Daniel 8:17 - CHUYA QELLQA La Biblia en Quechua de Ayacucho 2012

¹⁷ Chaynapim payqa ñoqapa kasqaykama asuykamuwarqa, chaymi manchakuyllawanña qonqoranpa kumuykuptiy niwarqa: “Runapa churin, kay imam qawasqaykiqa tukupay tiempokunapaqmi”, nispa.

Quechua Ayacucho Bible 1987

¹⁷ Chaynapim payqa ñoqapa kasqaykama asuykamuwarqa, chaymi manchakuyllawanña qonqoranpa pampaman kumuykuptiymi payñataq niwarqa: —Runapa churin, kay imam qawasqaykiqa kachkan tukupay tiempokunapaqmi —nispa.

Chuya Qellqa 1992

¹⁷ Chaynapim payqa ñoqapa kasqaykama asuykamuwarqa, chaymi manchakuyllawanña qonqoranpa kumuykuptiy niwarqa: “Runapa churin, kay imam qawasqaykiqa tukupay tiempokunapaqmi”, nispa.

Daniel 8:17 Iomraidhean Croise

Génesis 17:3

Chaymi Abramqa qonqoraykuspa pampakama kumuykurqa, hinaptinmi Dios kaynata nirqa:

Ezequiel 1:28

Chay muyuriqninpi kanchariymi kasqa paramuptin puyu ukumanta rikurimuchkaq chirapa hina. Chaynatam Tayta Diospa kanchariynin ñoqaman rikuriykuwarqa. Chayta rikuruspaymi qonqoranpa pampaman kumuykurqani. Chaymantam rimapayamuwasqanta uyarirqani.

Ezequiel 2:1

Tayta Diosmi kaynata nimuwarqa: Runapa churin sayariy, ñoqam rimapayasqayki, nispa.

Ezequiel 44:4

Chaymantam aparuwarqa norte lawpi punkuman, chay punkuqa kachkan templopa chimpanpim; hinaptinmi temploman Tayta Diospa kanchariynin huntaykusqanta rikurqani, chaymi pampakama kumuykurqani.

Ezequiel 6:2

Runapa churin, Israel nacionpi orqokunata qawaspa chaykunapa contranpi

Daniel 10:11

Paymi niwarqa: Diospa kuyasqan Daniel, hatarispayki kay nisqayta allinta uyariy. Ñoqam qanman kachamusqa karqani, nispa. Rimayta tukuykuptinmi katkatatastin sayarirurqani.

Daniel 10:16

Hinaptinmi runapa churinman rikchakuqñataq simiyta llapchaykuwarqa, chaymi ñawpaqniypi sayaqta nirqani: Taytalláy, chay visionmi hukmanyarachiwaspan mana kallpayuqta ruwaruwan.

Daniel 11:27

Chay iskay reykunaqa mana allin ruwanakuyllapi piensaspankum huk mesallapi tiyaykuspanku llullakunallata ninakunqaku, ichaqa yanqapaqmi chaykunata rimanakunqaku, Diospa nisqan tiempo manaraq chayamusqanrayku.

Daniel 11:40

Tukupay tiempo chayaramuptinmi, sur lawpi rey guerrawan hapirunqa norte lawpi reyta. Ichaqa norte lawpi reymi wayra-para hinaraq sur lawpi reypa contranpi mastarikunqa, guerrapaq carretankunawan, sillada tropankunawan, achkallaña barcokunawanmi chayarunqa; hinaspam lloqlla hinaraq achka llaqtakunata chinkarachinqa.

Daniel 12:13

Daniel, qamqa wañukunayki punchawkamayá hawka kawsakuy, puchukay punchawkunapiñam tupaqnikita chaskinaykipaq hatarimunki, nispa.

Daniel 12:4

Ichaqa Daniel, kay willasqaykunata libropi wichqay hinaspa tukupay tiempo chayamunankama selloykita churaykuy. Llapa runakunam yachayta maskaspanku kayman chayman purinqaku, nispa.

Daniel 2:46

Chayta rey Nabucodonosor uya-riykuspanmi, Danielpa ñawpaqninpi pampakama kumuykuspan kamachirqa Danielman ofrendakunata ofrecenankupaq chaynataq inciensotapas qontichipunankupaq.

Daniel 7:16

Chaymi hukkaqnin sayaqman asuykuspay, tukuy chaykunapa imam ninanta willaykuwananpaq tapukurqani, chaymi payqa tukuy chaykunapa imam ninanta kaynata willawarqa:

Daniel 8:15

Ñoqa Danielmi chay revelacionniypi qawasqay kaqkuna yachaykuyta munaspa yuyaymanachkarqani. Qonqaymantam runaman rikchakuq ñoqapa ñawpaqniypi rikurirurqa.

Daniel 8:19

niwarqa: Kunanmi willasqayki tukupay tiempokunapi imaynam Diospa piñakuynin kananmanta.

Daniel 8:27

Ñoqa Danielmi eqoyaruspay achka pun-chawkuna onqorurqani, chaymantañam allinyaykuspay reypa kaqninkunata huktawan ruwarqani, ichaqa chay imam rikusqaykunawanmi muspaypi hina tarikurqani, chayqa karqa mana entiendey atinam.

Daniel 9:23

Mañakuyta qallaykuptillaykiraqmi Diosqa uyariykusurqankiña. Qamqa paypa ancha kuyasqanmi kanki, chayraykum uyarisusqaykita qanman willaykuq hamurqani. Chaynaqa, visionpi qawasqaykita entiendenaykipaqyá allinta uyariway:

Daniel 9:27

Chay reymi achka runakunawan contratota huk semanapaq ruwanqa; ichaqa chawpi semanallapiraqmi Diospaq animalkuna wañuchinankutapas, Diosman kawsay ofrendakuna qonankutapas harkakurunqa. Templopa altarninpipas millakuypaq kaqkunatam ruwanqa, chaykunapa qepantam chay millakuypaq runata Diospuni puchukarachinqa.

Habacuc 2:3

Kay visionqa mana chaylla cumplikuspanpas tiemponpim cumplikunqa, manam yanqaqa kanmanchu; unamuptinpas qamqa suyaykuy, chay visionqa cheqaptapunim cumplikunqa.

Mateo 17:8

Paykunañataqmi muyuriqninkuta qawarispanku manaña pitapas rikurqakuchu aswanqa Jesusllataña.

Apocalipsis 1:17

Rikuruspaymi ñawpaqninman wañusqa hina wichiykurqani, hinaptinmi alleq makinwan llapchaykuwaspan niwarqa: Ama manchakuychu, “Ñoqam kani Punta kaqpas, Qepa kaqpas

Apocalipsis 22:8

Ñoqa Juanmi kaykunata rikuspay uyarirqani. Kaykunata rikuykuspay hinaspa uyariykuspay qawachiwaqniy angelta hatunchanaypaq ñawpaqninpi qonqorakuykuptiymi,