Daniel 6:24 - CHUYA QELLQA La Biblia en Quechua de Ayacucho 2012

²⁴ Chaymantam rey kamachikuptin, Daniel acusaq runakunata pusamurqaku, hinaspam warmintinta churintinta wischuykurqaku leonkunapa kasqan uchkuman, hinaptinmi manaraqpas pampaman chayaykuchkaptinku leonkuna pawaykuspa tisaparurqa, llapallan tullunkupas chamchakunankama.

Quechua Ayacucho Bible 1987

²⁴ Rey kamachikuptinmi pusamurqaku Danielta acusaq runakunata, warmintinta hinaspa churintinta wischuykurqaku leonkunapa kasqan machayman, manaraqpas pampaman chayaykuchkaptinku leonkuna pawaykuspa tisaparurqa llapallan tullunkupas chamchakunankama.

Chuya Qellqa 1992

²⁴ Chaymantam rey kamachikuptin, Daniel acusaq runakunata pusamurqaku, hinaspam warmintinta churintinta wischuykurqaku leonkunapa kasqan uchkuman, hinaptinmi manaraqpas pampaman chayaykuchkaptinku leonkuna pawaykuspa tisaparurqa, llapallan tullunkupas chamchakunankama.

Daniel 6:24 Iomraidhean Croise

2~Reyes 14:6

Chay runakunapa churinkunatam ichaqa mana wañuchirqachu, imaynam Moisespa qellqasqan kamachikuy libropa nisqanman hina, chaypim Tayta Dios nirqa: Wawa-churinkupa huchallikusqanmantaqa amam tayta-mamantaqa wañuchinkichikchu, nitaqmi tayta-mamanpa huchanmantapas wawa-churinkutaqa wañuchinkichikchu. Huchankumantaqa sapakamam wañunqaku, nispa.

Ester 7:10

Hinaptinmi Amanta warkururqaku Mardoqueopaq ruwachisqan warkunapi, chayñam reypa piñakuynin tanirurqa.

Ester 9:10

Paykunam karqaku judiokunapa enemigon Hame-datapa churin Amanpa chunkantin churinkuna; llapa kapuqninkutam ichaqa mana imanarqakuchu.

Ester 9:25

Ichaqa reypa ñawpaqninman reina Ester hamuruspa mañakuptinmi, reyqa huk decretota kamachikurqa, judiokunapa contranpi Amanpa mana allinkuna tanteasqan kikillanman wichiykunanpaq. Chaynapim Amanqa churinkunapiwan warkunapi warkurachikurqaku.

Proverbios 11:8

Allin kawsakuq runataqa sasachakuymantapas Diosmi libraykun, hinaspam mana allin runataña chay sasachakuyman churaykun.

Proverbios 19:9

Mana allin testigoqa castigasqapunim kanqa, llulla rimaq runaqa chinkanqapunim.

Isaías 38:13

Tukuy tutam qamta qayakamullayki, aswanqa león hinam tulluykunata pakiparunki, tutaykuymanta achikyaqkamallam vidayta tukurunki.

Jeremías 34:17

Chayraykum ñoqa Tayta Dios kaynata nini: Qamkunaqa aylluykichikkunata libretaña mana kacharispam mana kasuwarqankichikchu, chayraykum ñoqapas qamkunapa contraykichikpi guerrata, peste onqoyta hinaspa yarqayta kacharimusaq, kay pachapi nacionkunapas manchakuymanta katkatatanankama.

Daniel 3:22

Chaylla ruwanankupaq rey kamachikusqanraykum chaynataq hornopas llumpayta rupasqanraykum, chay jovenkuna wischuykuq soldadokunata lenwachkaq nina hayparamuspa wañurachirqa.

Deuteronomio 24:16

Wawa-churinkupa huchallikusqanmantaqa amam tayta-mamantaqa wañuchinkichikchu, nitaqmi tayta-mamanpa huchanmantapas wawa-churintaqa wañuchinkichikchu. Huchallikuspaqa sapakamam huchankumanta wañunqaku.