Daniel 6:16 - CHUYA QELLQA La Biblia en Quechua de Ayacucho 2012

¹⁶ Chaymi reyqa pusachimurqa Danielta, leonkunapa kasqan uchkuman wischuykunankupaq. Manaraq wischuy-kuchkaptinkum Danielta rey nirqa: Mana samaykuspa servisqayki Dios-nikiyá qamta librasunki, nispa.

Quechua Ayacucho Bible 1987

¹⁶ Reymi Danielta pusarachimurqa leonkunapa kasqan machaymanpas wischuykunankupaq, manaraq wischuykuchkaptinkum Danielta rey nirqa: —Mana samaykuspa servisqayki diosnikiyá qamtaqa libraykusunki —nispa.

Chuya Qellqa 1992

¹⁶ Chaymi reyqa pusachimurqa Danielta, leonkunapa kasqan uchkuman wischuykunankupaq. Manaraq wischuykuchkaptinkum Danielta rey nirqa: Mana samaykuspa servisqayki Diosnikiyá qamta librasunki, nispa.

Daniel 6:16 Iomraidhean Croise

2~Samuel 3:39

Chaymi Diospa sapaqchasqan rey kachkaspaypas mana ima ruwayta atinichu Sarviapa wawankuna rumi sonqo munaysapa kasqankurayku. Tayta Diosyá mana allin ruwaqmanqa imam ruwasqanman hina pagapuchun, nispa.

Jobwan Sutichasqa Libro 5:19

Soqta sasachakuymantam librasunki, qanchis kaqñataqmi manaña chayamusunkichu.

Proverbios 29:25

Runapa manchakuyninqa trampa hina wichichiqninmi, Diospi hapipakuq runam ichaqa hawka kawsakunqa.

Isaías 41:10

Amayá manchakuychikchu, qamkunawanmi kachkani, amayá hukmanyaychikchu, ñoqam Diosnikichik kani, kallpanchaspaymi yanapasqaykichik, atiyniyuq makiywanmi pusasqaykichik.

Isaías 43:2

Yakunta riptikipas, qanwanmi kasaq, mayunta chimpaptikipas, manam apasunkichu, nina ukunta pasaptikipas, manam rupasunkichu, lenwachkaq ninapas manam kañasunkichu.

Jeremías 26:14

Kunanqa makikichikpim kani, tanteasqaykichikman hinayá ñoqawan ruwaychik.

Jeremías 38:5

Chaymi rey Sedequías nirqa: Chay runaqa makikichikpim kachkan, munasqaykichikta ruwaychik, manam ñoqaqa contraykichikpiqa ima ruwaytapas atiymanchu, nispa.

Jeremías 38:6

Hinaptinmi Jeremiasta hapiruspanku reypa churin Malquiaspa pozonman waskakunawan uraykachirqaku. Chay pozoqa tarikurqa carcelpa pationpim. Ichaqa chay pozom mana yakuyuqña karqa, chayraykum Jeremiasta kachaykuptinku mituman chinkakuykurqa.

Jeremías 39:17

Ñoqa Tayta Diosmi kaynata niki: Chay punchawpim manchakusqayki runakunamanta librasqayki, manam paykunapa makinmanqa wichinkichu.

Daniel 3:15

Chaynaqa, ¿listochu kachkankichik tocasqankuta uyariykuspa ruwachisqay idolopa ñawpaqninpi qonqorakunaykichikpaq hinaspa hatunchanaykichikpaq? Mana hatunchaspaykichikqa chaypunillam rupachkaq hornoman wischusqa kankichik. Hinaptinqa, ¿yaqachu mayqan diospas makiymanta librarusunkichikman? nispa.

Daniel 3:17

Rupachkaq hornoman wischuykachiwaptikikupas yupaychasqayku Diosniykum libra-wanqaku, librawanqakutaqmi maki-kimantapas.

Daniel 3:28

Hinaptinmi rey Nabucodonosor chaylla nirqa: Sadracpa, Mesacpa, Abed-negopa Diosnin hatunchasqa kachun. Paymi angelninta kachamurqa hapipakuqnin serviqninkunata libraykunanpaq. Arí, paykunaqa Diosnillankuta hatunchayta munaspankum ñoqapa kamachikusqaytapas mana kasukurqakuchu, wañuytapas mana manchakuspankum huk dioskunataqa mana yupaycharqakuchu.

Daniel 6:20

Chayaruspanmi llakillawanña Danielta qayarqa: Kawsaq Diospa serviqnin Daniel, mana samaspa servisqayki Diosniki, ¿yaqachu leonkunamanta libraykusunki? nispan.

Daniel 6:7

munaychakuynikipi tarikuq kamachikuqkuna, capitankuna, consejaqnikikuna hinaspa lliw gobernadorkunam tanteanakuruniku huk kamachikuyta decretaspa cumplichinaykipaq: “Kimsa chunka punchaw ama pipas huk diostaqa nitaq huk runatapas mañakuchunkuchu, mañakuspaqa mañakuchunku qam reynillaykuta. Pipas chayta mana kasukuqqa leonkunapa kasqan uchkuman wischusqa kachun.

Hechos 24:27

Iskay wata pasaruptinmi, gobernador kayninmanta Félix lloqsikurqa, hinaptinmi paypa rantinpi Porcio Festoña yaykurqa. Felixmi judiokunawan kuyachikuyta munaspan Pablota hina presollata saqerurqa.

Hechos 25:11

Sichum wañunaypaq hina ima mana allintapas ruwaptiyqa wañuchiwaychikyá. Sichum acusawasqanku mana cheqap kaptinqa, manam pipas judiokunamanqa entregawanmanchu. Chaynaqa, kikin emperador Cesarña juzgawananpaqmi mañakuni, nispa.

Hechos 25:9

Ichaqa gobernador Festom judiokunawan allinpi kayta munaspan Pablota tapurqa: ¿Munankichum Jerusalenman riyta wakpiña juzgamunaypaq? nispa.

Romanos 13:3

Kamachikuqkunaqa manam allin ruwaqkunata manchachinanpaqchu kachkan, aswanqa mana allin ruwaqkunata manchachinanpaqmi. Chaynaqa, kamachikuqkunata mana manchakuyta munaspaykiqa allinta kawsakuy, chaynapim kamachikuqkunapas alabasunki.

2~Corintios 1:10

Wañuymantapas Diosmi librawarqaku, paytaqmi qepatapas librawanqaku. Confiakuchkanikutaqmi hamuq punchawkunapipas librawanankuta.