Daniel 8:21 - CHUYA QELLQA La Biblia en Quechua de Ayacucho 2012

²¹ Chay chivatoñataqmi Grecia nacionpa reynin, chay iskaynin ñawinkunapa chawpinpi kaq waqranñataqmi Grecia nacionpa punta kaq reynin.

Quechua Ayacucho Bible 1987

²¹ Chay rikusqayki chivatoñataqmi Grecia nacionmanta kaq rey, chay iskaynin ñawinkunapa chawpinpi kaq waqranñataqmi Grecia nacionpi punta kaq rey.

Chuya Qellqa 1992

²¹ Chay chivatoñataqmi Grecia nacionpa reynin, chay iskaynin ñawinkunapa chawpinpi kaq waqranñataqmi Grecia nacionpa punta kaq reynin.

Daniel 8:21 Iomraidhean Croise

Daniel 10:20

Chaymi pay niwarqa: ¿Yachankichum imapaqmi qanman hamusqayta? Kunanmi Persia nacionta waqaychaq angelwan peleanaypaq kutisaq, paywan peleayta tukuruptiymi Grecia nacionta waqaychaq ángel hamunqa.

Daniel 11:2

Kunanmi ichaqa cheqap kaqta yacha-chisqayki: Persia nacionpiqa kimsa reykunaraqmi munaychakunqa, paykunapa qepantañataqmi tawa kaq rey munaychakunanpaq hatarimunqa, chay reyqa kimsantin reykunamantapas aswan apu-apum kanqa. Apullaña kasqanraykum ancha munaysapallaña kanqa, hinaspam llapallanta Grecia nacionpa contranpi hatarichinqa.

Daniel 11:3

Chaymantam llumpay qari tukuq rey hatarimunqa, payqa llumpay atiywan munaychakuspam munasqanta ruwanqa.

Daniel 2:39

Qampa qepaykitam huk rey hatarimunqa, ichaqa kamachikuyninmi qampamanta menoslla kanqa, chaypa qepantañataqmi bronceman rikchakuq kimsa kaq munaychakuq hatarimunqa, hinaspam tukuy kay pachapi munaychakunqa.

Daniel 7:6

Kimsa kaq animalmi leopardoman rikchakusqa, chay animalqa kasqa wasanpi tawa raprayuqmi hinaspa tawa umayuqmi. Chaymi munaychakunanpaq payman atiy qosqa karqa.

Daniel 8:20

Chay iskay waqrayuq carnero rikusqaykiqa Media nacionpa hinaspa Persia nacionpa reyninkunam.

Daniel 8:22

Rikurqankitaqmi imaynam chay punta kaq waqran pakiruptin chaypa rantinpi tawa waqrakunaña wiñaramusqantapas. Chay waqraqa huk munaychakuymi, chaymantam tawa kamachikuqkuna lloqsimunqaku, paykunaqa manam punta kaq munaychakuq hina ancha atiyniyuqchu kanqaku.

Zacarías 9:13

Judatam guerrapaq arcota hina chutaruni, Efrainñataqmi flechankuna kanqa. Sión llaqta, qamtam espadata hina ruwasqayki, hinaspaymi wawaykikunata Grecia nacionpa contranpi hatarichisaq.