Daniel 5:30 - CHUYA QELLQA La Biblia en Quechua de Ayacucho 2012

³⁰ Chay tutallam Caldeapa reynin Belsasarta wañurachirqaku.

Quechua Ayacucho Bible 1987

³⁰ Hina chay tutallapim Caldea lawpi Rey Belsasarta wañurachirqaku.

Chuya Qellqa 1992

³⁰ Chay tutallam Caldeapa reynin Belsasarta wañurachirqaku.

Daniel 5:30 Iomraidhean Croise

Isaías 47:9

Layqaña kaptikipas, qatipaqña kaptikipas, qonqaytam huk punchawllapi kay iskay llaki chayamusunki: Viudayaspam mana wawayuqña rikurirunki.

Jeremías 50:24

Yaw, Babilonia llaqta, contraykipim toqllata churaruni; mana musyakuspam chay toqllaman wichiykunki. Tayta Diospa contraypi hatarisqaykiraykum hapirachikuspa presocharachikunki.

Jeremías 51:11

Tayta Diosmi Babiloniata chinkachinqa, templonta tuñichisqanmantam vengakunqa. Flechaykichikta alistakuychik, escudoykichikta hapiychik. Babilonia nacionta tuñichinankupaqmi Media nacionpa reyninkunata Tayta Dios kallpanchamuchkan.

Jeremías 51:31

Willakuqkunam qatinasninpi kallpachkanku, Babilonia nación vencesqa kasqanta reyman willanankupaqmi kallpachkanku.

Jeremías 51:39

Rupaypi yakunayachikuptinkum machachiqninkuta upyachisaq, muspaypi hinaña kanankukamam upyachisaq, chaynapim wiñaypaq manaña rikchanankukama puñurunqaku. Ñoqa Tayta Diosmi chaynata nini.

Jeremías 51:57

Ñoqam machachisaq Babiloniapa kamachiqninkunata, yachaysapa runankunata, ancha reqsisqa runankunata, gobernadorninkunata hinaspa soldadonkunata. Paykunataqa wiñaypaq manaña rikchanankukamam puñurachisaq. Tukuy Atiyniyuq Tayta Diosmi chaynata nin.

Amós 6:7

Chayraykum kunan preso apaqkunapas qamkunamanta qallarispa presochasunkichik; chaynapim hawkallaña samakuspa upyakuynikichikwan mikukuynikichikpas tukunqa, nispa.