Daniel 5:29 - CHUYA QELLQA La Biblia en Quechua de Ayacucho 2012

²⁹ Chaynata Daniel willaykuptinmi, rey Belsasar kamachikurqa sumaqllaña grosella pachawan Danielta pachachinankupaq chaynataq qorimanta collarwanpas wallqachinankupaq, hinaspam munaychakuyninpi Danielqa kimsa kaq kamachikuq kasqanta llapallanman willachimurqa.

Quechua Ayacucho Bible 1987

²⁹ Chaynata Daniel willaykuptinmi Rey Belsasar kamachikurqa sumaqllaña grosella pachawan Danielta pachachinankupaq chaynataq qorimanta collarwanpas kunkanman wallqachinankupaq hinaspam llapallanman willachirqa Danielqa gobiernonpi kimsa kaq gobiernaq kasqanta.

Chuya Qellqa 1992

²⁹ Chaynata Daniel willaykuptinmi, rey Belsasar kamachikurqa sumaqllaña grosella pachawan Danielta pachachinankupaq chaynataq qorimanta collarwanpas wallqachinankupaq, hinaspam Danielqa munaychakuyninpi kimsa kaq kamachikuq kasqanta llapallanman willachimurqa.

Daniel 5:29 Iomraidhean Croise

Génesis 41:42

Hinaspanmi makinmanta sellanan anillota hurqoykuspa Joseyman churaykurqa, fino linomanta pachawan pachaykachispam kunkanmanpas qorimanta collarta churaykurqa.

Ester 10:3

Judío Mardoqueoqa llaqtamasinkunapa reqsisqan hinaspa ancha kuyasqanmi karqa; payqa llaqtanpa chaynataq castankunapa allinnintam maskarqa. Atiyniyuq kayninpipas rey Asueropa qatiqllanmi karqa.

Proverbios 1:9

Chay nisusqaykikunaqa umaykipaq kuyayllapaq corona hinam kanqa, kunkaykipaqpas kuyayllapaq collar hinam kanqa.

Daniel 2:48

Danielta llumpayta hatunchaspanmi achkallaña regalokunata rey qorqa, hinaspam Babilonia lawpi gobernador kananpaq, chaynallataq chay nacionpi llapallan yachayniyuq runakunapa kamachiqnin kananpaq churarqa.

Daniel 5:16

Qanmantam ichaqa uyarirqani tukuy imakunapapas imam ninan willakuy atisqaykita chaynataq ima sasallaña kaqtapas allichay atisqaykita. Chaynaqa, sichum wak qellqata leeykuspa imam ninanta niykuwaptikiqa sumaqllaña grosella pachawanmi pachachisqayki, kunkaykimanpas qorimanta collartam wallqachisqayki, munaychakuyniypipas kimsa kaq kamachikuq kanaykipaqñam churasqayki, nispa.

Daniel 5:7

Chaymi qaparispan qayachirqa qawaqkunata, Caldeapi yachayniyuq-kunata hinaspa adivinaqkunata. Payku-natam nirqa: Wak qellqata leey atiqqa chaynataq imam ninanta willaykuwaqniyqa sumaqllaña grosella pachawan pachachisqam kanqa, kunkanmanpas qorimanta collarwanmi wallqachisaq, munaychakuyniypipas payqa kimsa kaq kamachikuqmi kanqa, nispa.

Daniel 6:2

Chay kamachikuqkunapa hawanpiñataqmi kimsa kamachiqninkunata churarqa, reypa imapas ruwasqankuna allin lloqsinanpaq. Chay kimsa kamachikuqkunapa hukninmi karqa Daniel.