Daniel 7:24 - CHUYA QELLQA La Biblia en Quechua de Ayacucho 2012

²⁴ Chay chunka waqrankunaqa munaychakuymanta chunka hatarimuq reykunam. Chay reykunapa qepantañataqmi pasaypaq hukman rikchayniyuq rey hatarimunqa, hinaspam kimsa reykunata tuñichinqa.

Quechua Ayacucho Bible 1987

²⁴ Chay chunkantin waqrankunaqa chay gobiernonmanta hatarimuq chunka reykunam. Chay reykunapa qepantañataqmi pasaypaq hukman rikchayniyoq rey hatarimunqa. Chay reyqa kimsa reykunatam humillarachinqa.

Chuya Qellqa 1992

²⁴ Chay chunka waqrankunaqa munaychakuymanta chunka hatarimuq reykunam. Chay reykunapa qepantañataqmi pasaypaq hukman rikchayniyuq rey hatarimunqa, hinaspam kimsa reykunata tuñichinqa.

Daniel 7:24 Iomraidhean Croise

Daniel 11:36

Norte nacionniyuq reymi tukuy imam munasqanta ruwanqa, hatun tukuspanmi kaynata ninqa: “Ñoqaqa llapallan dioskunapapas hawanpim kachkani”, nispa. Payqa Diospa contranpipas millakuypaq mana allinkunatam rimanqa. Payqa tukuy imapim allinllaña lloqsinqa Diospa piñakuynin payta hayparunankama. Diosqa imam tanteasqantaqa ruwanqapunim.

Daniel 2:41

Reynilláy, rikurqankitaqmi chay sayaqpa chakinkuna hinaspa dedonkuna mitumanta parten, partenñataq fierromanta kasqantapas, chayqa chay munaychakuypa rakinasqa kananmantam nichkan; chaywanpas chay munaychakuypa partenqa kanqa fierro hina allin takyaqraqmi, qamqa fierrowan taqrunasqa mitutam rikurqanki.

Daniel 7:20

Yachaykuytataqmi munarqani chay chunkantin waqrakunamantapas, ñawiyuq hinaspa hatun tukuspa rimaq simiyuq taksa waqrachamantapas. Chay waqracha hatunyananpaqmi kimsa waqrakuna maymi kasqanmanta witusqa karqa. Chay waqrachaqa rikchakapuwarqa wakin waqrakunamantapas aswan hatunmi.

Daniel 7:23

Hinaptinmi chay willawaqniy niwarqa: Chay tawa kaq animalqa kay pachapi hatarimuq tawa kaq munaychakuymi, chayqa wakinmantaqa hukniraq munaychakuymi kanqa, paymi kay pachapi kaqkunata tukurunqa, tukuy imatapas ñutuparuspam saruparunqa.

Apocalipsis 12:3

Huktawanmi huk señalta hanaq pachapi rikururqani: Hatun puka animal Dragonta, chay animalmi kasqa qanchis umayuq, chunka waqrayuq, sapa umankunapiñataqmi huk corona kasqa.

Apocalipsis 13:1

Chaymantam lamar qochapa patanpi sayaykuspay rikururqani lamar qochamanta qanchis umayuq hinaspa chunka waqrayuq manchakuypaq animal lloqsimuqta. Sapa waqranpim kasqa huk corona, umankunapiñataqmi kasqa Dios kamiq sutikuna.

Apocalipsis 17:3

Espiritupim huk ángel purunman aparuwarqa, hinaptinmi huk warmita rikurqani manchakuypaq animalpi silladata, chay animalqa kasqa Dios kamiq qellqakunawan lliw cuerponpi qellqasqam chaynataq qanchis umayuq hinaspa chunka waqrayuqmi.