Daniel 8:12 - CHUYA QELLQA La Biblia en Quechua de Ayacucho 2012

¹² Mana kasukusqanraykum Diospaq sapaqchasqa tropakunapas hinaspa sapa punchaw Diosman ofrecesqanku ofrendakunapas paypa makinmanña churasqa karqa, cheqap kaqkunatapas pampakunamanraqmi wikaparqa, tukuy ima ruwasqanpipas payqa allinpunim lloqsirqa.

Quechua Ayacucho Bible 1987

¹² Mana kasukuq kasqankuraykum Diospaq sapaqchasqa tropakunapas hinaspa sapa punchaw Diosman ofrecesqanku ofrendakunapas paypa makinmanña churasqa karqa, cheqap kaqkunatapas pampakunamanraqmi wikaparqa, tukuy ima rurasqanpipas payqa allinpunim lloqsirqa.

Chuya Qellqa 1992

¹² Mana kasukusqanraykum Diospaq sapaqchasqa tropakunapas hinaspa sapa punchaw Diosman ofrecesqanku ofrendakunapas paypa makinmanña churasqa karqa, cheqap kaqkunatapas pampakunamanraqmi wikaparqa, tukuy ima ruwasqanpipas payqa allinpunim lloqsirqa.

Daniel 8:12 Iomraidhean Croise

Jobwan Sutichasqa Libro 12:6

Suwakunapas hawkam kawsakunku, Diosta piñachiq runakunapas hawkam kawsakunku, paykunaqa Diostapas makillankupi kasqanpaqmi hapinku.

Isaías 59:14

Mana pimanpas sayapakuspa allin arreglo ruwaymi karunchakurun, allin ruwaymi chinkarun, plazakunapipas cheqap kaqtaqa manam rimankuñachu, cheqap rimaq runapas manam kanñachu.

Jeremías 12:1

Dios Taytalláy, qamqa allin ruwaqmi kanki, manam qanwanqa churanakuymanchu; chaywanpas kaykunam tapukuyniy kachkan: ¿Imanasqataq mana allin ruwaq runakunaqa allinta kawsakunku? ¿Imanasqataq iskay uya runakunaqa hawkalla kawsakunku?

Daniel 11:28

Norte lawmanta hamuq reymi nacionninman kutikunqa guerrapi qechusqan qori-qollqekunata aparikuspan, hinaspanmi Diospa pacto ruwasqanpa contranpi hatarinqa. Payqa imam munasqankunata ruwaruspanmi nacionninman kutikunqa.

Daniel 7:21

Qawarqanitaqmi imaynam chay waqrachaqa Diospaq sapaqchasqa kaqkunata guerrawan hapispa vencerusqantapas.

Daniel 8:4

Qawachkaptiymi chay carneroqa intipa seqaykunan lawman, norte lawman hinaspa sur lawman takarqa; manam ima animalpas chay carneropa ñawpaqninpiqa sayayta atirqachu, manataqmi pipas paypa atiyninmantaqa librakuyta atirqachu. Munasqanman hina imatapas ruwaspanmi aswan-aswan hatunyarqa.

Apocalipsis 13:7

Chaynataqmi chay manchakuypaq animalmanqa atiy qosqa karqa chuya llaqtapa contranpi peleaspa vencenanpaq chaynataq kay pachapi llapallan ayllukunata, castakunata, tukuy rikchaq rimayniyuqkunata hinaspa nacionkunata kamachinanpaqpas.

1~Samuel 23:9

Chayta yacharuspanmi Sacerdote Abiatarta David nirqa: Efodta aparamuy, nispa.