Daniel 6:10 - CHUYA QELLQA La Biblia en Quechua de Ayacucho 2012

¹⁰ Chay decreto firmasqa kasqanta Daniel yacharuspanmi wasinman rispan cuartonpa Jerusalén lawman qawaq ventanankunata kichaykurqa. Hinaspam qonqoranpa kimsa kutikama sapa punchaw Diosninta mañakuspan graciasta qorqa, imaynam ñawpaqta ruwasqanta hina.

Quechua Ayacucho Bible 1987

¹⁰ Chay decreto firmasqa karusqanta Daniel yacharuspanmi wasinman pasakurqa hinaspam altos lawpi cuartonpa ventanankunata kichaykurqa, chay ventanakunaqa qawarqa Jerusalen llaqta lawmanmi. Chaypim payqa qonqarakuykuspan Diosninta alabarqa, mañakuspanmi payman graciasta qorqa. Chaynatam rurarqa kimsa kutikama imaynam ñawpaqmantaraq sapa punchaw rurasqanman hina.

Chuya Qellqa 1992

¹⁰ Chay decreto firmasqa kasqanta Daniel yacharuspanmi wasinman rispan cuartonpa Jerusalén lawman qawaq ventanankunata kichaykurqa. Hinaspam qonqoranpa kimsa kutikama sapa punchaw Diosninta mañakuspan graciasta qorqa, imaynam ñawpaqta ruwasqanta hina.

Daniel 6:10 Iomraidhean Croise

1~Reyes 8:30

Kay serviqnikipa chaynataq Israelpa mirayninkunapa mañakusqaykutayá uyariykullawayku. Kay wasikimanta mañakamuptiykumá hanaq pacha wasikimanta uyariykamullawankiku hinaspa pampachaykullawankiku.

1~Reyes 8:38

huchankumanta sonqonkupi ñakakuspa mayqan runapas otaq Israelpa lliw mirayninkunapas kay temployki lawman makinkuta hoqarispa qayakamuptinkuqa,

1~Reyes 8:44

Sichum runaykikuna qam kamachiptiki enemigonpa contranpi guerrapi peleaq risqanku lawmanta qam Tayta Diosta qayakamusunki kay Jerusalenpi temployki lawman qawamuspanku,

1~Reyes 8:54

Tayta Diospa altarninpa ñawpaqninpi altoman makinkunata hoqarispa qonqoranpa mañakusqanta tukuruspanmi Salomón sayarirurqa.

2~Crónicas 6:13

Salomonmi broncemanta altarta ruwachirqa, iskay metro cuarton largoyuqta, iskay metro cuarton anchoyuqta, huk metro kimsa chunka pichqayuq centímetro altoyuqta, hinaspam patiopa chawpinman churarqa. Chay altarman seqaruspanmi, huñunasqa Israel casta runakunapa qayllanpi qonqorakuykuspan makinkunata altoman hoqarispan nirqa:

2~Crónicas 6:38

Chaynataq, preso kasqanku allpapi qanman kutirikamuspanku, tukuy sonqonkuwan, tukuy vidankuwan, ñawpaq taytankuman qosqayki allpa lawman qawamuspanku, kay akllakusqayki llaqta lawman qawamuspanku, kay ruwachisqay templo lawman qawamuspanku mañakamusuptikiqa,

Esdras 9:5

Tardeykuyta Diospaq sacrificio ofrecena horatam llakisqa kasqaymanta hatarirqani, pachaypas chaynataq capaypas llikisqa, hinaspaymi makiykunata hoqarispay qonqoranpa Tayta Diosta mañakurqani,

Nehemías 6:11

Chaymi nirqani: Ñoqa hina qarikunaqa manam ayqenchu, manataqmi salvakunanpaqpas Diospa wasinpiqa pakakunchu. Ñoqaqa manam yaykusaqchu, nispay.

Daniel 6:13

Chaymi paykuna nirqaku: Reynillayku, Judá nacionmanta presokunawan hamuq Danielqa manam manchakusunkichu, nitaqmi kamachisqayki decretotapas kasukunchu, aswanqa sapa punchawmi kimsa kutita Diosninta mañakun, nispanku.

Daniel 9:4

Tayta Diosta mañakuspaymi huchaykumanta kaynata willakurqani: Hatu-hatun manchakuypaq Señor Diosnilláy, kasuqnikikunawan pacto ruwasqaykita cumpliqmi kanki, kamachikuynikikuna kasukuqta kuyapayaykuqmi kanki.

Jonás 2:4

Hinaptinmi qayllaykimanta wischuruwasqaykitaña piensarqani, chaywanpas huktawanmi temploykita qawaykusaq.

Marcos 3:3

Jesusñataqmi chakisqa makiyuq runata nirqa: Hatarispayki kay chawpipi sayay, nispa.

Lucas 14:26

Pipas qatiwayta munaqqa, taytan-mantapas, mamanmantapas, warmin-mantapas, churinkunamantapas, wawqen-kunamantapas, paninkunamantapas hinaspa kikinpa vidanmantapas mastaqa ñoqatam kuyawanan. Mana chayna kaspaqa manam discipuloyqa kanmanchu.

Lucas 22:41

Hinaspam paykunamanta karuniqman asurispan chaypi qonqorakuykurqa, hinaspam Diosta kaynata mañakurqa:

Hechos 10:9

Paqarinnintin punchaw, Corneliopa runankuna Jope llaqtaman yaqaña chayachkaptinkum, Pedroñataq yaqa chawpi punchawta wasipa altonman qespirqa Diosta chaypi mañakunanpaq.

Hechos 2:15

Ñoqaykuqa manam qamkunapa nisqaykichikman hina sinkachu kachkaniku. Manaraqpas isqon horataqa manam pipas sinkaqa kanmanchu.

Hechos 20:24

Ichaqa vidaypas ñoqapaqqa manam llumpay valorniyuqchu. Aswanpas munani Señor Jesucristopa kamachiwasqanta kallpachkaq hina kusikuywan ruwaytam hinaspa Diospa kuyakuyninmanta willakunaypaq Señor Jesucristopa kamachiwasqan cumpliytam.

Hechos 20:36

Chaykunata Pablo rimaruspanmi qonqorakuykuspan paykunawan kuska Diosta mañakurqa.

Hechos 21:5

Chay qanchis punchaw pasaruptinmi lloqsirqaniku, hinaptinmi lliw iñiqkuna warmipas qaripas warmakunapas llaqtapa patankama qatiwarqaku aviawanankupaq, chaymi lamar qochapa patanpi qonqorakuykuspa Diosta mañakurqaniku.

Hechos 3:1

Huk punchawmi kimsa hora tardeykuyta, Dios mañakuna horata, Pedrowan Juan temploman rirqaku.

Hechos 4:29

Taytayku kunanqa qawayá imaynam amenazawasqankuta hinaspa serviqnikikunata kallpanchawayku mana manchakuspa qanmanta willakunaykupaq.

Hechos 5:20

Temploman rispaykichik runakunaman willamuychik, musoq vidamanta tukuy kay yachachikuykunata, nispa.

Hechos 5:29

Hinaptinmi Pedrowan wakin apostolkuna nirqaku: Runakunamanta puntataqa Diostam kasukunayku.

Hechos 7:60

Hinaspanmi qonqorakuykuspan qaparirqa: Señorlláy, kay hucha ruwasqankutaqa amayá huchapaqpas hapiychu, nispa. Chaynata niruspanmi wañukurqa.

Hechos 9:40

Pedroñataqmi chaypi kaqkunata lloqsirachispan, qonqorakuspan Diosta mañakurqa, hinaspam chay wañusqa warmita qawarispan nirqa: Tabita, hatariy, nispa. Chaymi Tabita qawarikururqa, hinas-panmi Pedrota rikuruspan tiyarirurqa.

Efesios 3:14

Chayraykum qonqorakuykuspay Dios Taytanchikta mañakuchkani.

Filipenses 1:14

Achkaq wawqe-panikunam preso kasqayta qawaspanku kallpanchakurqaku, mana manchakuspa Señorpi hapipakuspanku aswanraq Diospa palabranta willakunankupaq.

Filipenses 1:20

Tukuy sonqoywanmi Diosman hapi-pakuchkani imamantapas mana pen-qachiwanankupaq hinaspa mana manchakuspa rimanaypaq, chaynapim ñawpaq tiempopi hina kunan tiempopipas, wañuptiypas otaq kawsaptiypas Jesucristoqa cuerpoypi hatunchasqa kanqa.

Filipenses 4:6

Amayá imamantapas afanakuychikchu, aswanqa Diosta mañakuspayá payman lliwta willakuychik hinaspa graciasta qokuychik.

Colosenses 3:17

Tukuy imata ruwaspapas otaq rimaspapas Señor Jesuspa sutinpiyá ruwaychik, chaykunataqa ruwaychik Cristontakama Dios Taytaman graciasta qospa.

Hebreos 13:15

Chaynaqa, kañasqa ofrendata hinayá takikunata Jesucristontakama Diosman tukuy tiempo ofrecesunchik, chayku-naqa kanan sutinmanta siminchik-pa yupaychayninkunam.

Hebreos 4:16

Chaynaqa, confianzawanyá kuyapayawaqninchik Diosman asuykusunchik chaynapi sasachakuyninchik tiempokunapi llakipayawaspanchik yanapaykuwananchikpaq.

Apocalipsis 2:10

Amayá manchakuychu ñakarinaykimantaqa, wakiqnikichiktam pruebasqa kanaykichikpaq carcelman diablo wichqachisunkichik; chunka punchawmi ñaka-rinkichik. ¡Wañukunaykikamayá qaqa hina sayay! Hinaptinqa ñoqam qosqayki kawsay coronata.

Apocalipsis 2:13

Ñoqaqa yachanim imam ruwasqaykitawan hinaspa Satanaspa trononpa kasqanpi yachasqaykitapas. Chaywanpas qaqa hina sayaspam qatiwachkanki. Chay llaqtapim tukuy sonqonwan serviwaqniy Antipasta wañurachirqaku, ichaqa chaykunawanpas iñiynikichiktaqa manam negarqankichikchu.