Daniel 6:26 - CHUYA QELLQA La Biblia en Quechua de Ayacucho 2012

²⁶ Munaychakusqaypi llapallan runakunatam decretaspay kamachimuykichik Danielpa Diosninta manchakuywan kasukunaykichikpaq. Payqa kawsaq Diosmi, wiñaypaq takyaq Diosmi, kamachikuyninpas mana haykapipas tukuqmi, munaychakuyninpas mana haykapipas puchukaqmi.

Quechua Ayacucho Bible 1987

²⁶ Kay nacion gobiernasqaypi llapallan runakunatam decretaspay kamachimuykichik Danielpa diosninta manchakuywan respetanaykichikpaq. Payqariki Kawsakuq Diosmi. Payqariki wiñaypaq takyaq Diosmi. Paypa gobiernonqa manam haykapipas tukunqachu. Paypa munaychakusqanqa manam haykapipas puchukanqachu.

Chuya Qellqa 1992

²⁶ Munaychakusqaypi llapallan runakunatam decretaspay kamachimuykichik Danielpa Diosninta manchakuywan kasukunaykichikpaq. Payqa kawsaq Diosmi, wiñaypaq takyaq Diosmi, kamachikuyninpas mana haykapipas tukuqmi, munaychakuyninpas mana haykapipas puchukaqmi.

Daniel 6:26 Iomraidhean Croise

Esdras 1:3

Chaynaqa, qamkuna ukupi pipas Tayta Diospa llaqtan kaspaqa, Judá nacionpi kaq Jerusalenman kutichun, Tayta Diosmi paywan kanqa, hinaspayá Israelpa yupaychasqan Tayta Diospa templonta hatarichimuchun, payqa Jerusalén llaqtapim yachakun.

Esdras 7:21

Ñoqa rey Artajerjesmi, Eufrates mayupa waklawninpi qori-qollqey waqaychaqkunata kaynata kamachimuykichik: Hanaq pachapi Tayta Diospa kamachikuyninta allinta yachaq sacerdote Esdraspa tukuy ima mañasusqaykichiktam utqayman qonkichik.

Isaías 66:2

Tukuy imapas ñoqapa ruwasqallaymi, chaymi tukuy imapas rikurirqa. Ñoqa Tayta Diosmi chaynata nini. Ñoqaqa nanachikuni humillakuspa wanakuq runakunatam, yachachikuyniy kasukuq runakunatam.

Isaías 9:7

Rey Davidpa trononmantam kamachikunqa, munaychakuyninpa atiyninmi tukuy hinastinman chayanqa, munaychakuyninpiqa hawkayaypas manam tukunqachu, munaychakuyninqa wiña-wiñaypaqmi takyanqa. Mana pimanpas sayapakuspam kamachikunqa, allin arreglokunawanmi munaychakunqa, kunanmanta wiña-wiñaykama. Tukuy Atiyniyuq Tayta Diospa kuyakuyninmi chaytaqa ruwanqa.

Jeremías 10:10

Tayta Diosllam cheqap Diosqa, payqa kawsaq Diosmi, payqa wiñaypaq reymi, piñakuptinqa allpapas katkatatanmi, rabiakuptinqa nacionkunapas manam aguantanmanchu.

Daniel 2:44

Chay reykuna munaychakuchkaptinkum hanaq pacha Dios hatarichinqa wiñaypaq mana tuñichiy atina munaychakuyta, chay munaychakuypa hawanpiqa manam hukqa munaychakunqachu. Aswanqa chay munaychakuymi llapallan munaychakuykunata ñutupaspan wiña-wiñaypaq takyanqa.

Daniel 3:29

Chayraykum llapallan runakunata, llapallan nacionkunata chaynataq huk rikchaq rimayniyuq runakunatapas kamachini; Sadracpa, Mesacpa, Abed-negopa Diosninkupa contranpi rimaqkunaqa tisapasqam kanqaku, wasinkupas ispakuna raqaymanñam tikrasqa kanqa, paykunapa Diosnin hina kayna librakuykuqqa manam kanchu, nispa.

Daniel 4:3

¡Mayna allinmi paypa milagronkunaqa! ¡Hatu-hatunmi admirakuypaq ruwasqankunaqa! Munaychakuyninpas wiña-wiñaypaqmi takyan, payqa runakunapa mirayninpim munaychakun.

Daniel 4:34

Chay sentenciawasqan tiempo cumplikuruptinmi ñoqa Nabucodonosor alto cielota qawarirqani, hinaptinmi yuyayniy huktawan kutiykuwarqa. Chaymi tukuy imapa hawanpi munaychakuq Diosta hatuncharqani, wiña-wiñaypaq kawsaq Diostam yupaycharqani, wiña-wiñaypaq Diosmanmi graciasta qorqani, paypa munaychakusqanqa wiña-wiñaypaqmi takyan, payqa runapa lliw mirayninkunapim munaychakun.

Daniel 6:20

Chayaruspanmi llakillawanña Danielta qayarqa: Kawsaq Diospa serviqnin Daniel, mana samaspa servisqayki Diosniki, ¿yaqachu leonkunamanta libraykusunki? nispan.

Daniel 7:14

Chaymi payman atiyta, ancha reqsisqa kayta, munaychakuyta qoykurqaku; chaynapi llaqtakuna, nacionkuna, rikchaqmana rimayniyuqkuna payta servinankupaq. Paypa munaychakuyninqa wiña-wiñaypaq mana tukuqmi, kamachikuyninpas mana haykapipas chinkaqmi.

Daniel 7:27

Kay pachapi gobiernokunapa munaychakuyninpas, atiyninkupas, hatun kayninkupas tukuy imapa hawanpi munaychakuq Diospa llaqtanmanmi qosqa kanqa, munaychakuyninqa wiña-wiñaypaqmi takyanqa, chaymi llapallan llaqtakuna payllataña servispanku kasukunqaku, nispa.

Oseas 1:10

Chaywanpas, Israelpa mirayninkunaqa lamar qochapa patanpi mana yupay atina aqo hinañam kanqaku. “Qamkunaqa manam llaqtanchu kankichik nisusqaykichik sitiopim”, “qamkunaqa kawsaq Diospa llaqtanñam kankichik nispa”, nisunkichik.

Malaquías 3:6

Ñoqa Tayta Diosqa hina kaqllam kani; chayraykum Jacobpa miraynin-kuna mana paqwaypaqchu chinkarunkichik.

Mateo 6:13

Amayá tentacionmanqa kachaykuwaykuchu, aswanqa mana allinmanta libraykuwayku. [Qampam munaychakuypas, atiypas, hatun kaypas wiña-wiñaypaq. Amén].

Lucas 1:33

Chaynapi Israel nacionpi wiñaypaq munaychakunanpaq, munaychakuyninqa manam haykapipas tukunqachu, nispa.

Lucas 12:5

Kunanmi yachachisqaykichik pitam manchakunaykichikta: Manchakuychikqa wañurachispa infiernoman wischuykunanpaq atiyniyuq kaqtayá. Arí, paytam manchakunaykichikqa.

Hechos 17:25

manataqmi runamantaqa imatapas necesitanchu, payqa lliwchanchikta kawsachiwaspanchikmi samaytapas chaynataq tukuy imakunatapas qowanchik.

Romanos 9:26

“Qamkunaqa manam llaqtaychu kankichik nisusqaykichik sitiopim: Qamkunaqa kawsaq Diospa churinñam kankichik” nispa, nisunkichik.

Deuteronomio 5:26

Kawsaq Diospa ninapa chawpinmanta rimamusqanta ñoqayku hina uyarispaqa manam pipas kawsanmanchu.

1~Tesalonicenses 1:9

Paykunañam willakuchkanku qamkunaman chayamuptiyku imaynam chaskiwasqaykikuta hinaspa Diosman iñikuspaykichik idolokunata qepanchakuruspa kawsaq cheqap Diostaña servisqaykichikmantapas,

Hebreos 12:29

Diosninchikqa rupaq nina hina rupaspa tukukuqmi.

Santiago 1:17

Tukuy imapas allin kaqkunawan cheqap atiyqa cielopi kaq chaskakuna unanchaq Diosllamantam hamun. Diosqa hina kaqllam, payqa manam tikrakunchu, nitaqmi llantuy hinachu pasaruqlla.

Apocalipsis 11:15

Trompetanta qanchis kaq ángel tocaykuptinmi hanaq pachamanta hatunmanta qapariy uyarikamurqa: “Kay pachapi munaychakuymi Cristopaña rikurirun, payñam wiña-wiñaypaq munaychakunqa”, niq.

Apocalipsis 4:10

iskay chunka tawayuq ancianokuna wiña-wiñay kawsaqpa otaq tronopi kaqpa qayllanpi qonqorakuspanku coronankuta ñawpaqninman churaykuspanku kaynata yupaychasqaku:

Apocalipsis 5:14

Chay tawa kawsaqkunañataqmi nirqaku: ¡Amén! nispa. Iskay chunka tawayuq ancianokunañataqmi qonqorakuykuspanku hatuncharqaku.

1~Samuel 17:26

Chaymi waqtanpi kaqkunata David tapurqa: ¿Imatataq wak filisteo runata wañu-chiqman hinaspa Israel tropakunapa penqayninta chinkachiqman qonqaku? ¿Pitaq wak mana señalasqa filisteoqa, kawsaq Diospa tropankunata insultananpaqqa? nispa.

1~Samuel 17:36

Leontapas otaq ukumaritapas kay qawasqayki serviqnikiqa wañuchiqmi kani. ¡Wak mana señalasqa filisteoqa chay animalkuna hinallam kachkan! ¿Imanasqamá payqa kawsaq Diospa tropankunataqa insultanqa?