Daniel 6:28 - CHUYA QELLQA La Biblia en Quechua de Ayacucho 2012

²⁸ Danielqa ancha reqsisqam karqa rey Dariopa munaychakuyninpipas chaynataq Persia nacionniyuq rey Ciropa munay-chakuyninpipas.

Quechua Ayacucho Bible 1987

²⁸ Danielqa hina allin reqsisqalla karqa Rey Dariopa gobiernasqan tiempopipas chaynataq Persia nacionniyoq Rey Ciropa gobiernasqan tiempopias.

Chuya Qellqa 1992

²⁸ Danielqa ancha reqsisqam karqa rey Dariopa munaychakuyninpipas chaynataq Persia nacionniyuq rey Ciropa munaychakuyninpipas.

Daniel 6:28 Iomraidhean Croise

2~Crónicas 36:22

Profeta Jeremiasnintakama Tayta Diospa nisqan cumplikunanpaqmi, Persia nacionpi rey Ciropa munaychakusqan punta kaq watapi, rey Ciropa sonqonman kay munakuyta Tayta Dios churarqa, lliw munaychakuyninpi runakunaman kay decretota simiwan hinaspa cartakunawan kaynata nimunankupaq:

2~Crónicas 36:23

Persiapa reynin Cirom kaynata nin: Hanaq pachapi Tayta Diosmi kay pachapi nacionkunata qowarqa, hinaspam Judá nacionpi kaq Jerusalén llaqtapi templota hatarichipunaypaq kamachiwarqa. Chaynaqa, qamkuna ukupi pipas Tayta Diospa llaqtan kaspaqa kutikuchun, Tayta Diosmi paywan kan-qa, nispa.

Isaías 44:28

Ñoqam rey Cirota nini: Qanmi michipuwaqniy kanki, munasqayta ruwaqmi kanki, nispay. Jerusalén llaqtatam nini: Musoqmanta hatarichisqam kanki, nispay. Templotapas kaynatam nini: Musoqmanta cimientasqam kanki, nispay.

Jeremías 32:20

Egipto nacionpim señalkunatawan milagrokunata ruwarqanki; Israelpiwan wakin runakunapa chawpinpipas kunan punchawkamam hina chaynallata ruwachkanki, chaynapi ancha reqsisqa kanaykipaq.

Daniel 1:21

Chaynapim Danielqa servikurqa rey Ciro munaychakuyta qallarisqan watakama.

Daniel 10:1

Persia nacionpi rey Ciro kimsa wataña munaychakuchkaptinmi, Beltsasarwan sutichasqa Daniel huk cheqap revelacionta chaskirqa, ichaqa sasa entiendeymi karqa. Danielmi ichaqa chay revelacionpa imam ninantapas allinta entiendeykurqa.

Daniel 3:29

Chayraykum llapallan runakunata, llapallan nacionkunata chaynataq huk rikchaq rimayniyuq runakunatapas kamachini; Sadracpa, Mesacpa, Abed-negopa Diosninkupa contranpi rimaqkunaqa tisapasqam kanqaku, wasinkupas ispakuna raqaymanñam tikrasqa kanqa, paykunapa Diosnin hina kayna librakuykuqqa manam kanchu, nispa.

Daniel 5:28

PARSIN ninanqa: Munaychakuynikim iskayman rakinasqa kaspan Media lawpi hinaspa Persia lawpi kaqkunamanña qosqa kanqa, ninanmi.