Daniel 7:9 - CHUYA QELLQA La Biblia en Quechua de Ayacucho 2012

⁹ Qawachkaptillaymi reypa trononkuna churasqa karqa. Hinaptinmi huknin tronopi huk Yuyaq runa tiyaykurqa. Paypaqqa pachanpas riti hina yuraq-yuraqmi kasqa, chukchanpas algodón hina yuraq-yuraqmi kasqa, trononpas lenwachkaq nina hinam kasqa, trononpa ruedankunapas rawrachkaq nina hinam kasqa.

Quechua Ayacucho Bible 1987

⁹ Revelacionpi qawachkaptillaymi reypa tiyanankuna churasqa karqa. Hinaptinmi huknin tiyanapi wiñaypaq Kawsakuq tiyaykurqa. Paypaqa pachanpas kasqa riti hina yuraq-yuraqmi. Paypaqa kasqa chukchanpas taqsasqa millma hina ruyaq-ruyaqmi. Paypaqa tiyananpas kasqa lenguachkaq nina hinam. Chay tiyananpa ruedankunapas kasqa rawrachkaq nina hinam.

Chuya Qellqa 1992

⁹ Qawachkaptillaymi reypa trononkuna churasqa karqa. Hinaptinmi huknin tronopi huk Yuyaq runa tiyaykurqa. Paypaqqa pachanpas riti hina yuraq-yuraqmi kasqa, chukchanpas algodón hina yuraq-yuraqmi kasqa, trononpas lenwachkaq nina hinam kasqa, trononpa ruedankunapas rawrachkaq nina hinam kasqa.

Daniel 7:9 Iomraidhean Croise

1~Reyes 22:19

Micaiasñataqmi nirqa: Chaynaqa, Tayta Diospa nisqantayá uyariy: Ñoqam Tayta Diosta rikurqani trononpi tiyachkaqta, rikurqanitaqmi hanaq pachapi llapallan tropankunatapas alleqninpi hinaspa ichoqninpi sayachkaqta.

2~Crónicas 18:18

Hinaptinmi Micaías nirqa: Tayta Diospa nisqanta uyariychik: Ñoqam rikurqani Tayta Diosta trononpi tiyachkaqta, rikurqanitaqmi hanaq pachapi llapallan serviqninkunatapas alleqninpi hinaspa ichoqninpi sayachkaqta.

Isaías 6:1

Rey Uziaspa wañukusqan watapim, Tayta Diosta alto-alto trononpi tiyachkaqta rikurqani, pachanpa patankunatapas temploman huntaykuqta.

Isaías 9:6

Wawam nacerapuwanchik, churitam Tayta Dios qoykuwanchik, munaychakunanpaqmi atiyta qoykun. Paytam sutichanqaku: Admirakuypaq, allin Consejakuq, Tukuy Atiyniyuq Dios, Wiña-Wiñaypaq Yaya, hinaspa Hawkayayta Qokuq, nispa.

Jeremías 49:38

Elam nacionpim munaychakunaypaq tronoyta churasaq, reyninkunatawan kamachiqninkunatam wañurachisaq.

Ezequiel 1:26

Chay bovedapa hawanpiñataqmi, zafiromanta ruwasqa tronoman rik-chakuqta rikurqani, chay tronopa hawan-pim runaman rikchakuq kachkasqa.

Daniel 7:13

Tutam visionniypi qawarqani, qonqaymanta puyukunawan kuska alto cielomanta runapa churinman rikchakuq uraykamuqta, paymi Yuyaqpa kasqanman chayaramurqa, hinaptinmi Yuyaqpa qayllanman asuykachirqaku.

Daniel 7:22

Chaynam karqa huk Yuyaq hamunankama, payñam allin arreglota ruwarqa tukuy imapa hawanpi munaychakuq Diospa llaqtanpaq; tiempo chayaramuptinmi Diospa llaqtanña chay munaychakuyta chaskinqa.

Miqueas 5:2

Belén Efrata, Judá ayllukunamanta taksallan llaqta, qanmantam Israelpi munaychakuq hatarinqa, payqa paqarimurqa ñawpaqmantaraqmi, tukuy imapa qallariyninmantapacham.

Habacuc 1:12

Dios Taytalláy, wiña-wiñaypaq kawsakuq chuya Diosnilláy, qamqa kanki waqaychaqniykum, chayraykum mana wañusaqkuchu. Babilonia runakunataqa hatarichinki, llaqtaykita castiganallaykipaqmi.

Mateo 17:2

Chaypim paykunapa qayllanpi Jesuspa rikchaynin tikrakururqa. Uyanmi inti hina kancharirqa, pachanñataqmi achkiy hina yuraqyarurqa.

Mateo 28:3

Rikchayninmi karqa llipya hina, pachanñataqmi riti hina yuraq-yuraq.

Marcos 9:3

Pachanmi riti hina kancharichkaq rikurirurqa, manam pipas kay pachapi chayna yuraq-yuraq kanankamaqa taqsayta atinmanchu.

Hechos 2:30

Davidqa profetam karqa, chaymi payman juraspan Dios prometekusqanrayku yacharqa paypa mirayninmanta Cristo hamunanta hinaspa David hina Israel nacionpi munaychakunanta.

Hechos 2:33

Chaynapim Diosqa Jesusta hatunchaykuspan alleq lawninpi chaskiykurqa, Tayta Diospa prometekusqanman hinam Chuya Espirituta Jesús chaskirqa, chay Chuya Espirituntam chaqchurimuwarqanchik, chaytam qawachkankichik hinaspa uyarichkankichik.

Filipenses 3:9

chaynapi paywan hukllaña kanaypaq, manam ley cumplisqayraykuchu mana huchayuqpaqqa chaskisqa kasaq, aswanqa Cristoman iñikuptiymi mana huchayuqpaqña Dios chaskiwan.

1~Timoteo 6:16

Payllam mana wañuqqa, mana asuykuy atina kanchariq achkiypim kawsakun, manam pipas rikurqachu nitaqmi rikuyta atinmanchu. Payllam llumpay atiyniyuqqa, chaynaqa wiña-wiñaypaqyá yupaychasqa kachun. Amén.

1~Juan 1:5

Jesucristopa imam yachachiwas-qankutam qamkunaman willamuykiku: Diosqa achkiymi, paypiqa manam tutayayqa kanchu.

Apocalipsis 1:14

Chukchanpas kasqa yuraq millwa hina hinaspa riti hina yuraq-yuraqmi, ñawinpas kasqa nina hina kancharichkaqmi.

Apocalipsis 19:18

reykunapa capi-tankunapa, allinnin qari-qari runakunapa, caballokunapa, sillakuqkunapa, llapallan librekunapa, esclavokunapa, taksakunapa hinaspa hatunkunapa aychanta mikunaykichikpaq, nispa.

Apocalipsis 20:4

Rikurqanitaqmi tronokunatapas, chay-kunapiqa juzganankupaq kamachisqakunam tiyachkasqaku. Rikurqanitaqmi Jesusrayku hinaspa Diospa palabranta willakusqankurayku kunkan qorusqakunapa almankunatapas. Paykunaqa manam yupaycharqakuchu manchakuypaq animaltapas nitaq imagennintapas, manataqmi urkunkupipas nitaq makinkupipas marcantaqa churachikurqakuchu. Paykunaqa kawsarimuspankum Cristowan kuska waranqa wata munaychakunqaku.

Apocalipsis 4:2

Chaypunillam Espiritupa atiyninwan huntasqa rikurirurqani, hinaspam rikururqani hanaq pachapi tronota chaynataq tronopi huk tiyaqtapas.