Daniel 7:27 - CHUYA QELLQA La Biblia en Quechua de Ayacucho 2012

²⁷ Kay pachapi gobiernokunapa munaychakuyninpas, atiyninkupas, hatun kayninkupas tukuy imapa hawanpi munaychakuq Diospa llaqtanmanmi qosqa kanqa, munaychakuyninqa wiña-wiñaypaqmi takyanqa, chaymi llapallan llaqtakuna payllataña servispanku kasukunqaku, nispa.

Quechua Ayacucho Bible 1987

²⁷ Kay pachapi gobiernokunapa munaychakuyninpas, kay pachapi gobiernokunapa atiyninpas, kay pachapi gobiernokunapa hatun kayninpas qosqa kanqa Diospaq sapaqchasqa kaqkunamanmi otaq Alto-altopi kaq Diospa runankunamanmi, hinaptinmi Diospa gobiernonqa wiña-wiñaypaq takyanqa. Payllatañam servinqaku kay pachapi llapallan kamachikuqkunaqa. Payllatañam kasukunqaku kay pachapi llapallan kamachikuqkunaqa.

Chuya Qellqa 1992

²⁷ Kay pachapi gobiernokunapa munaychakuyninpas, atiyninkupas, hatun kayninkupas tukuy imapa hawanpi munaychakuq Diospa llaqtanmanmi qosqa kanqa, munaychakuyninqa wiña-wiñaypaqmi takyanqa, chaymi llapallan llaqtakuna payllataña servispanku kasukunqaku, nispa.

Daniel 7:27 Iomraidhean Croise

Isaías 14:2

Achka nacionkunam Israelpa mirayninkunata chaskispanku nacionninkuman riysinqaku. Israelpa mirayninkunañataqmi chay runakunata warmitapas qaritapas criadonkupaqña hapikuykunqaku, chaynaqa kanqaku Tayta Diospa qosqan allpapim. Presochaqninkutam preso-chanqaku, ñakarichiqninkunapim mu-naychakunqaku.

Isaías 54:3

Alleqmanpas ichoqmanpas mastarikunkim, miraynikikunam achka nacionta hapikuykunqaku, purmachisqa llaqtakunapim yachakunqaku.

Isaías 9:7

Rey Davidpa trononmantam kamachikunqa, munaychakuyninpa atiyninmi tukuy hinastinman chayanqa, munaychakuyninpiqa hawkayaypas manam tukunqachu, munaychakuyninqa wiña-wiñaypaqmi takyanqa. Mana pimanpas sayapakuspam kamachikunqa, allin arreglokunawanmi munaychakunqa, kunanmanta wiña-wiñaykama. Tukuy Atiyniyuq Tayta Diospa kuyakuyninmi chaytaqa ruwanqa.

Daniel 2:44

Chay reykuna munaychakuchkaptinkum hanaq pacha Dios hatarichinqa wiñaypaq mana tuñichiy atina munaychakuyta, chay munaychakuypa hawanpiqa manam hukqa munaychakunqachu. Aswanqa chay munaychakuymi llapallan munaychakuykunata ñutupaspan wiña-wiñaypaq takyanqa.

Daniel 4:34

Chay sentenciawasqan tiempo cumplikuruptinmi ñoqa Nabucodonosor alto cielota qawarirqani, hinaptinmi yuyayniy huktawan kutiykuwarqa. Chaymi tukuy imapa hawanpi munaychakuq Diosta hatuncharqani, wiña-wiñaypaq kawsaq Diostam yupaycharqani, wiña-wiñaypaq Diosmanmi graciasta qorqani, paypa munaychakusqanqa wiña-wiñaypaqmi takyan, payqa runapa lliw mirayninkunapim munaychakun.

Daniel 6:26

Munaychakusqaypi llapallan runakunatam decretaspay kamachimuykichik Danielpa Diosninta manchakuywan kasukunaykichikpaq. Payqa kawsaq Diosmi, wiñaypaq takyaq Diosmi, kamachikuyninpas mana haykapipas tukuqmi, munaychakuyninpas mana haykapipas puchukaqmi.

Daniel 7:14

Chaymi payman atiyta, ancha reqsisqa kayta, munaychakuyta qoykurqaku; chaynapi llaqtakuna, nacionkuna, rikchaqmana rimayniyuqkuna payta servinankupaq. Paypa munaychakuyninqa wiña-wiñaypaq mana tukuqmi, kamachikuyninpas mana haykapipas chinkaqmi.

Daniel 7:18

Ichaqa tukuy imapa hawanpi munaychakuq Diospa llaqtanmi chay munaychakuyta chaskinqaku, chaynapim chay munaychakuyqa wiña-wiñaypaq paykunapaña kanqa”, nispa.

Daniel 7:22

Chaynam karqa huk Yuyaq hamunankama, payñam allin arreglota ruwarqa tukuy imapa hawanpi munaychakuq Diospa llaqtanpaq; tiempo chayaramuptinmi Diospa llaqtanña chay munaychakuyta chaskinqa.

Abdías 1:21

Llapallankum kusisqallaña Sión moqoman qespinqaku hinaspam Esaupa orqonkunapi munaychakunqaku, Tayta Diosñataqmi paykunapi munaychakunqa.

Zacarías 14:9

Tayta Diosmi kay pachapi munaychakunqa. Pay sapallanmi Dios kanqa, sutinpas sapallanpam reqsisqa kanqa.

Lucas 1:33

Chaynapi Israel nacionpi wiñaypaq munaychakunanpaq, munaychakuyninqa manam haykapipas tukunqachu, nispa.

Juan 12:34

Runaku-nañataqmi nirqaku: Leypiqa uyarirqaniku: “Cristoqa wiñay-paqmi kawsanqa” niqtam. ¿Imaynataq qamqa ninki: “Runapa Churinqa cheqaptapunim chakatasqa wañunqa”, nispaykiqa? ¿Pitaq runapa Churinqa? nispanku.

1~Corintios 15:24

Chaymantañam tukupay tiempo chayamunqa, chay tiempopiqa Cristom llapallan atiyniyuqkunata, munayniyuqkunata hinaspa autoridadkunata chinkarachinqa, hinaspam munaychakuyninta Dios Taytanmanña qoykunqa.

Apocalipsis 11:1

Chaymantam soqos kaqlla tupuna varata qoykuwaspan niwarqa: Diospa templontawan altartayá tupuramuy, yuparamuytaqyá chaypi yupaychaqkunatapas.

Apocalipsis 11:15

Trompetanta qanchis kaq ángel tocaykuptinmi hanaq pachamanta hatunmanta qapariy uyarikamurqa: “Kay pachapi munaychakuymi Cristopaña rikurirun, payñam wiña-wiñaypaq munaychakunqa”, niq.

Apocalipsis 17:14

Corderowan peleaptinkum Cordero vencerunqa, payqa señorkunapa Señorninmi, reykunapa Reyninmi. Paywan kaqkunaqa Diospa akllasqankunam hinaspa qayasqankunam, paykunaqa qaqa hinam sayachkanku, nispa.

Apocalipsis 19:16

Pachanpipas chaynataq piernanpipas kayna qellqasqam kasqa: “Reykunapa Reynin, Señorkunapapas Señornin” niq.

Apocalipsis 20:4

Rikurqanitaqmi tronokunatapas, chay-kunapiqa juzganankupaq kamachisqakunam tiyachkasqaku. Rikurqanitaqmi Jesusrayku hinaspa Diospa palabranta willakusqankurayku kunkan qorusqakunapa almankunatapas. Paykunaqa manam yupaycharqakuchu manchakuypaq animaltapas nitaq imagennintapas, manataqmi urkunkupipas nitaq makinkupipas marcantaqa churachikurqakuchu. Paykunaqa kawsarimuspankum Cristowan kuska waranqa wata munaychakunqaku.

Apocalipsis 22:5

Chaypiqa manañam tutapas kanqañachu, chaypi yachaqkunaqa achkitapas, intitapas manañam necesitanqakuñachu. Paykunataqa Señor Diosllañam achkinqa, hinaptinmi wiña-wiñaypaq munaychakunqaku.