rikusqaykunawanmi muspaypi hina tarikurqani, chayqa karqa mana entiendey atinam.

Quechua Ayacucho Bible 1987

²⁷ Ñoqa Danielqa eqoyaruspaymi achka punchawkuna onqorurqani, chaymantañam allinyaykuspay reypa kaqninkunata huktawan rurarqani ichaqa muspaypi hinam tarikurqani chay imam rikusqaymanta, chayqariki karqa mana entiendey atinam.

Chuya Qellqa 1992

²⁷ Ñoqa Danielmi eqoyaruspay achka punchawkuna onqorurqani, chaymantañam allinyaykuspay reypa kaqninkunata huktawan ruwarqani, ichaqa chay imam rikusqaykunawanmi muspaypi hina tarikurqani, chayqa karqa mana entiendey atinam.

Daniel 8:27 Iomraidhean Croise

Daniel 10:16

Hinaptinmi runapa churinman rikchakuqñataq simiyta llapchaykuwarqa, chaymi ñawpaqniypi sayaqta nirqani: Taytalláy, chay visionmi hukmanyarachiwaspan mana kallpayuqta ruwaruwan.

Daniel 10:8

Ñoqaqa chay hatun visionta chaskispayqa sapallaymi tarikurqani, uyaypas ayayaruptinmi manaña kallpayuq rikurirurqani.

Daniel 4:19

Chaymi Beltsasar sutiyuq Danielqa mancharikuspan yaqa huk horata hina pensamientonpa intusqan rikurirurqa. Ñoqa reyñataqmi nirqani: “Beltsasar, imam mosqorusqaywanqa chaynataq imam ninanwanpas ama mancharikuychu”, nispay. Chaymi Beltsasarñataq niwarqa: Señorlláy, imam mosqorusqaykiqa kachun cheqnisuqniki runakunapaqyá, imam ninanpas enemigoykikunapaqyá kachun.

Daniel 5:14

Uyarirqanim dioskunapa espiritunwan huntasqa kasqaykita hinaspa ancha yuyayniyuq chaynataq llumpay yachayniyuq kasqaykitapas.

Daniel 7:28

Kaypim chay willawasqan tukun. Ñoqa Danielñataqmi chaykunapi yuyaymanarispay anchata mancharikurqani, uyaypas hukmanyarurqam; ichaqa chaykunata sonqollaypi waqaychaspam mana pimanpas willarqanichu.

Daniel 8:17

Chaynapim payqa ñoqapa kasqaykama asuykamuwarqa, chaymi manchakuyllawanña qonqoranpa kumuykuptiy niwarqa: “Runapa churin, kay imam qawasqaykiqa tukupay tiempokunapaqmi”, nispa.

Daniel 8:2

Chay revelacionniypim reypa yachanan Susa llaqtapi kachkasqani, chay llaqtaqa Elam lawpim kachkan; chaypim Ulai mayupa patanpi kachkasqani.

Daniel 8:7

Waqrapaspanmi chay carneropa iskaynin waqranta pakirurqa, hinaspanmi chay carnerota pampaman choqaruspan saruparurqa. Manam pipas chay chivatomanta carnerota libraykunanpaq karqachu; chaynapim chay carneroqa chivatopa ñawpaqninpi manaña sayayta atirqachu.

Habacuc 3:16

Kaykunata uyariykuspaymi mancharikurqani, simillaypas katkatatarqam, chakillaypas manam sayayta atirqachu, cuerpollaypas mana kallpayuqñam rikurirurqa. Chaywanpas ñoqallayqa qasillallam ñakarichiqniyku llaqtata Diospuni ñakarichinan punchawta suyallasaq.

1~Samuel 3:15

Chaymantam Samuelqa achikyanankama puñururqa, hinaspam Tayta Diospa wasinpa punkunta kicharqa. Samuelmi manchakurqa imam uyarisqankunata sacerdote Eliyman willaykuyta.