Daniel 6:4 - CHUYA QELLQA La Biblia en Quechua de Ayacucho 2012

⁴ Chayraykum kamachikuqmasinkunapas hinaspa lliw gobernadorkunapas Danielpa pantasqanta maskarqaku chayman hina acusanankupaq, ichaqa manam ima pantaytapas tarirqakuchu; Danielqa imatapas yachaywanmi ruwarqa.

Quechua Ayacucho Bible 1987

⁴ Chayraykum Danielpa kamachiqmasinkunapas hinaspa llapallan prefectokunapas imallatapas maskarqaku chayman hina acusanankupaq ichaqa manam ima faltatapas tarirqakuchu paypa imaynam gobiernasqanpiqa. Payqa confianza runa kaspanmi tukuy imata nanachikuq, manataqmi ima regalotapas yanqamantaqa chaskikuykuqchu.

Chuya Qellqa 1992

⁴ Chayraykum kamachikuqmasinkunapas hinaspa lliw gobernadorkunapas Danielpa pantasqanta maskarqaku chayman hina acusanankupaq, ichaqa manam ima pantaytapas tarirqakuchu; Danielqa imatapas yachaywanmi ruwarqa.

Daniel 6:4 Iomraidhean Croise

Génesis 41:38

Hinaptinmi runankunata Faraón nirqa: José hina Diospa espiritunwan kaq runataqa manam maypipas tarichwanchu, nispa.

Génesis 43:18

Hinaptinmi chay runakunaqa llumpayta mancharikurqaku, Joseypa wasinman pusasqa kasqankurayku hinaspam ninakurqaku: Punta hamuyninchikpi costalninchikpi qollqetachusmi tumpaykuwanchik, chaychusmi kaymanqa pusaykaramuwanchik, chaqnaruwaspanchik asnonchikkunatawan kuskata esclavontaña ruwawananchikpaq, nispanku.

Proverbios 29:27

Allin ruwaq runakunaqa, mana allin runakunataqa cheqninkum; mana allin runakunañataqmi allin ruwaq runakunata millakunku.

Eclesiastés 4:4

Kaytapas rikurqanim: Pipas llamkakuspa imatapas armakuptinqa runakunam envidiakunku. Chaypas yanqallam, waspiy hina chinkaruqllam.

Jeremías 18:18

Chay runakunam ninakurqaku: Hamuychik, Jeremiaspa contranpi tanteanakusun. Yachachiqninchik sacer-dotekunapas, yachayniyuq consejaqninchikkunapas, Tayta Diospa nisqanta willawaqninchik profetakunapas, manam faltanqachu. Tumpaykusunchik wañurachinankupaq, ima rimasqantapas ama kasusunchikchu, nispanku.

Jeremías 18:23

Dios Taytalláy, qamqa yachankim wañuchiwanankupaq tukuy ima rimanakusqankutapas, mana allinkunata ruwaspa qayllaykipi huchallikusqankutaqa amayá pampachaychu, qayllaykimanta paykunata wichichiy, piñakuynikiwan castigay.

Jeremías 20:10

Llapa runakunapa rimakachasqankutam uyarichkani, paykunam nichkanku: Tukuy hinastinpim manchakuyllaña kachkan, hakuchik denunciamusunchik, nispam rimanakuchkanku. Llapa amistadniykunam imamanpas wichiykunayta suyachkanku, ichapas engañarachikunman venceruspa paymanta vengakurunanchikpaq, nispam nichkanku.

Jeremías 29:7

Chay yachasqaykichik llaqtapa hawkayaynintayá maskaychik, chaypaqyá ñoqata mañakuwaychik, chaynapi llaqta hawkalla kaptin qamkunapas hawkalla kanaykichikpaq.

Daniel 3:8

Caldea runakunañataqmi chayman hapipakuruspanku rey Nabucodono-sorman asuykurqaku judío runakunata acusanankupaq.

Daniel 5:12

Sutinmi Daniel, paytam Beltsasarwan abueloyki suticharqa, payqa kachkan admirakuypaq espirituyuqmi, yachaypapas hinaspa yuyaypapas huntaykusqanmi; yachantaqmi mosqoykunapa chaynataq sasa entiendena watuchikunapa imam ninantapas. Payqa sasachakuykuna allichaytapas atinmanmi. Chaynaqa, Danieltayá qayamuychik, paymi chay qellqapa imam ninantaqa willasunkichik, nispa.

Daniel 6:22

Dios-niymi angelninta kachamuspan leon-kunapa siminta wichqarurqa mana imanawananpaq. Diosqa yachanmi mana huchayuq kasqayta chaynataq qayllaykipipas ima mana allintapas mana ruwasqayta, nispa.

Mateo 26:4

Chaypim tanteanakururqaku engañollawan Jesusta hapiruspa wañurachinankupaq.

Mateo 27:18

Payqa yacharqam Jesustaqa envidiakuspanku entregaykusqankuta.

Lucas 20:20

Chaymi wateqaqkunata kacharqaku, allin runapaq tukuspanku imaynata ruwas-papas pantarachimunankupaq, chay-napi chayman sumlla acusaspa gober-nadorman entregaykunankupaq.

Lucas 20:26

Runakunapa qayllanpi mana ima rimayninpipas wichichiyta atispankum, imaynam contestasqanwan admirakuspanku upallarurqaku.

Lucas 22:2

Sacerdotekunapa kamachiqninkunawan Diospa leynin yachachiqkunañataqmi, runakunata man-chakusqankurayku, mana pipa yachas-qallanta Jesusta imaynam wañurachiyta maskarqaku.

Juan 19:4

Pilatom musoqmanta lloqsimuspan nirqa: Jesustam hurqomuchkani, yachaychikyá, paypiqa manam imatapas tarinichu sentencianaypaq hinaqa, nispa.

2~Corintios 11:12

Kay ruwasqaytaqa aswanraqmi ruwasaq, chaynapi ñoqaykuta qatipa-kuspa alabakuqkuna ama hatunchakunankupaq.

Filipenses 2:15

chaynapim mana culpayuq hinaspa mana huchayuq kaspaykichik Diospa churin chuya sonqo kankichik millakuypaq huchallikuq runakunapa chawpinpi. Qamkunaqa tutapi kanchaq chaska hinam sutilla lliwpa reqsisqan kachkankichik.

1~Timoteo 5:14

Chaymi ñoqaqa munayman kallpanpiraq kaq viudakunaqa huktawan casarakuspanku wawayuq kanankuta, wasinkupi ocupakunankuta, chaynapi enemigowan ama kamichikunankupaq.

Tito 2:8

imam kaqta willakuy, contraykipi kaqpas penqakunanpa, chaynapi ñoqanchikmanta mana imatapas rimanankupaq.

1~Pedro 2:12

Diosta mana reqsiqkunapa qayllanpiyá allinta kawsaychik, chaynapim hucha ruwaqmanta hina contraykichikpi rimachkaspankupas allin ruwasqaykichikta qawaspanku, Diospa cuenta mañaq hamusqan punchawpi payta yupaychanqaku.

1~Pedro 3:16

Ichaqa llampu sonqowan hinaspa respetowan ruwaychik, Cristopi iñiqkuna hina allinta kawsaychik, chaynapi allin kawsasqaykichikmanta mana allin rimaqkuna kikinku penqaypi kanankupaq.

Jueces 14:4

Tayta-mamanqa manam yacharqachu Sansonpa munasqanqa Tayta Diosmanta kasqanta. Tayta Diosqa filisteokunata imaynam castigaruytam maskachkarqa; chay tiempopiqa Filistea castakunam Israel miraykunapi munaychakuchkarqaku.

1~Samuel 12:4

Paykunañataqmi nirqaku: Taytáy, qamqa manam yanqamantaqa cargochawarqankikuchu. Nitaqmi yanqapas-yanqaqa llakichiwarqankikuchu. Manataqmi pimantapas qechuwarqankikuchu. Manam pimantapas yanqamantaqa chaskikurqankichu, nispanku.

1~Samuel 18:14

Tayta Dios yanapaptinmi Davidqa tukuy imata allinta ruwaq.

1~Samuel 22:14

Hinaptinmi reyta Ahimelec nirqa: Llapallan serviqnikikunamantapas David hina confiakunapaq runaqa manam kanchu, chaywanpas payqa masaykim hinaspa waqaychasuqniki soldadokunapa kamachiqninmi. Wasikipiqa pay hina allin respetasqa runaqa manam kanchu.