Daniel 8:26 - CHUYA QELLQA La Biblia en Quechua de Ayacucho 2012

²⁶ Chay kimsa wata partenpi imakunam pasananmanta rikusqaykiqa cheqappunim. Chay rikusqaykimantaqa amam pimanpas willakunkichu, chayqa unay watakunamantañam cumplikunqa.

Quechua Ayacucho Bible 1987

²⁶ —Chay tarden hinaspa tempranon imam pasananmanta imam rikusqaykiqa cheqappunim. Ichaqa imam rikusqaykimantaqa amam pimanpas willankichu, chayqa cumplikunqa unay watakunamantañam.

Chuya Qellqa 1992

²⁶ Chay kimsa wata partenpi imakunam pasananmanta rikusqaykiqa cheqappunim. Chay rikusqaykimantaqa amam pimanpas willakunkichu, chayqa unay watakunamantañam cumplikunqa.

Daniel 8:26 Iomraidhean Croise

Isaías 24:22

Lliwta huñuruspanmi paykunata uchkupi presocharunqa, carcelpim wichqarunqa, unay punchawkuna pasaruptinmi paykunata ñakarichinqa.

Ezequiel 12:27

Runapa churin, Israelpa miray-ninkunam nichkanku: Profetapa rimas-qankunaqa haykapiraqya cumplikunqapas, nispanku.

Daniel 10:1

Persia nacionpi rey Ciro kimsa wataña munaychakuchkaptinmi, Beltsasarwan sutichasqa Daniel huk cheqap revelacionta chaskirqa, ichaqa sasa entiendeymi karqa. Danielmi ichaqa chay revelacionpa imam ninantapas allinta entiendeykurqa.

Daniel 10:14

Ñoqam hamurqani llaqtamasikikunata hamuq punchawkunapi imam pasananmanta willaqniki; chay visión qawasqaykiqa hamuq punchawkunapiraqmi cumplikunqa, nispa.

Daniel 11:2

Kunanmi ichaqa cheqap kaqta yacha-chisqayki: Persia nacionpiqa kimsa reykunaraqmi munaychakunqa, paykunapa qepantañataqmi tawa kaq rey munaychakunanpaq hatarimunqa, chay reyqa kimsantin reykunamantapas aswan apu-apum kanqa. Apullaña kasqanraykum ancha munaysapallaña kanqa, hinaspam llapallanta Grecia nacionpa contranpi hatarichinqa.

Daniel 12:4

Ichaqa Daniel, kay willasqaykunata libropi wichqay hinaspa tukupay tiempo chayamunankama selloykita churaykuy. Llapa runakunam yachayta maskaspanku kayman chayman purinqaku, nispa.

Daniel 12:9

Hinaptinmi payñataq niwarqa: Daniel, pasakuyña. Kay willasqayku-naqa wichqasqañam, tukupay tiempo-kamam sellasqaña kachkan.

Apocalipsis 10:4

Chay qanchis rayokuna toqyaramuptinmi qellqanaypaqña kachkarqani, ichaqa hanaq pachamantam huk qapariyta uyarirqani: “Qanchisnintin rayokunapa nisqantaqa amaraqyá willakuychu nitaq qellqaychu”, niqta.

Apocalipsis 22:10

Niwarqataqmi: Kay libropi qellqasqa profeciakunataqa amayá wichqaychu, chaykunapa pasakunan tiempoqa ñam hichpamuchkanña.