Daniel 7:10 - CHUYA QELLQA La Biblia en Quechua de Ayacucho 2012

¹⁰ Ñawpaqninmantapas nina mayum lloqsirqa, paytaqa waranqantin-waranqantinmi servirqaku, ñawpaqninpipas manaña yupay atinam sayarqaku. Tribunalpi juez tiyaykuptinmi librokuna kichasqa karqa.

Quechua Ayacucho Bible 1987

¹⁰ Nina mayum ñawpaqninmanta lloqsimuspan kallparqa. Paytaqa waranqantin-waranqantinmi servirqa. Paypa ñawpaqninpim manaña yupay atina karqa. Chaynapim cortepi kaqkuna tiyaykurqa. Hinaptinmi librokuna kichasqa karqa.

Chuya Qellqa 1992

¹⁰ Ñawpaqninmantapas nina mayum lloqsirqa, paytaqa waranqantin-waranqantinmi servirqaku, ñawpaqninpipas manaña yupay atinam sayarqaku. Tribunalpi juez tiyaykuptinmi librokuna kichasqa karqa.

Daniel 7:10 Iomraidhean Croise

1~Reyes 22:19

Micaiasñataqmi nirqa: Chaynaqa, Tayta Diospa nisqantayá uyariy: Ñoqam Tayta Diosta rikurqani trononpi tiyachkaqta, rikurqanitaqmi hanaq pachapi llapallan tropankunatapas alleqninpi hinaspa ichoqninpi sayachkaqta.

2~Crónicas 18:18

Hinaptinmi Micaías nirqa: Tayta Diospa nisqanta uyariychik: Ñoqam rikurqani Tayta Diosta trononpi tiyachkaqta, rikurqanitaqmi hanaq pachapi llapallan serviqninkunatapas alleqninpi hinaspa ichoqninpi sayachkaqta.

Jobwan Sutichasqa Libro 25:3

Tropankunapas mana yupay atinam, achkiyninpas llapallan runakunamanmi kancharimun.

Isaías 30:27

Qawariychik, kikin Tayta Diosmi karumanta hamuchkan, piñakuptinmi nina hinaraq uyanpas ruparichkan, simin huntam piñakuynin kachkan, tukuy ima ruparuq nina hinaraqmi qallunpas kachkan.

Isaías 30:33

Asiriapaqwan reyninpaqmi ñawpaqmantaraq ancho-ancho hinaspa uku-uku toqo allichasqa kachkan, achkallaña yantawan ratachisqa kunununuq ninam kachkan, Tayta Diospa samayninmi azufreyuq mayu hina chaypi rupanqa.

Daniel 12:1

Chay tiempopim, Israel llaqtaykita waqaychaq ángel Miguel hatarimunqa. Chay punchawkunaqa ñakariy tiempom kanqa nacionkunapa rikurisqanmantapas chayna ñakariyqa manam haykapipas karqachu; ichaqa chayna kachkaptinmi llaqtaykimanta kaqkuna salvasqa kanqaku, salvasqaqa kanqaku libropi qellqasqa kaqkunallam.

Daniel 7:22

Chaynam karqa huk Yuyaq hamunankama, payñam allin arreglota ruwarqa tukuy imapa hawanpi munaychakuq Diospa llaqtanpaq; tiempo chayaramuptinmi Diospa llaqtanña chay munaychakuyta chaskinqa.

Daniel 7:26

Ichaqa juezmi tiyaykunqa tribunalpi, hinaspam chay reypa munaychakuyninta qechurunqa, munaychakuyninta qechuruspam wiñaypaq chinkarachinqa.

Zacarías 14:5

Qamkunañataqmi chay hatu-hatun wayqoman ayqenkichik, chay wayqom chayanqa Azal lawkama. Ayqenkichikqa Judá nacionpi rey Uzías munaychakuchkaptin terremoto pasaptin ayqesqaykichikpi hinam. Hinaptinmi Señorniy Tayta Diosqa llapa salvasqankunapiwan hamunqa.

Mateo 25:31

Runapa Churinmi kanchariyninpi llapa angelninkunawan kuska hamuspan kancharichkaq trononpi tiyaykunqa,

Deuteronomio 33:2

Tayta Diosmi Sinaí orqomanta hamurqa, Seir orqomantam inti hina achkirimurqa, Parán orqomantam kancharimurqa, waranqantin-waranqantin chuyakunapa chawpintam hamurqa, yachachikuyninkunatam rupachkaq ninata hina apamurqa.

Hebreos 1:14

Llapallan angelkunaqa Dios serviq espiritukunam, paykunaqa salvakunankupaq kaqkunata yanapanankupaqmi kachamusqa kachkanku.

Hebreos 12:22

Qamkunam ichaqa asuykurunkichik Sión moqoman, hanaq pachapi kawsaq Diospa Jerusalén llaqtanman, Diosta yupaychanankupaq wara-waranqa angel-kunapa huñunasqa kasqankuman.

Judas 1:14

Paykunamantam Adanpa qanchis kaq miraynin Enocpas kaynata profetizarqa: “Qawaychik, Señormi wara-waranqantin akllasqankunawan hamuchkan.

Apocalipsis 11:18

Nacionkunam piñakurun; castiganaykipaq punchawmi chayaramun. Wañuqkunata juzganayki punchawmi chayaramun, serviqniki profetaykikunaman paganayki punchawmi chayaramun, chuya llaqtaykimanwan sutiki kasukuqkunaman paganayki punchawmi chayaramun, taksamanpas hatunmanpas llapallanmanmi pagapunki, kay pacha tuñichiqkunatam chinkachinki, nispanku.

Apocalipsis 5:11

Rikuruspayñataqmi uyarirqani, trononpa muyuriqninpi achkallaña angelkunapa qapariyninta, chaynallataq kawsaqkunapa hinaspa ancianokunapa qapariyninkutapas. Paykunaqa kasqaku wara-waranqantinmi.