Daniel 8:13 - CHUYA QELLQA La Biblia en Quechua de Ayacucho 2012

¹³ Uyarichkaptiymi huk chuya angelñataq angelmasinta kaynata tapurqa: ¿Haykapikamataq kay qawachisqa kaqkuna kanqa? ¿Haykapikamataq Diosman sapa punchaw ofrenda qoy michakusqa kanqa? ¿Haykapikamataq kay mana kasukusqankurayku purmachisqa kaqkuna kanqa? ¿Haykapikamataq paypa makinman Diospa santuarionpas qosqa kanqa? ¿Haykapikamataq sarupasqa chay chaskakunapas kanqa? nispa.

Quechua Ayacucho Bible 1987

¹³ Uyarichkaptiymi huk chuya angelñataq angelmasinta tapurqa kaynata: —¿Haykapikamataq kanqa chay qawachisqa kaqkunaqa? ¿Haykapikamataq kanqa sapa punchaw Diosman ofrecesqanku ofrenda qechurusqanqa? ¿Haykapikamataq kanqa kay mana kasukusqankurayku purmachisqa kaqkunaqa? ¿Haykapikamataq paypa makinman qosqa kanqa Diospa santuarionqa? ¿Haykapikamataq sarupasqa kanqa chay lucerokunapas? —nispa.

Chuya Qellqa 1992

¹³ Uyarichkaptiymi huk chuya angelñataq angelmasinta kaynata tapurqa: ¿Haykapikamataq kay qawachisqa kaqkuna kanqa? ¿Haykapikamataq Diosman sapa punchaw ofrenda qoy michakusqa kanqa? ¿Haykapikamataq kay mana kasukusqankurayku purmachisqa kaqkuna kanqa? ¿Haykapikamataq paypa makinman Diospa santuarionpas qosqa kanqa? ¿Haykapikamataq sarupasqa chay chaskakunapas kanqa? nispa.

Daniel 8:13 Iomraidhean Croise

Isaías 28:18

Wañuywan contrato ruwasqaykichikpas yanqachasqam kanqa, wañusqakunapa kasqanwan contrato ruwasqaykichikpas manaña kaqmi kanqa; chay manchakuypaq sasachakuy hamuruspanmi sarupasunkichik.

Isaías 6:11

Chaymi tapurqani: Dios Taytalláy, haykapikamataq chaynaqa kanqa, nispay. Payñataqmi niwarqa: Llaqtakuna mana runayuq chunnichisqa kanankamam, wasikunapi manaña runapas kanankamam, chakrakunapas purmachisqa kanankamam,

Isaías 63:18

Sapaqchasqayki runaykikunaqa manam unaychu allpaykupi yacharqaniku, chuya wasikitapas enemigoykum sarutyarunku.

Isaías 9:6

Wawam nacerapuwanchik, churitam Tayta Dios qoykuwanchik, munaychakunanpaqmi atiyta qoykun. Paytam sutichanqaku: Admirakuypaq, allin Consejakuq, Tukuy Atiyniyuq Dios, Wiña-Wiñaypaq Yaya, hinaspa Hawkayayta Qokuq, nispa.

Jeremías 12:10

Achka michiqkunam uvas huertayta purmarachinku, chakraytam saruparunku. Ancha kuyasqay allpaytam manaña imayuq kanankama chunnirachinku.

Daniel 11:31

Soldadonkunapas Diospa santuarionpim chaynataq amparakuna wasipim millakuypaq kaqkunata ruwanqaku, Diospaq sapa punchaw animalkuna wañuchinankutapas harkakunqakum, hinaspam chaypa rantinpi millakuypaq kaqtaña ofrecenqaku.

Daniel 12:11

Diosman sapa punchaw animalkuna ofreceyta tanichisqankumantam otaq Diospa templonpi millakuypaq kaqkunata ofrecesqankumantam pasan-qa waranqa iskay pachak isqon chunka punchawkuna.

Daniel 12:8

Chay uyarisqayta mana entiendespaymi payta tapurqani: Señorlláy, ¿imapitaq tukuy kaykuna tukunqa? nispa.

Daniel 4:10

Waqtapachkaspaymi kay visionta rikurqani: Kay pachapa chawpinpim hatu-hatun sacha kachkasqa.

Daniel 4:13

Chayna camaypi waqtapaykuspa mosqokuchkaspaymi qonqayta rikururqani hanaq pachamanta huk ángel uraykamuchkaqta.

Daniel 4:23

Reynilláy, qamqa rikurqankitaqmi huk ángel hanaq pachamanta uraykamuspan: “Chay sachata kuchuruspa chinkarachiychik, kulluntañataq sapintinta hina allpapi saqeruychik, fierro cadenawan bronce cadenawan hinallapi wataruychik hinaspa purun pasto ukupi saqeruychik. Paytaqa sulla nuyuchun, qanchis watapuni purun animalkunawan pastota mikuchun”, niqtapas.

Daniel 7:16

Chaymi hukkaqnin sayaqman asuykuspay, tukuy chaykunapa imam ninanta willaykuwananpaq tapukurqani, chaymi payqa tukuy chaykunapa imam ninanta kaynata willawarqa:

Daniel 7:23

Hinaptinmi chay willawaqniy niwarqa: Chay tawa kaq animalqa kay pachapi hatarimuq tawa kaq munaychakuymi, chayqa wakinmantaqa hukniraq munaychakuymi kanqa, paymi kay pachapi kaqkunata tukurunqa, tukuy imatapas ñutuparuspam saruparunqa.

Daniel 9:27

Chay reymi achka runakunawan contratota huk semanapaq ruwanqa; ichaqa chawpi semanallapiraqmi Diospaq animalkuna wañuchinankutapas, Diosman kawsay ofrendakuna qonankutapas harkakurunqa. Templopa altarninpipas millakuypaq kaqkunatam ruwanqa, chaykunapa qepantam chay millakuypaq runata Diospuni puchukarachinqa.

Zacarías 1:19

Chaymi rimapayawaqniy angelta tapurqani: ¿Ima ninantaq kay waqrakunaqa? nispay. Hinaptinmi payñataq niwarqa: Kay waqrakunaqa Judata, Israelta chaynataq Jerusalentapas cheqerachiq atiykunam, nispa.

Zacarías 14:5

Qamkunañataqmi chay hatu-hatun wayqoman ayqenkichik, chay wayqom chayanqa Azal lawkama. Ayqenkichikqa Judá nacionpi rey Uzías munaychakuchkaptin terremoto pasaptin ayqesqaykichikpi hinam. Hinaptinmi Señorniy Tayta Diosqa llapa salvasqankunapiwan hamunqa.

Mateo 11:27

Taytaymi tukuy imakunata qoykuwarqa. Churitaqa manam pipas allintaqa reqsinchu aswanqa Taytallanmi, Taytataqa manataqmi pipas reqsinchu aswanqa Churillanmi hinaspa Churinpa reqsichisqan kaqkunallam.

Mateo 24:15

Profeta Danielmi qellqarqa “Chuya” sutiyuq lugarpi millakuypaq kaqkunamanta (pipas kayta leeqqa entiendechun). “Chuya” sutiyuq lugarpi chaykunata rikuspaykichikqa,

Marcos 13:14

Sichum [Profeta Danielpa qellqasqanman hina] templopi millakuypaq kaqkuna ruwasqata rikuspaykichikqa (pipas kayta leeqqa entiendechunyá), Judeapi kaqkunayá orqokunaman ayqeychik.

Lucas 10:22

Taytaymi tukuy imakunata qoykuwan. Pim Churi kasqantaqa manam pipas yachanchu, aswanqa Taytallanmi. Taytataqa manataqmi pipas reqsinchu aswanqa Churillanmi hinaspa munasqanman hina Churinpa reqsichisqan kaqkunallam, nispa.

Lucas 21:20

Jerusalenpa muyuriqninpi tropa-kunata qawaspaqa, chay llaqtapa pur-machisqa kanan tiempo chayaramusqantañayá yachaychik.

Lucas 21:24

Wakinmi espadawan wañuchisqa kanqaku, wakinñataqmi huklaw nacionkunaman preso apasqa kanqaku. Jerusalén llaqtapas Diosta mana reqsiqkunapa sarupasqanmi kanqa, chaynaqa kanqa Diosta mana reqsiqkunapa munaychakunan tiempo tukunankamam.

Juan 1:18

Diostaqa manam pipas rikurqachu, aswanqa sapallan Churinmi Dios kasqanrayku hinaspa Taytanwan huklla kasqanrayku, imaynam Dios kasqanta reqsichiwarqanchik, nispa.

Deuteronomio 33:2

Tayta Diosmi Sinaí orqomanta hamurqa, Seir orqomantam inti hina achkirimurqa, Parán orqomantam kancharimurqa, waranqantin-waranqantin chuyakunapa chawpintam hamurqa, yachachikuyninkunatam rupachkaq ninata hina apamurqa.

1~Tesalonicenses 3:13

Señoryá iñiynikichikpi takyachisunkichik Dios Taytanchikpa qayllanpi chuya kanaykichikpaq hinaspa payllapaqña kawsanaykichikpaq, chaynaqa kankichik Señorninchik Jesucristo llapallan sapaqchasqankunawan kutimunan punchawpaqmi.

Hebreos 10:29

Chaynaqa, ¡mayna castigasqaraqmi kanqa! Diospa Churinta sarutyaq runaqa, Diosllapaqña sapaqchaqnin musoq pacto yawartapas despreciaq runaqa hinaspa Diospa kuyapayakuynin qokuq Chuya Espiritutapas kamiq runaqa.

1~Pedro 1:12

Diosmi paykunaman nirqa chay willakusqankuqa mana kikillankupaqchu, aswanqa ñoqanchikpaqwan kasqanmanta. Kunanñataqmi salvacionmanta willakuqkunaqa willa-suchkankichik hanaq pachamanta hamuq Chuya Espiritupa yanapakuy-ninwan. Chaykunataqa angelkunapas yachaykuytam munanku.

Judas 1:14

Paykunamantam Adanpa qanchis kaq miraynin Enocpas kaynata profetizarqa: “Qawaychik, Señormi wara-waranqantin akllasqankunawan hamuchkan.

Apocalipsis 11:2

Ichaqa amam templopa pationtaqa tupumunkichu, chayqa kachkan mana judío kaqkunaman qosqam. Paykunam chay chuya llaqtataqa tawa chunka iskayniyuq killa sarutyaspa munaychakunqaku.

Apocalipsis 6:10

Paykunam qaparispa nirqaku: Tukuy Atiyniyuq Dios, qamqa Chuyam kanki, rimasqaykikunapas cheqapmi, ¿haykapikamataq wañuchiwaqniykuta mana juzgankichu hinaspa kay pachapi yachaqkunata mana vengakunkichu? nispanku.

Jueces 13:18

Chaymi Tayta Diospa angelnin nirqa: ¿Imanasqataq sutiyta tapuwanki? Sutiyqa admirakuypaqmi, nispa.