Daniel 8:11 - CHUYA QELLQA La Biblia en Quechua de Ayacucho 2012

¹¹ Chaskakunapa kamachiqninpa contranpi hatunchakuruspanmi, Diosman sapa punchaw ofrecesqanku ofrendatapas qechurachirqa, santuariotapas millakuypaqtam ruwarunqa.

Quechua Ayacucho Bible 1987

¹¹ Lucerokunapa Jefen hinaraq rikuriruyta munaspanmi qechurachirqa sapa punchaw Diosman ofrecesqanku ofrendatapas, santuarionpa kasqanpas pampaman wikapasqam karqa.

Chuya Qellqa 1992

¹¹ Chaskakunapa kamachiqninpa contranpi hatunchakuruspanmi, Diosman sapa punchaw ofrecesqanku ofrendatapas qechurachirqa, santuariotapas millakuypaqtam ruwarunqa.

Daniel 8:11 Iomraidhean Croise

Isaías 37:23

¿Pitataq kamirqanki? ¿Pitataq ñakarqanki? ¿Pitataq kutiparqanki? ¿Pitataq hatunchakuspa qawarqanki? ¡Israelpa Chuya Diosninpa contranpim chaykunataqa ruwarqanki!

Isaías 37:29

uyarinim ñoqapaq piñakuspa hatun simikiwan kamiwasqaykitapas, chayraykum argollata senqaykiman churaspay, frenota simikiman churaspay, maymi hamusqayki ñanninta kutichisqayki, nispa.

Jeremías 48:26

Tayta Diospa contranpi hatarisqanmanta Moab nacionta sinkachiychik, chaynapim Moabqa kutichisqanpipas qochpanqa hinaptinmi llapallanku asipayanqaku.

Jeremías 48:42

Moab nacionmi pasaypaq chinkachisqa kanqa, ñoqa Tayta Diospa contraypi hatunchakusqanrayku.

Ezequiel 46:14

Sapa achikyaytataqmi qanchis kilo kawsaytawan huk litro aceitetapas ofrecewankichik, chay aceitetam harinawan chapunkichik. Kayqa Tayta Diospaq ofrendam, kamachikuyman hinam wiñaypaq ruwankichik.

Daniel 11:22

Payqa kallpasapallaña lloqlla hinam contranpi hatarimuqkunatapas pasaypaqta chinkarachinqa, paykunatawan kuskatam contrato ruwaq kamachikuqtapas wañurachinqa.

Daniel 11:31

Soldadonkunapas Diospa santuarionpim chaynataq amparakuna wasipim millakuypaq kaqkunata ruwanqaku, Diospaq sapa punchaw animalkuna wañuchinankutapas harkakunqakum, hinaspam chaypa rantinpi millakuypaq kaqtaña ofrecenqaku.

Daniel 12:11

Diosman sapa punchaw animalkuna ofreceyta tanichisqankumantam otaq Diospa templonpi millakuypaq kaqkunata ofrecesqankumantam pasan-qa waranqa iskay pachak isqon chunka punchawkuna.

Daniel 5:23

Aswanraqmi qamqa hanaq pachapi kaq Diospa contranpi hoqarikurqanki. Templonpi vasokunata aparachimuspaykim ancha reqsisqa runaykikunawan, warmikikunawan hinaspa churiwachaykikunawan, chay vasokunapi vinota upyakuchkankichik. Hinaspam qollqemanta, qorimanta, broncemanta, fierromanta, kullumanta, rumimanta idolokunata yupaycharqanki. Chay idolokunaqa mana qawakuqmi, mana uyarikuqmi hinaspa mana ima musyaqmi. Kawsachisuspayki tukuy ruwasqaykita nanachikuq Diostam ichaqa mana yupaycharqankichu.

Daniel 7:25

Chay reyqa tukuy imapa hawanpi munaychakuq Diostam kaminqa, Diospa llaqtantam ñakarichinqa, costumbrekunatawan Diospa kamachikuynintam tikraruyta munanqa, Diospaq sapaqchasqa kaqkunapim munaychakunqa, chaynataqa kimsa wata partenmi munaychakunqa.

Daniel 8:12

Mana kasukusqanraykum Diospaq sapaqchasqa tropakunapas hinaspa sapa punchaw Diosman ofrecesqanku ofrendakunapas paypa makinmanña churasqa karqa, cheqap kaqkunatapas pampakunamanraqmi wikaparqa, tukuy ima ruwasqanpipas payqa allinpunim lloqsirqa.

Daniel 8:24

Chay reyqa llumpay atiyniyuqmi rikurirunqa, ichaqa manam kikinpa atiyninraykuchu chaynaqa kanqa; payqa admirakuypaqtam tukuy imatapas purmachinqa, tukuy ima ruwasqanpipas allinpunim lloqsinqa, atiyniyuq runakunatam wañuchinqa, Diospa llaqtantapas wañuchinqam.

Daniel 8:25

Sakrillaña kasqanraykum runakunata llumpayta engañanqa. Sonqonpi hatunchakuspanmi hawka kawsakuqkunatapas achkallataña wañuchinqa. Payqa kamachikuqkunapa kamachiqninpa contranpim hatarinqa, aswanqa vencesqam kanqa, ichaqa manam runakunapa atiyninwanchu.

Daniel 9:25

Kaytam yachanayki hinaspa allinta entiendenayki: Jerusalén llaqta huktawan hatarichisqa kananpaq kamachikuy lloqsimusqanmantam kamachikuq Mesías hamunankama qanchis semana pasanqa. Chaymantam soqta chunka iskayniyuq semanakuna pasanqa; chay tiempopim Jerusalén llaqtapa plazankunapas perqankunapas musoqmanta hatarichisqa kanqa. Chaykunaqa ruwasqa kanqa hatun sasachakuy tiempopim.

Números 28:3

Ñoqa Tayta Diospaq kañapuwananku ofrendakunamantapas kaynatam ninki: Watayuq iskay sano carnerokunatam lliw kañana sacrificiota mana tipiyta sapa punchaw ofrecewankichik.

Lucas 21:24

Wakinmi espadawan wañuchisqa kanqaku, wakinñataqmi huklaw nacionkunaman preso apasqa kanqaku. Jerusalén llaqtapas Diosta mana reqsiqkunapa sarupasqanmi kanqa, chaynaqa kanqa Diosta mana reqsiqkunapa munaychakunan tiempo tukunankamam.

2~Tesalonicenses 2:4

Paymi Diospa sutinwan sutichakuqkunapa contranpi chaynataq yupaychana kaqkunapa contranpi hatarinqa. Diospa templonpi tiyaykusparaqmi “Diosmi kani” nispa Dios tukunqa.

Hebreos 2:10

Diosmi tukuy imataqa unancharqa, hina paytaqmi chaykunamantaqa nanachikunpas. Diosmi munan hanaq pachaman llapallan churinkuna rinanta. Chay churinkuna salvaqtam ñakarichispan mana imapapas pisisqanta ruwarqa.

Apocalipsis 17:14

Corderowan peleaptinkum Cordero vencerunqa, payqa señorkunapa Señorninmi, reykunapa Reyninmi. Paywan kaqkunaqa Diospa akllasqankunam hinaspa qayasqankunam, paykunaqa qaqa hinam sayachkanku, nispa.