Daniel 6:13 - CHUYA QELLQA La Biblia en Quechua de Ayacucho 2012

¹³ Chaymi paykuna nirqaku: Reynillayku, Judá nacionmanta presokunawan hamuq Danielqa manam manchakusunkichu, nitaqmi kamachisqayki decretotapas kasukunchu, aswanqa sapa punchawmi kimsa kutita Diosninta mañakun, nispanku.

Quechua Ayacucho Bible 1987

¹³ Chaymi paykuna nirqaku: —Reynillayku, Juda nacionmanta presokunawan hamuq Danielmi mana respetasunkichu, manataqmi firmasqayki decretotapas payqa kasukunchu aswanqa sapa punchawmi kimsa kutita diosninta mañakun.

Chuya Qellqa 1992

¹³ Chaymi paykuna nirqaku: Reynillayku, Judá nacionmanta presokunawan hamuq Danielqa manam manchakusunkichu, nitaqmi kamachisqayki decretotapas kasukunchu, aswanqa sapa punchawmi kimsa kutita Diosninta mañakun, nispanku.

Daniel 6:13 Iomraidhean Croise

Ester 3:8

Hinaptinmi rey Asuerota Amán nirqa: Munaychakusqayki llaqtakunapim huk casta runakuna cheqesqa hinaspa rakinasqa yachachkanku, leyninkupas sapaqmi, manam wakin llaqtakunapa hinachu, kamachikuynikikunatapas manam kasukunkuchu. Manam allinchu reypa munaychakuyninpi kayna runakunapa kawsayninqa.

Daniel 1:6

Chay akllasqa jovenkunawanmi kachkarqa Daniel, Ananías, Misael hinaspa Azarías, paykunaqa Judapa mirayninmi karqaku.

Daniel 2:25

Hinaptinmi utqayman Arioc pusarqa Danielta rey Nabucodonosorpa ñawpaqninman hinaspam kaynata nirqa: Reynilláy, Judá nacionmanta preso hamuqkuna ukupim tariramuni mosqorusqaykipa imam ninantapas willasuqniki atiqta, nispa.

Daniel 3:11

Kamachikurqankitaqmi pipas qonqorakuspa mana hatunchaqqa chaypunilla rupachkaq hornoman wischusqa kananpaq.

Daniel 3:12

Reynillayku, ichaqa kachkanmi qampa kamachisqaykita mana kasukuq judío runakuna, paykunataqa Babilonia lawpi kamachikuqkuna kanankupaqraqmi churarqankipas, chayna kachkaspapas manam idoloykikunatapas nitaq qorimanta ídolo sayachisqaykitapas yupaychankuchu, paykunapa sutinmi: Sadrac, Mesac hinaspa Abed-negom, nispa.

Daniel 3:8

Caldea runakunañataqmi chayman hapipakuruspanku rey Nabucodono-sorman asuykurqaku judío runakunata acusanankupaq.

Daniel 5:13

Qayllanman Danielta pusaruptinkum rey tapurqa: ¿Qamchu kachkanki abueloy Nabu-codonosorpa Judá nacionmanta preso pusamusqan Daniel?

Hechos 17:7

Paykunatam kay Jasonpas wasinpiraq samarachin. Paykunaqa llapallankum emperador Cesarpa kamachikuyninkunapa contranpi rimachkanku: “Huk reymi kachkan Jesús sutiyuq”, nispanku.

Hechos 5:29

Hinaptinmi Pedrowan wakin apostolkuna nirqaku: Runakunamanta puntataqa Diostam kasukunayku.