Daniel 7:7 - CHUYA QELLQA La Biblia en Quechua de Ayacucho 2012

⁷ Chay mosqoyniypi tawa kaq ani-mal rikusqayñataqmi kasqa anchapas mancharikuypaq hinaspa kallpasapa. Kirunkunapas kasqa fierromanta hatu-hatunkunam, mikuspanpas pasay-paqtam chamchapasqa, puchusqantañataqmi sarupasqa. Chay animalqa kasqa wakin qawasqay animalkunamantapas pasaypaq hukmanmi hinaspa chunka waqrayuqmi.

Quechua Ayacucho Bible 1987

⁷ —Chay mosqoyniypiqa rikurqanitaqmi manchakuypaq tawa kaq animaltapas, chay animalqa kasqa puraminti mancharikuypaq llumpay kallpasapam. Kirunkunapas chay animalpaqa kasqa fierromantam hatu-hatunkuna, payqa mikuspanpas pasaypaqtam chamchaparurqa, puchuqnintañataqmi saruparurqa. Chay animalqa kasqa wakin qawasqay animalkunamantaqa pasaypaq hukmanmi. Chaynañataqmi chay animalqa kasqa chunka waqrayoqmi.

Chuya Qellqa 1992

⁷ Chay mosqoyniypi tawa kaq animal rikusqayñataqmi kasqa anchapas mancharikuypaq hinaspa kallpasapa. Kirunkunapas kasqa fierromanta hatu-hatunkunam, mikuspanpas pasaypaqtam chamchapasqa, puchusqantañataqmi sarupasqa. Chay animalqa kasqa wakin qawasqay animalkunamantapas pasaypaq hukmanmi hinaspa chunka waqrayuqmi.

Daniel 7:7 Iomraidhean Croise

2~Samuel 22:43

Ñutu allpata hinam ruwarurqani, ñanpi mituta hinam llinqaparurqani.

Jobwan Sutichasqa Libro 41:14

¿Pitaq hociconta kakllarunman? Hociconpa muyuriqninpi kirunkunapas manchakuypaqmi.

Ezequiel 40:2

Tayta Diosmi visionpi Israel allpaman aparuwaspan hatun orqopa puntanman churaykuwarqa. Chaymanta sur lawman qawariptiymi huk llaqtaman rikchakuq kachkasqa.

Daniel 2:19

Chay tutam Diospuni Danielman revelacionpi chay pakasqa kaqkunata qawachirqa, chaymi Danielqa hanaq pacha Diosta

Daniel 7:13

Tutam visionniypi qawarqani, qonqaymanta puyukunawan kuska alto cielomanta runapa churinman rikchakuq uraykamuqta, paymi Yuyaqpa kasqanman chayaramurqa, hinaptinmi Yuyaqpa qayllanman asuykachirqaku.

Daniel 7:2

kaynata qellqarqa: Ñoqam mosqoyniypi qawachkasqani tukuy hinastinmanta vientokuna puku-muspan hatun lamar qochapa yakunkunata kayman chayman kuyuchiqta.

Daniel 8:10

Cielokunapi chaskakunapa kasqankamam llumpayta wiñarurqa, hinaspam wakin chaskakunata pampakama wichirichimuspa saruparqa.

Daniel 8:22

Rikurqankitaqmi imaynam chay punta kaq waqran pakiruptin chaypa rantinpi tawa waqrakunaña wiñaramusqantapas. Chay waqraqa huk munaychakuymi, chaymantam tawa kamachikuqkuna lloqsimunqaku, paykunaqa manam punta kaq munaychakuq hina ancha atiyniyuqchu kanqaku.

Zacarías 2:1

Huktawan qawarispaymi visionpi rikururqani, tupuna cordelta aptarayachkaq runata.

Apocalipsis 12:3

Huktawanmi huk señalta hanaq pachapi rikururqani: Hatun puka animal Dragonta, chay animalmi kasqa qanchis umayuq, chunka waqrayuq, sapa umankunapiñataqmi huk corona kasqa.

Apocalipsis 13:1

Chaymantam lamar qochapa patanpi sayaykuspay rikururqani lamar qochamanta qanchis umayuq hinaspa chunka waqrayuq manchakuypaq animal lloqsimuqta. Sapa waqranpim kasqa huk corona, umankunapiñataqmi kasqa Dios kamiq sutikuna.

Apocalipsis 17:12

Chay chunka waqrakuna rikusqay-kiqa manaraq munaychakuy qallariq chunka reykunam. Paykunaqa manchakuypaq animalwan kuskam rey kanankupaq huk horallapaq atiyta chaskinqaku.

Apocalipsis 17:7

chay ángel niwarqa: ¿Imanasqataq admirasqallaña kach-kanki? Ñoqam willasqayki chay warmimantawan sillakusqan manchakuypaq animalmantapas sasa entiendena kaqta. Chay animalqa kachkan qanchis umayuqmi hinaspa chunka waqrayuqmi.

Apocalipsis 17:8

Chay manchakuypaq animal rikusqaykiqa ñawpaq kaqmi, kunanqa manam kanñachu, chay animalqa uku pachamanta lloqsimunanpaq hinañam kachkan, chaynapi wiñaypaq wañuyman rinanpaq. Kay pachapi runakunañataqmi chay ñawpaq kaq manchakuypaq animalta qawaykuspanku admirakunqaku, paykunaqa kay pacha unanchasqa kasqanmantapuni wiñay kawsay libropi sutinku mana qellqasqakunam. Chay manchakuypaq animalqa ñawpaq kaqmi karqa, kunanqa manam kanñachu, ichaqa kutimunqam.