Daniel 6:8 - CHUYA QELLQA La Biblia en Quechua de Ayacucho 2012

⁸ Chaynaqa reynillayku, kikikipuni decretaykuspa firmaykuy, chaynapi Persia nacionpa hinaspa Media nacionpa leyninman hina mana yanqachasqa kananpaq”, nispanku.

Quechua Ayacucho Bible 1987

⁸ Reynillayku chaynaqa, kikikipuni decretaykuspayá firmaykuy chaynapi Persia law hinaspa Media law nacionpi leykuna hina manaña yanqachasqa kananpaq —nispa.

Chuya Qellqa 1992

⁸ Chaynaqa, reynillayku, kikikipuni decretaykuspa firmaykuy, chaynapi Persia nacionpa hinaspa Media nacionpa leyninman hina mana yanqachasqa kananpaq”, nispanku.

Daniel 6:8 Iomraidhean Croise

Ester 1:19

Reynilláy, allinpaq rikchakapusuptikiqa musoq kamachikuyta decretay, Persia nacionpa Media nacionpa leyninkunaman yapasqa kaspa mana haykapipas yanqachasqa kananpaq. Chayman hina reina Vasti amaña haykapipas qayllaykiman hamuchunchu, aswanqa paypa rantinpi huk warmiña reina kananpaq akllasqa kachun.

Ester 3:12

Hinaptinmi chay watapi punta kaq killapa chunka kimsayuq punchawninpi, reypa secretarionkuna Amanpa kamachikusqanman hina regionkunapi hinaspa provinciakunapi gobernadorkunaman, chaynallataq nacionkunapi kamachikuqkunamanpas, qellqasqankuman chaynataq rimayninkuman hina qellqarqaku. Rey Asueropa sutinpi qellqaspankum anillonwan sellarqaku.

Ester 8:10

Chay cartakunatam rey Asueropa sutinpi qellqaspa anillonwan sellarqaku, hinaspam caballokunapi silladakunawan utqayman cheqechirqaku.

Ester 8:3

Reina Estermi huktawan reyta rimapayarqa, hinaspam ñawpaqninpi kumukuykuspan waqakuywan ruegakurqa Amanpa decreto ruwasqankunata chinkachinanpaq, chaynapi judiokunapa contranpi tanteasqankuna ama cumplikunanpaq.

Ester 8:8

Chaynaqa, tanteasqaykichikman hinayá ñoqapa sutiypi judío runakunaman qamkunaña qellqaychik hinaspa anilloywan sutiypi selloychik. Reypa sutinpi qellqasqa chaynataq anillonwan sellasqa decretotaqa manam yanqachayta atinmankuchu, nispa.

Isaías 10:1

¡Ay, imaynaraq kankichik, mana allin kamachikuykuna decretaqkuna, ñakarichinaykichikpaq kamachikuykunata qellqaqkuna!

Daniel 5:28

PARSIN ninanqa: Munaychakuynikim iskayman rakinasqa kaspan Media lawpi hinaspa Persia lawpi kaqkunamanña qosqa kanqa, ninanmi.

Daniel 6:12

Chaymi utqayman kallpaspanku decretasqanmanta reyta nimurqaku: Reynillayku, qanmi huk kamachikuyta firmaspa decretarqanki: “Kimsa chunka punchaw ama pipas huk diostaqa nitaq huk runatapas mañakunankupaq, mañakuspaqa qamllata mañakusunaykipaq, pipas mana chayta kasukuqqa leonku-napa kasqan uchkuman wischuykusqa kanankupaq. Reynillayku, ¿chaynachu icha manachu?” nispanku. Hinaptinmi rey nirqa: Arí, chaynapunim, chay decretasqayqa Mediapa chaynataq Persiapa kamachikuyninkunaman hinaqa mana yanqachay atinam, nispa.

Daniel 6:15

Ichaqa chay runakunam reypa qayllanman kutispanku yapamanta nirqaku: Reynillayku, qamqa sumaqtam yachanki Mediapa, Persiapa leyninkuman hinaqa ima kamachikuypas, decretopas, reypa firmasqanña kaspaqa manaña yanqachay atina kasqantaqa, nispanku.

Mateo 24:35

Hanaq pachawan kay pachapas tukurunqam, palabraykunam ichaqa wiñaypaq takyanqa.